2 Saray Arari 2:4 - Maung A Balita Biblia

⁴ Insan inkuanen Elias ed kinen Eliseo, “Tilak ka dia natan; ingganggan na Katawan ya onla ak ed Jerico.” Balet inmebat si Eliseo, “Sambaan ko diad inkatoor kod mabilay a Katawan tan diad sika, ya ag ta ka sianan.” Kanyan linma ran dua ed Jerico.

Maung a Balita Biblia

⁴ Insan inkuanen Elias ed kinen Eliseo, Tilak ka dia natan; ingganggan na Katawan ya onla ak ed Jerico. Balet inmebat si Eliseo, Sambaan ko diad inkatoor kod mabilay a Katawan tan diad sika, ya ag ta ka sianan. Kanyan linma ran dua ed Jerico.

2 Saray Arari 2:4 Iomraidhean Croise

1 Saray Arari 16:34

Legan na impanoley to, si Hiel a taga Betel pinasimbalo ton impaalagey so Jerico. Diad impangiletneg tod pundasion na Jerico inatey si Abiram a lakin pangulowan ya anak to, tan diad impamaalagey tod saray puirta inatey si Segub a lakin yogtan ya anak to. Abalang nen Hiel ira yan anak to, onung na impasakbay na Katawan diad panamegley nen Josue a lakin anak nen Nun.

2 Saray Arari 2:2

nen wala rad dalan inkuanen Elias ed kinen Eliseo, “Tilak ka dia, ta ingganggan na Katawan ya onla ak ed Betel.” Balet inmebat si Eliseo, “Sambaan ko diad inkatoor kod mabilay a Katawan tan diad sika ya ag ta ka sianan.” Kanyan linma ran dua ed Betel.

2 Saray Arari 4:30

Inkuan na samay bii ed kinen Eliseo, “Mansasamba ak diad inkatoor kod mabilay a Katawan tan diad sika ya ag ta ka taynan!” Kanyan akilay Eliseo ed samay bii nen pinmawil.

Lucas 19:1

Tinmuloy si Jesus ed Jerico tan dinmalan ed baley.

Saray Gawgawa 11:23

Nen sinmabid man tan anengneng toy pamibindision na Dios ed sikara makaliliket, tan binilin to ran amin a mansiansia ran matoor tan matwa ed Katawan diad intiron puso ra.

Saray Gawgawa 2:42

Intuloy day nanaaral ed saray apostol. Akiolup met iran sililiket ed saman ya olupan, tan akinabang irad panagpisag na tinapay, tan diad panagpikasi.

Josue 6:1

Akakaput iray puirta na siudad na Jerico tan aguardiaan ira pian ag makaloob iray Israelita. Anggapoy makaloob o makapaway ed siudad.

Josue 6:26

Diad sayan panaon si Josue impaakseb toy sakey a pasakbay: “Siopamay mamasimbalon mamaalagey ed siudad na Jerico et nagawad sikato yan samba na Katawan, Siopamay mangiletneg na pundasion to nabalang toy sankapangulowanan ya anak ton laki; Siopamay mamaalagey na saray puirta to, nabalang toy sankayogtanan ya anak ton laki.”

Ruth 1:16

Inmebat si Ruth, “Ag yo komun ipapasoot a taynan ta kayo! Iyabuloy yon mila ak ed sikayo. No iner so laen yo, dimay laen ko; no iner so panayaman yo, dimay panayaman ko. Saray kakanayon yo magmaliw a kakanayon ko, tan say Dios yo magmaliw a Dios ko.

1 Samuel 1:26

Inkuanen Ana ed kinen Eli, “Nabirbir yo ak ni? Siak imay biin anengneng yon manalalagey dian mampipikasi ed Katawan.