2 Saray Arari 20:10 - Maung A Balita Biblia

¹⁰ Inmebat si Ezekias, “Mainomay a paonaen na samploran balitang so anino! Paseneren na samploran balitang so labay ko.”

Maung a Balita Biblia

¹⁰ Inmebat si Ezekias, Mainomay a paonaen na samploran balitang so anino! Paseneren na samploran balitang so labay ko.

2 Saray Arari 20:10 Iomraidhean Croise

2 Saray Arari 2:10

“Mairap ya iter itay kerew mo,” ebat nen Elias. “Anggaman ontan, nagamuran mo no nanengneng mon nanaala ak ed arap mo; balet no ag mo ak nanengneng, ag mo nagamuran.”

2 Saray Arari 20:11

Nampikasid Katawan si Isaias, tan pinasener to na samploran balitang so anino ed takayan ya inyan nen Ari Acaz.

2 Saray Arari 20:9

Inmebat si Isaias, “Itdan ka na Katawan na pakapatnagan a sumpalen toy sipan to. Antoy labay mo, paonaen ko na samploran balitang so anino ed takayan, odino paseneren ko na samplora?”

2 Saray Arari 3:18

Intuloy nen Eliseo ya inkuan, “Mainomay na Katawan a gawaen ya; panaloen to kayo met ed saray Moabita.

Isaias 49:6

Say Katawan inkuantod siak, “Walay babaleg a kimey a pagawak ed sika ya aripen ko, ag ko labat paipawil ed sika so inkatalonggaring na saray totood Israel ya akapaliis ed patey, no ag ingen gawaen ta ka met a sakey a silew ed saray bansa— pian nilaban iray amin a katoowan ed tapew na dalin.”

Juan 14:12

Ibagak ed sikayoy katwaan: siopamay toon manisiad siak gawaen to ray gagawaen ko, tan lalon dakel ni ingen ta onla ak ed Ama.

Josue 10:12

Diad samay agew ya impanalo na Katawan iray Israelita ed saray Amorreo, akisalitay Josue ed Katawan. Diad arap na saray Israelita inkuanto, “Agew, tonda kad petek na Gabaon; Bulan, tonda kad petek na Patar na Ayalon.”

Josue 10:13

Tinmondan tua so agew tan say bulan ya anggad atalo na saray Israelita iray kalaban da. Nisulat ya ed Libro nen Jaser. Tinmondad pegley na tawen tan ag sinmelek a sanagew.