2 Saray Arari 23:3 - Maung A Balita Biblia

³ Nanalagey ed abay na lusek a para ari, insan akisipanan ed Katawan ya onuren toy Katawan, sumpalen to diad intiron puso tan kamarerwa to iray ganggan tan bilin to, tan gawaen to iray kakaukolan na sipanan onung na nisulat ed samay libro. Insipan met na amin a totoo a sumpalen da so sipanan.

Maung a Balita Biblia

³ Nanalagey ed abay na lusek a para ari, insan akisipanan ed Katawan ya onuren toy Katawan, sumpalen to diad intiron puso tan kamarerwa to iray ganggan tan bilin to, tan gawaen to iray kakaukolan na sipanan onung na nisulat ed samay libro. Insipan met na amin a totoo a sumpalen da so sipanan.

2 Saray Arari 23:3 Iomraidhean Croise

2 Saray Arari 11:14

Anengneng tod man so balon ari a manalalagey ed abay na lusek ed lolooban na Timplo, onung na naogaliyan. Aliber na saray opisyal tan saray managtrumpita so ari, tan malikeliket a maneeyag tan mampapaknul na trumpita iray totoo. Diad inkagunigon to ginebyas toy kawes to tan ineyag to, “Sumlang ya ed pakaoley! Sumlang ya ed pakaoley!”

2 Saray Arari 11:17

Si Joiada impisipanan tod Katawan so ari tan saray totoo a sikaray totoo na Katawan; impansipanan to met so ari tan saray totoo.

2 Saray Awaran 15:15

Maliket iray amin a totood Juda, lapud akisipanan ira diad intiron puso ra. Nanliket iran nanlilingkur ed Katawan; inawat ira sirin na Katawan tan impanari toy kareenan ed amin a pasen.

2 Saray Awaran 23:13

Anengneng tod man so balon ari a walad lolooban na Timplo; manalalagey ed abay na lusek a niganan para saray arari tan aliber na saray opisyal na sondalo tan saray managtrumpita. Malikeliket a maneeyagan iray amin a totoo tan papaknulen da ray trumpita. Saray tumutogtog tan saray kumakanta ed Timplo so mangipapangulo ed sayan nagagawa, tan ikakana da ray kagawaan da ed musika. Diad inkagunigon to ginebyas toy kawes to tan ineyag to, “Sumlang ya ed pakaoley! Sumlang ya ed pakaoley!”

2 Saray Awaran 23:16

Si Joiada a pari impikasakey tod sikato so ari tan saray totoo diad impisipanan to a magmaliw iran totoo na Katawan.

2 Saray Awaran 29:10

“Ginetmak la natan a misipanan itayo ed Katawan, say Dios na Israel, pian ontonda lay pasnuk tod sikatayo.

Esdras 10:3

Nepeg miy manggaway sinambaan a sipan ed Dios tayo a pataynanen mi ra yan bibii tan saray anak da. Sumpalen mi so antokaman ya isimbawam a gawaen mi, sika tan saray arum a totoon papablien da ray ganggan na Dios. Onuren mi so antokaman ya ibabagay Ganggan na Dios.

Nehemias 10:1

Say inmonan nampirma et say Gobirnador a si Nehemias a lakin anak nen Hacalias, insan sinmoblay si Sedekias. Nampirma met iray onggendan:

Nehemias 5:13

Inekal koy abel ya akabariber ed awak ko insan ko impayagpayag. “Onya met so pangipayag na Dios ed siopaman ed sikayo ya ag manoor ed sipan to,” inkuankod sikara. “Paandipaten na Dios iray kaabungan yo tan amin a kayaryan yo; anggapoy bengatlan ikera tod sikayo.” Inkuan na balang sakey a wadman, “Amen!”, insan da indayew so Katawan. Tinoor na saray pangulo so sipan da.

Nehemias 9:38

Lapud sayan amin ya agawa, sikamin totood Israel, et nanggawa kami na malet a paknaan ya insulat tan pinirmaan na saray pangulo mi, saray Levita mi, tan saray papari mi.

Exodo 24:3

Linmay Moises ed saray totoo tan sinalita tod sikaray amin ya ingganggan tan imbilin na Katawan, et amin da ray totoo nankakasakey iran inmebat, “Gawaen mi ray amin ya imbaga na Katawan.”

Ecclesiastes 8:2

Onur mo ray ganggan na ari, tan ag ka bengatbengat mansisipan ed Dios.

Jeremias 34:15

Agano nin angoman kayoy kanunotan tan ginawa yoy makapaliket ed siak. Nampapakna kayon amin ya ibolus yo ray kapara yon Israelita, tan akisipanan kayo diad arap ko, diad dalem na Timplo a pangigagalangan ed siak.

Jeremias 34:8

Si Ari Sedekias tan saray totood Jerusalem nampapakna ran ibolus

Jeremias 4:2

Diad satan, matwa, matonung, tan maptek so pansamba yo ed ngaran ko. Insan kerewen na amin a bansa a bindisionan ko ra, tan dayewen da ak.”

Jeremias 50:5

Tepeten da no iner so dalan ya ompogtad Sion, insan irad man onla. Misipanan ira na andi-anggaan ed siak tan ag dan balut la deralen.

Deuteronomio 10:12

“Natan, sikayon totood Israel, dengel yo ray labay a pagawa ed sikayo na Katawan a Dios yo: Takotan yo so Katawan tan onur yo ray amin a labay ton pagawad sikayo. Aro yo, panlingkuran yo ed intiron puso yo,

Deuteronomio 11:13

“Kanyan sirin, onur yo ray ganggan ya inter kod sikayo natad sayan agew; aro yo so Katawan a Dios yo tan manlingkur kayod sikato ed intiron puso yo tan intiron kamarerwa yo.

Deuteronomio 13:4

Tombuk yo so Katawan tan takotan yo; toluk tan sumpal yo ray ganggan to; igalang yo tan mansiansia kayod sikato.

Deuteronomio 29:1

Diad impisipanan na Katawan saraya so ingganggan to ed kinen Moises ya ipasumpal ed saray Israelita nen wala rad dalin na Moab; amin da ra ya et kaaruman na samay impisipanan na Katawan ed sikara diad Palandey na Sinai.

Deuteronomio 4:45

Inter to ra yan ganggan ed sikara nen akapaway irad Egipto tan wala la rad patar a bokig na Ilog na Jordan tan kasumbaliwan na baley na Bet-peor. Sayan pasen kabyangan na dalin nen Sehon ya ari da ray Amorreo a sikatoy nanoley ed baley na Hesbon. Si Moises tan saray Israelita et tinalo ray Sehon nen pinmaway irad Egipto.

Deuteronomio 6:1

“Saraya so ganggan ya imbilin ed siak na Katawan a Dios yo ya ibangat kod sikayo. Onur yo ra ed dalin a ngalngali yo la looban tan panayaman.

Deuteronomio 6:5

Aro yo so Katawan a Dios yo ed intiron puso yo, intiron kamarerwa yo, tan intiron biskeg yo.

Deuteronomio 8:19

Ag yo lilingwanan so Katawan a Dios yo, ag kayo onsisingger ed saray diriyos a igalang tan panlingkuran yo. No gawaen yo ya, pasakbayan ta kayo natan ya andi-saew ya ompatey kayo.

Saray Hebreo 12:24

Sinmingger kayod kinen Jesus, a manamegley na balon sipanan, tan diad niterter a dala a mangipaamtay magmaung ni ran bengatla nen say impaamtay dala nen Abel.

Saray Hebreo 13:20

Say Dios a panlapway kareenan so amaolid bilay ed Katawan tayon Jesus, a sikatoy Matalonggaring a Pastol da ray karniro, lapud dala ton amaneknek na andi-anggaan a sipanan.