2 Saray Arari 22:3 - Maung A Balita Biblia

³ Nen kumalabinwaloy taon na panooley nen Ari Josias, imbaki tod Timplo so sikritario na palasio a si Safan a lakin anak nen Azalia tan apo nen Mesullam, tan ingganggan to:

Maung a Balita Biblia

³ Nen kumalabinwaloy taon na panooley nen Ari Josias, imbaki tod Timplo so sikritario na palasio a si Safan a lakin anak nen Azalia tan apo nen Mesullam, tan ingganggan to:

2 Saray Arari 22:3 Iomraidhean Croise

2 Saray Arari 12:10

No dakel lay kuartad kahon, dagoen la na sikritario na ari tan say Pangulon Pari, bilangen day kuarta, ikarga rad saray supot, insan da ra berberen.

2 Saray Arari 23:23

Asilibraan a siansia so Paskua ed Jerusalem, nen kumalabinwalon taon na panooley nen Josias.

Jeremias 1:2

Akisalitay Katawan ed kinen Jeremias nen kumalabintaloy taon na panaarid Juda nen Josias a lakin anak nen Amon.

Jeremias 36:10

Nen manderengel ya amin iray totoo, binasa nen Baruc ed samay nilokut a babasaen iray amin ya imbagak. Ginawa to ya ed Timplo, diad kuarto na sikritariod ari a si Gemarias a lakin anak nen Safan. Walad bandad tagey a patio so kuarto to, diad lolooban na Puirtan Balo na Timplo.

Jeremias 36:11

Si Micaya a lakin anak nen Gemarias tan apo nen Safan, nadngel toy Baruc a nambasad nilokut a babasaen na saray imbaga na Katawan.

Jeremias 36:12

Insan linmay Micaya ed palasioy ari, diad kuarto na samay sikritario na ari, a dimay panmimitingan na amin da ray opisyal. Wadman ira di Elisama a sumisimbawa na ari, Delaya a lakin anak nen Semaya, Elnatan a lakin anak nen Acbor, Gemarias a lakin anak nen Safan, Sedekias a lakin anak nen Hananias tan saray arum ya opisyal.