2 Saray Arari 19:4 - Maung A Balita Biblia

⁴ Imbaki na impirador na Asiria so manonan opisyal to ya amabaing ed mabilay a Dios. Nadngel komun na Katawan a Dios mo ira man a panamabaing tan dusaen to may nansalita. Kanyan ipikasim pad Dios iray nakdaan a totoo tayo.”

Maung a Balita Biblia

⁴ Imbaki na impirador na Asiria so manonan opisyal to ya amabaing ed mabilay a Dios. Nadngel komun Katawan a Dios mo ira man a panamabaing tan dusaen to may nansalita. Kanyan ipikasim pad Dios iray nakdaan a totoo tayo.

2 Saray Arari 19:4 Iomraidhean Croise

Genesis 22:14

Inngaran nen Abraham iman a pasen na “Say Katawan so Mangiter.” Tan anggad natan, ibabalikas na totoo, “Mangiter so Katawan diad palandey to.”

2 Samuel 16:12

Angangko imanoen na Katawan so pangaskasiyan a kipapasen ko, et itdan to ak na saray bindision ya onsalat ed sayan panaayew to.”

2 Saray Arari 18:13

Nen kumalabinapat a taon na panooley nen Ari Ezekias, dinogpaan nen Senakerib iray aliber na padir a siudad na Juda tan adakep to ra.

2 Saray Arari 19:16

Imanom pa, Katawan, so nagagawad sikami. Dengel mo pan amin iray salitan pamapabaing nen Senakerib ed sikan Dios a mabilay.

2 Saray Arari 19:22

Siopay abaloan mon papabaingan tan luludlureyen mo? Ag mo ak pinagalangan, siak a masanton Dios na Israel.

2 Saray Arari 19:23

Angibaki kad siak na saray totoom a mampasirayew a lapud saray amayamay a karwahim dinakep mo ray sankaatageyan a palandey, anggan say toktok na Palandey na Libano. Impasirayew mod siak a nambabatang kad man na saray sankatageyan a kiew a sidro tan saray sankaabigan a kiew a saleng tan asorub mo ray sankaoteotelan na saray takel.

2 Saray Arari 19:3

Saya so impaikuantod kinen Isaias: “Agew natan na kairapan; nadudusa tan napapabaingan itayo. Singa itayo biin asabi lay pananak to, balet et makapkapoy a mangibuknak na ogaw.

2 Saray Arari 19:30

Saray mansiansian mabilay a taga Juda et onaligwas iran singa saray tanaman a manlamut na aralem, insan ira mambunga.

2 Saray Arari 19:31

Wala ray mansiansian mabilay a totood Jerusalem tan diad Palandey na Sion, ta ginetma la na Dios a gawaen to yan andi-saew.

2 Saray Arari 19:5

Nen nadngel nen Isaias so impaibaga nen Ari Ezekias,

2 Saray Awaran 32:20

Insan si Ari Ezekias tan si propita Isaias a lakin anak nen Amoz nampikasi rad Dios tan kinmerew iray tulong to.

Saray Salmo 50:15

Tawag kayod siak no onsabiy gunigon; ilaban ta kayo, et idayew yo ak.”

Saray Salmo 50:21

Ginagawa yo ira yan amin, et anggapoy ibabagak, kanyan abaloan yon singa ak sikayo. Balet natan pamapasnukan ta kayo la, tan ipapalinew ko la yan pamaakaran ed sikayo.

Saray Salmo 74:18

Balet, Katawan, nunot mo a babalawen da ka na saray kalaban mo; totoo ran anggapoy Dios tan lelemlemewen da ka.

Isaias 1:9

No ag labat inyabuloy na Katawan a Makapanyarin-amin a niagel iray pigaran totoo to, sigput komun ya aderal so Jerusalem, a singa inkaderal na Sodoma tan Gomorra.

Isaias 10:6

Imbakik so Asiria ya ondogpa ed sakey a bansan anggapoy Dios to, diad saray totoon amapetang na olok. Imbakik iray taga Asiria a mansamsam, mantakew, tan mangigatin-gatin ed saray totoo a singa ra dotak ed saray dalan.”

Jeremias 23:36

Kanyan ag da la nepeg ya ikana ira yan salita, ‘Say makabelbelat ed Katawan,’ ta no walay mangikana, pansakbaten kon tua na ambelat. Saray totoo pinikewet da ray salita na Dios da, say mabilay a Dios a Katawan a Makapanyarin-amin.

Jeremias 33:3

“Tawag kad siak, et ebatan ta ka; ibagak ed sika ray makapakelaw tan niamut a bengatlan ag mo ni ra akabatan.

Jeremias 42:9

Inkuankod sikara, “Say Katawan a Dios na Israel ya angibakian yod siak a pangibagaan koy kerew yo, inkuanto,

Ezekiel 36:37

Say Katawan a Dios kuanto, “Abuloyan ko lamet iray Israelita ya onkerew irad siak na tulong, tan parakelen koy bilang da a singa poluk na karniro.

Saray Taga Roma 11:5

Ontan met a diad sayan panaon, wala ni ray daiset ya atilak a pinili na Dios lapud panangasi to.

Saray Taga Roma 9:27

Onya met so imbawag nen Isaias nipaakar ed Israel: “Anggan magmaliw a singa karakel na buer ed dayat so bilang da ray totood Israel, daiset ed sikara so nilaban.

Deuteronomio 32:36

Say Katawan iyagel to ray totoo to no nanengneng ton naandi lay biskeg da. Kasian to ray manlingkur ed sikato, no nanengneng ton pangaskasiyay awawey da.

Josue 14:12

Natan sirin, iter mod siak so kapokdulan a pasen ya insipan ed siak na Katawan diad samay agew na impangibaga miy anengneng mid impanispia mi. Imbaga mid sika a diad saman a baleg tan apaliberan na padir a siudad et wadman iray Anakim a poli ra na alan. Angangko olupen ak na Katawan et napataynan ko ra, onung na imbagay Katawan.”

Josue 3:10

Legan kayon mankukurang, andi-saew a pataynanen to ray Cananeo, saray Heteo, saray Heveteo, saray Perezeo, saray Gergeseo, saray Amorreo, tan saray Jebuseo. Naamtaan yo a say mabilay a Dios et kaolup yo

1 Samuel 14:6

Inkuanen Jonatan ed samay balolaki, “Onla tad kampo da ray paganon Filisteo. Tulongan ita angangko na Katawan; no tulongan to ta, anggapoy antokaman a makasbel ed sikato diad pangiter tod sikatay pananalo, anggaman a dagdaiset ita.”

1 Samuel 17:10

Sagyaten ko dia natan iray sondaloy Israel. Mamili kayoy sakey a milaban ed siak!”

1 Samuel 17:26

Tinepet nen David ed saray totoon asingger ed sikato, “Antoy nagamuran na toon makapatey ed sayan Filisteo tan makapangipaliis ed kababaingan na Israel? Ta siopa ta yan paganon Filisteo et sagyaten ton milaban iray sondalo na mabilay a Dios?”

1 Samuel 17:45

Inmebat si David, “Onla kan milaban ed siak a sankaawit moy ispada, doyuk, tan pika, balet onla ak ed sikan milaban diad ngaran na Katawan a Makapanyarin-amin, say Dios na saray sondalon Israelita a sinagyat mon milaban.