2 Saray Arari 21:9 - Maung A Balita Biblia

⁹ Balet ag inonur na saray totood Juda so Katawan, tan inlagyat nen Manases iran nankasalanan na ambelat ni nen saray kasalanan a ginagawa da ray totoon pinapataynan na Katawan legan a mankukurang iray totoo to.

Maung a Balita Biblia

⁹ Balet ag inonur na saray totood Juda so Katawan, tan inlagyat nen Manases iran nankasalanan na ambelat ni nen saray kasalanan a ginagawa da ray totoon pinapataynan na Katawan legan a mankukurang iray totoo to.

2 Saray Arari 21:9 Iomraidhean Croise

1 Saray Arari 14:16

Ikaindan na Katawan so Israel, lapud nankasalanan si Jeroboam tan inlagyat ton nankasalanan iray totood Israel.”

2 Saray Arari 16:3

ta inalig to ray ginagawa na saray ararid Israel. Insaklang ton bagat a popoolan ed saray talintaoy diriyos so anggan say dilin anak ton laki, ta inalig toy makapaingungot a kaogaliyan na saray totoon pinataynan na Katawan legan a mankukurang iray Israelita.

2 Saray Arari 21:10

Inkuan na Katawan ed panamegley na saray aripen ton propita,

2 Saray Awaran 33:9

Inlagyat nen Manases iray totood Juda a mankasalanan na ambelat ni nen saray kasalanan a ginagawa da ray totoon pinapataynan na Katawan legan a mankukurang iray totoo to.

2 Saray Awaran 36:16

Balet niludlurey da ray totoon imbabaki na Dios, ag da dinengel iray salita to, tan inelek-elekan da ray propita to. Diad kaonuran, ontan lay pasnuk na Katawan ed sikara kanyan ag la ra makapaliis.

Nehemias 9:26

“Balet kinalaban ka na saray totoom tan ag da ka inonur; binenegan day Ganggan mo. Pinapatey da ray propitan mamapasakbay ed sikara, saray propitan mangibabagad sikaran ompawil irad sika. Pinapabaingan da kan amimpigapiga na saray totoom,

Saray Salmo 81:10

Siak so Katawan a Dios yo ya angipaway ed sikayod Egipto. Sangi kayo, ta pakanen ta kayo.

Probirbio 29:12

No dengelen na manoley so tilan balita, magmaliw a matila ya amin iray opisyal to.

Ezekiel 11:12

Nakabatan yo a siak so Katawan, ta diad pangoonur yod saray ganggan na saray kaabay yon bansa, susumlangen yo ray ganggan tan saray bilin ko.”

Ezekiel 16:47

Apenek ka la ed pangaalig mod kabibilay da tan diad saray makapaingungot a gagawaen da? Andi, agano ni maoges ka nen sikara ed amin a gagawaen mo.

Ezekiel 22:3

Ibagam ed siudad so ibabagak, siak a Katawan a Dios: Lapud pinapatey mo ray amayamay a totoom tan dinotakan moy sikan dili diad impangigagalang mod saray talintaoy diriyos, onsasabi lay panaon mo.

Ezekiel 5:6

Balet sinumpa na Jerusalem iray ganggan ko tan impanengneng to a lalon maoges ni nen saray arum a bansa, lalon aliwan maonur nen saray bansan walad kaliber-liber to. Impolisay to ray ganggan ko tan ag to binirbir iray bilin ko.

Ezekiel 5:7

Dengel ka natan, Jerusalem, ed saray ibabagak, siak a Dios a Katawan. Diad ag mo impangonur ed saray ganggan tan saray bilin ko, baleg niy gunigon ya inter mo nen saray arum a bansan walad kaliber-liber mo. Inalig mo ray ogali na saray arum a bansa.

Daniel 9:6

Ag mi dinengel iray aripen mon propita a diad ngaran mo et nansasalita ra ed saray arari mi, saray manoley mi, saray lalaki mi tan say intiron bansa.

Oseas 5:11

Napapairap so Israel; abalang to so dalin a kayaryan ton peteg. Onyay agawad sikato, ta impasoot toy kinmerew na tulong ed saray anggapoy niiter dan tulong.

Lucas 13:34

“Jerusalem, O Jerusalem! Papateyen mo ray propita tan tutupaken mo ray imbakiy Dios ed sika! Amimpigapigan labay kon tiponen iray anak mo, a singa panitipon na nganak ed saray siwsiw to diad silong na payak to, balet ag mo labay!

Juan 15:22

No ag ak linma dia tan nambabangat, anggapo komuy kasalanan da. Natan balet; anggapo lay nibaraan dad kasalanan da.

Santiago 4:17

Siopamay makaamtay maung a nepeg ton gawaen, balet et ag to gawaen, sikatoy mankasalanan.

Puyan 2:20

Balet niay ag ko labay ed sika: papaolyan moy Jezebel, say biin ibabaga ton sikatoy sakey a propita. Ibabalang to ray aripen ko, ibabangat to ran mankasalanan na inmoralidad tan mangay kakanen a nibagat ed saray talintaoy diriyos.

1 Samuel 8:19

Ag dinengel na saray totoo si Samuel. Inkuanda, “Andi! Labay miy nawalaan na ari,