2 Saray Arari 23:4 - Maung A Balita Biblia

⁴ Insan ingganggan nen Josias so Pangulon Pari a si Helcias, saray mananulong ton papari, tan saray nipasen a guardia ed lolooban na Timplo ya ipaway dad Timplo iray amin a kagawaan ya ikakanad pangigalang ed Baal, diosan Asera, tan saray bitewen. Pinoolan na ari ira yan amin diad paway na siudad diad asingger ed Patar na Cedron, insan to impaiyakar ed Betel so dapul da.

Maung a Balita Biblia

⁴ Insan ingganggan nen Josias so Pangulon Pari a si Helcias, saray mananulong ton papari, tan saray nipasen a guardia ed lolooban na Timplo ya ipaway dad Timplo iray amin a kagawaan ya ikakanad pangigalang ed Baal, diosan Asera, tan saray bitewen. Pinoolan na ari ira yan amin a kagawaan ya ikakanad pangigalang ed Baal, diosan Asera, tan saray bitewen. Pinoolan na ari ira yan amin diad paway na siudad diad asingger ed Patar na Cedron, insan to impaiyakar ed Betel so dapul da.

2 Saray Arari 23:4 Iomraidhean Croise

2 Samuel 15:23

Manorangal iray totoo nen tinmaynan iray totoo nen David. Binaliw nen David so Kolus na Cedron, tinombuk na saray totoo to, tan nampaarap iran amin ed kalawakan.

1 Saray Arari 12:29

Inyan tod Betel imay sakey a bakan balituk tan diad Dan so sakey.

1 Saray Arari 15:13

Inekal to si bai ton Maaca ed kipapasen ton riynan ina, ta nanggawa na makapaingungot a talintao na diosan Asera. Binatang nen Asa imay talintao, insan to pinoolan ed Patar na Cedron.

1 Saray Arari 16:31

Ag apera ed impangalig tod kasalanan nen Jeroboam; pinalumbasan to ingen, ta inasawa toy Jezebel ya anak nen Ari Etbaal na Sidon, tan angigalang ed Baal.

1 Saray Arari 18:19

Iganggan mon banaen ak na amin a totood Israel diad Palandey na Carmelo. Awit mo ray apat a lasus tan limamplon propita nen Baal tan saray apat a lasus a propita na diosan Asera a tataganoen ira nen Riyna Jezebel.”

1 Saray Arari 18:26

Inala da may bakan niiter ed sikara, imparaan da, tan nampikasi rad kinen Baal ya anggad kaagewan. Ineyag da, “Ebatan mo kami pa, Baal!” tan nansayaw-sayaw irad kaliber-liber na altar a ginawa ra. Balet anggapoy ebat a naalagar da.

1 Saray Arari 18:40

Ingganggan nen Elias, “Erel yo ray propita nen Baal; ag kayo mamapabatik na anggan sakey ed sikara!” Inerel da ra, insan inyakar nen Elias iran amin ed Kolus na Kison tan diman to ra pinapatey.

1 Saray Arari 19:18

Balet mangikera ak ed Israel na piton libon mabilay a totoo—amin da ray matoor ed siak tan ag ira dinmakmomod kinen Baal odino inmangub ed talintao to.”

2 Saray Arari 10:26

inala ran impaway so masanton lusek a wadman, insan da pinoolan.

2 Saray Arari 12:10

No dakel lay kuartad kahon, dagoen la na sikritario na ari tan say Pangulon Pari, bilangen day kuarta, ikarga rad saray supot, insan da ra berberen.

2 Saray Arari 17:16

Ag da inonur ya amin iray ganggan na Katawan a Dios da tan nanggawa ray galangen da a duaran mital a bakan kalakyan; nanggawa ra met na sakey a talintao nen diosan Asera, inggalang da ray bitewen, tan nanlingkur irad dios a Baal.

2 Saray Arari 21:3

Pinasimbalo ton impaalagey iray paganon pasen a panangigalangan a dinederal nen Ezekias ya ama to; nanggagawa na saray altar a panangigalangan ed Baal, tan nanggawa na talintao nen Asera, a singa samay ginawa nen Ari Acab na Israel. Inggalang met nen Manases iray bitewen.

2 Saray Arari 21:5

Diad duaran patio na Timplo nanggawa na saray altar a pangigalangan ed saray bitewen.

2 Saray Arari 21:7

Inyan tod dalem na Timplo so talintao nen diosan Asera. Onya so inkuan na Katawan ed kinen David tan si Solomon a lakin anak to nipaakar ed sayan Timplo: “Diad Jerusalem ed sayan Timplo so pasen a pinilik ed amin da ray lugar na labinduan tribu na Israel a pangigalangan ed siak.

2 Saray Arari 22:4

“Lakad kinen Pangulon Pari a si Helcias, ta nengneng mo no pigara lay kuartan nanlapud saray totoo ya atipon na saray paparin nipasen ed lolooban na Timplo.

2 Saray Arari 23:12

Inggeba nen Ari Josias iray altar a ginawad toktok na palasio na saray ararid Juda, tan wala rad tagey na nanayaman nen Ari Acaz. Inggeba to met iray altar a ginawa nen Ari Manases diad duaran patio na Timplo; minekmek to ra, insan to ra imbantak ed Patar na Cedron.

2 Saray Arari 23:15

Inggeba met nen Josias so pasen a panangigalangan diad Betel a ginawa na lakin anak nen Nebat a si Ari Jeroboam a nilagyat ton nankasalanan so Israel. Inggeba nen Josias imay altar, minekmek to ray bato to ya anggad dinmabuk ira; pinoolan to met so masanton tiken a nisaklang ed diosan Asera.

2 Saray Arari 25:18

Si Nebuzaradan, say pangulo na saray sondalon taga Babilonia et inala to met a priso ira di Seraya a Pangulon Pari, Sofonias ya onkumadwad Pangulon Pari, tan saray talora nin manonan opisyal na Timplo.

2 Saray Awaran 15:16

Inekal nen Ari Asa si bai ton Maaca ed kipapasen ton riynan ina, lapud nampagawa na makapaingungot a talintao na diosan Asera. Binatang nen Asa imay talintao, binelang to, insan to pinoolan ed Patar na Cedron iray abelang to.

2 Saray Awaran 33:3

Pinapasimbalo ton impaalagey iray paganon pasen a panangigalangan a dinederal nen Ezekias ya ama to. Nanggagawa na saray altar a panangigalangan ed Baal, saray talintao na diosan Asera, tan inggagalang to ray bitewen.

2 Saray Awaran 33:7

Angyan na sakey a talintao ed Timplo. Onyay inkuan na Katawan ed kinen David tan si Solomon a lakin anak to nipaakar ed sayan Timplo: “Diad Jerusalem, diad ed sayan Timplo, so pasen a pinilik ed amin da ray lugar na labinduan tribu na Israel a pangigalangan ed siak.

Isaias 27:9

Balet napirdona labat iray kasalanan na Israel, no natemek a singa katemek na tisa iray baton altar a panangigalangan na saray pagano, tan no anggapoy natilak a tanda na diosan Asera odino altar a panagpoolay insinso.

Jeremias 52:24

Si Nebuzaradan a pangulo na saray sondalo na Babilonia inaala ton priso ira di Seraias a Pangulon Pari, Sofonias ya onkumadwad Pangulon Pari, tan talora nin manonan opisyal na Timplo.

Jeremias 7:9

Mantatakew kayo, mamapatey kayoy totoo, milalawanan kayo, anta nansamba kayo mantitila kayo, mangibabagat kayod Baal, tan mangigagalang kayod saray arum a diriyos ya ag yo ra kabat nen saman.

Ezekiel 8:6

Inkuan na Dios ed siak, “Sika a toon ompatey, nanenengneng moy nagagawa? Nengneng moy makapaingungot a gagawaen dia na saray totood Israel, iyaarawi da ak lan iyaarawi ed santuariok. Makanengneng ka ni na lalon makapabaing nen saya.”

Oseas 4:15

“Anggaman ya aliwa kayon matoor ed siak, sikayon totood Israel, ag komun mankasalanan iray taga Juda na singa onya. Ag ka mangigagalang ed Gilgal odino diad Bet-haven, odino mansipan kad man diad ngaran na mabilay a Katawan.

Amos 4:4

Say Katawan a Dios kuanto, “No tuan ag kayo napatonda, laka yod masanton pasen ed Betel, sikayo ran totood Israel, ta mankasalanan kayo! Laka yod Gilgal tan mankasalanan kayo ed anggaay nayarian yo! Mangawit kayo na saray ayayep ya ibagat yon kinabwasan, tan iyakar yon kapag mikatlon agew iray kakaplo yo.

Sofonias 1:4

“Dusaen ko ray totood Jerusalem tan amin a totood Juda. Paandipaten kod man ya amin iray pakanengnengan na panangigalang ed kinen Baal, et anggapo lad satan so makanunot ed anggan siopan parin manlilingkur ed sikato.

Mateo 26:3

Saray manonan papari tan saray mamatakken na baley nantitipon irad palasio nen Caifas, a Pangulon Pari.

Mateo 27:1

Kasabiy kabwasan, nantotongtongan na amin a manonan papari tan saray mamatakken na baley no panoy pamatey dad kinen Jesus.

Juan 18:1

Nen asumpal nen Jesus yan pikakasi, linman kaiba to ray disipulo to ed basil na Kolus na Cedron. Walad may tanamanan tan linmoob ira.

Saray Huis 2:13

Tinondaan day angigalang ed Katawan tan nanlilingkur ira ed saray Baal tan Astarot.