Biblia Todo Logo
Bìoball air-loidhne

- Sanasan -




2 Saray Arari 24:12 - Maung A Balita Biblia

12 insan sinmukod saray taga Babilonia si Ari Joakin, si ina to, saray anak ton lalaki, saray opisyal to, tan saray opisyal na palasio.

Faic an caibideil Dèan lethbhreac

Maung a Balita Biblia

12 insan sinmukod saray taga Babilonia si Ari Joakin, si ina to, saray anak ton lalaki, saray opisyal to, tan saray opisyal na palasio.

Faic an caibideil Dèan lethbhreac




2 Saray Arari 24:12
26 Iomraidhean Croise  

Pigarad saray kakanayon mo so naala tan magmaliw iran yunuko a manlingkur ed palasio na ari na Babilonia.”


Legan na impanlakob na saray sondalo, linmad Jerusalem si Nabucodonosor,


Nen taon a nagmaliw ya arid Babilonia si Evilmerodac, kinasian ton impaway ed prisowan si Joakin. Agawa ya nen kumaduamplo tan piton agew na kumatalomplo tan piton taon na inkadakep nen Joakin.


Nen kumapiton agew na kumaliman bulan na kumalabinsiam a taon na panooley nen Nabucodonosor ed Babilonia, linmoob ed Jerusalem si Nebuzaradan a sumisimbawa na ari tan pangulo na saray sondalo na ari.


Nen sinmabiy tiagew, si Ari Nabucodonosor inawit toy Joakin a sakey a priso ed Babilonia, tan inala to ray kayamanan na palasioy ari. Insan si Nabucodonosor ginawa ton ari na Juda tan Jerusalem si Sedekias a pangamaen nen Joakin.


Diad Susa a manonan siudad walay manaayam diman a sakey a Judio a manngaran na Mardokeo ya anak nen Jair; nanlapud tribu nen Benjamin tan kabyangay boleg nen Kis tan si Simei.


Nen inawit nen Ari Nabucodonosor na Babilonia si Ari Joakin na Juda tan saray arum a totoon adakep ed Jerusalem, kaiba ra si Mardokeo.


Lapud saya, insamba na Dios so dalin. Babayaran na saray totoo so ginagawa ra. Mandaiset lan mandaiset so nakekeraan a mabilay.


Inkuan na Katawan ed siak, “Ibagam ed ari tan say ina to ya onakseb iran manlapud trono ra, lapud naplag manlapud olo ra iray marakerakep a korona ra.


Si Ari Nabucodonosor na Babilonia inyakar ton adakep ed Babilonia, manlapud Jerusalem, so lakin anak nen Joakim a si Joakin ya ari na Juda, saray pangulo na Juda, tan saray marunong a karpintiro tan kumikimey. Kayari na sayan inkagawa, say Katawan impanengneng tod siak so duaran baskit a bungay igos a niiyan ed arap na Timplo.


Diad kumapat a taon na panaarid Juda nen Joakim a lakin anak nen Josias, naawat ko so salita na Katawan nipaakar ed amin a totood Juda. (Sikato yay ononan a taon na panaarid Babilonia nen Nabucodonosor.)


Kanyan sirin, siak, say Katawan, kuankod sika, Ari Joakim, ya anggapoy kabyangay boleg mo a makapanoley ed nanarian nen David. Say bangkay mo nibantak ed pataktak a napetangan no agew tan nabetelan no labi.


Si Ari Nabucodonosor na Babilonia insalat tod kinen Joakin a lakin anak nen Joakim so lakin anak nen Josias a si Sedekias a manari ed dalin na Juda.


Nen kumaplon agew na kumaliman bulan na kumalabinsiam a taon na panooley nen Ari Nabucodonosor ed Babilonia, linmoob ed Jerusalem si Nebuzaradan a sumisimbawa na ari tan pangulo na saray sondalo to.


Saya so listaan na saray inaalan priso nen Nabucodonosor: nen kumapiton taon na panaari to angala na talon libo tan duamplo tan talo;


Nen taon a nagmaliw ya arid Babilonia si Evil-merodac, kinasian to si Ari Joakin na Juda; impaway to ed prisowan. Agawa ya nen kumaduamplo tan limay agew na kumalabinduan bulan na kumatalomplo tan piton taon na inkapriso nen Joakin.


Kumalima lad saman a taon manlapu lad inkibantak nen Ari Joakin ed arum a bansa.)


“Tepet mod sarayan mananumpan totoo no kasin amta ra so kabaliksan na samay alimbawa. Ibagam ed sikara a say ari na Babilonia et linmad Jerusalem tan inawit tod Babilonia so ari tan saray opisyal to.


Inawit tod dalin da ray nigosianti tan inlira to ed siudad na saray managlako.


Imbagad siak na Dios a kantaen ko yan maermen a kanta a para saray duaran prinsipi na Israel:


Nitanem la natan ed kalawakan, diad amaga tan anggapoy danum a dalin.


“Say Katawan iyakar to kayo tan say ari yo ed sakey a bansa ya ag yo ni nanayaman nen saman, sikayo o saray lalaki yo; manlingkur kayod man ed saray diriyos a kiew tan saray diriyos a bato.


Lean sinn:

Sanasan


Sanasan