2 Saray Arari 18:4 - Maung A Balita Biblia

⁴ Dineral to ray paganon pasen a panangigalangan, inggeba to ray lusek a bato tan saray talintao nen diosan Asera. Minekmek to met imay ginawa nen Moises a gansan oleg ya atawag na Nehustan, ta anggad saman a panaon nampopool ni ray Israelita na insinso a pamagalang dad samay gansan oleg.

Maung a Balita Biblia

⁴ Dineral to ray paganon pasen a panangigalangan, inggeba to ray lusek a bato tan saray talintao nen diosan Asera. Minekmek to met imay ginawa nen Moises a gansan oleg ya atawag na Nehustan, ta anggad saman a panaon nampopool ni ray Israelita na insinso a pamagalang dad samay gansan oleg.

2 Saray Arari 18:4 Iomraidhean Croise

1 Saray Arari 22:43

Ginawa toy kaptekan ed arap na Katawan a singa ginawa nen Asa ya ama to; balet ag to aderal iray paganon pasen a panangigalangan, kanyan intuloy na saray totoo so nambabagat tan nampopool na insinso ed saraman a pasen.

2 Saray Arari 10:26

inala ran impaway so masanton lusek a wadman, insan da pinoolan.

2 Saray Arari 11:18

Linmad timplo nen Baal iray totoo, insan da inggeba; minekmek da ray altar tan saray wadman a talintaoy diriyos, tan pinatey dad arap na saray altar si Matan a pari nen Baal. Wala ray impanbantay nen Joiada ed Timplo,

2 Saray Arari 12:3

Balet ag aderal iray pasen a panagpikasian na saray pagano, kanyan intuloy na saray totoo so nambagat tan nampool na insinso ed saraman a pasen.

2 Saray Arari 14:4

Ag to dineral iray paganon pasen a panangigalangan, kanyan intuloy na saray totoo so nambagat tan nampool na insinso ed saraman a pasen.

2 Saray Arari 15:35

Balet ag to dineral iray paganon pasen a panangigalangan, kanyan intuloy na saray totoo so nambagat tan nampool na insinso ed saraman a pasen. Si Jotam so angipaalagey ed Puirtan Baybay na Timplo.

2 Saray Arari 15:4

Balet ag to dineral iray paganon pasen a panangigalangan, kanyan intuloy na saray totoo so nambagat tan nampool na insinso ed saraman a pasen.

2 Saray Arari 16:15

Insan ingganggan tod kinen Urias, “Diad tapew na sayan baleg ya altar ko isaklang yo ray bagat a popoolan no kabwasan, balet no labi saray bagat a trigo, saray bagat a popoolan, tan saray bagat a trigo a sikaray bagat na ari tan saray totoo, tan say alak a bagat met na saray totoo. Ibung mod saman ya altar so dala na amin ya ayayep a nibagat. Balet ag mo ikakana may gansan altar, ta ikanak no walay labay kon amtaen.”

2 Saray Arari 18:22

Insan inkuan ni na samay sakey ya opisyal na Asiria, “Nayarin ibaga yod siak a manmamatalek kayod Katawan a Dios yo. Balet ag ta dineral nen Ezekias iray altar na Katawan tan saray pasen a panangigalangan ed sikato, insan imbaga tod saray totood Juda tan Jerusalem a diad altar ed Jerusalem labat so pangigalangan da?

2 Saray Arari 21:3

Pinasimbalo ton impaalagey iray paganon pasen a panangigalangan a dinederal nen Ezekias ya ama to; nanggagawa na saray altar a panangigalangan ed Baal, tan nanggawa na talintao nen Asera, a singa samay ginawa nen Ari Acab na Israel. Inggalang met nen Manases iray bitewen.

2 Saray Arari 23:14

Minekmek nen Ari Josias iray baton lusek, binatang tod sengeg so masanton tiken a nisaklang ed diosan Asera, insan to tinabunan na pokel da ray inaatey so dalin a niletnegan da.

2 Saray Arari 23:4

Insan ingganggan nen Josias so Pangulon Pari a si Helcias, saray mananulong ton papari, tan saray nipasen a guardia ed lolooban na Timplo ya ipaway dad Timplo iray amin a kagawaan ya ikakanad pangigalang ed Baal, diosan Asera, tan saray bitewen. Pinoolan na ari ira yan amin diad paway na siudad diad asingger ed Patar na Cedron, insan to impaiyakar ed Betel so dapul da.

2 Saray Awaran 19:3

Anggaman ontan, walay kamaungan mo. Inekal mon amin iray tanda na diosan Asera ya igagalang na saray totoo, tan nampilalekan moy mangonur na linaway Dios.”

2 Saray Awaran 31:1

Kayari na pista, amin da ray totood Israel linma rad balang siudad na Juda tan minemekmek da ray baton lusek, binabatang da ray tanda na diosan Asera, tan dinederal da ray altar tan saray paganon pasen a panangigalangan. Onya met so ginagawa ra ed arum a pasen na Juda tan diad saray dalin na Benjamin, Efraim, tan Manases, insan la ra sinmempet.

2 Saray Awaran 33:3

Pinapasimbalo ton impaalagey iray paganon pasen a panangigalangan a dinederal nen Ezekias ya ama to. Nanggagawa na saray altar a panangigalangan ed Baal, saray talintao na diosan Asera, tan inggagalang to ray bitewen.

Saray Salmo 78:58

Pinasanuk day Dios lapud saray paganon pasen a panangigalangan, tan pinapetang dan maung so olo to lapud saray talintaoy diriyos da.

Exodo 23:24

Ag kayo ondadakmomo odino mangigagalang ed saray diriyos da, tan ag yo aaligen iray kagagawa rad panangigalang da. Deral yo ray diriyos da tan igeba yo ray masanton lusek da a bato.

Exodo 34:13

Igeba yo ingen iray altar da, deral yo ray masanton lusek da, tan batang yo ray tanda na diosa ran Asera.

Isaias 36:7

Insan inkuan na samay opisyal na Asiria, “Nayarin ibaga yod siak a manmamatalek kayod Katawan a Dios yo. Balet, ag ta dineral nen Ezekias iray altar na Katawan tan saray pasen a panangigalangan ed sikato nen imbaga tod saray totood Juda tan Jerusalem a diad altar ed Jerusalem labat so pangigalangan da?

Levitico 26:30

Deralen ko ray pasen a panangigalangan yo ed tapew na saray kapokdulan, igebak iray altar a panagpoolan yoy insinso, tan ibontuk kod saray atumtumban talintaoy diriyos iray bangkay yo. Diad gaway pasnuk ko,

Deuteronomio 5:5

Diad saman nanalagey ak ed nampegleyan yo tan say Katawan pian nibagak ed sikayo so imbaga to, lapud antakot kayod samay apoy tan ag kayo kinmalab ed palandey. “Say Katawan kuanto,

Deuteronomio 7:5

Kanyan sirin, igeba yo ray altar da, deral yo ray masanton baton lusek da, batang yo ray tanda na diosa ran Asera, tan poolan yo ray talintaoy diriyos da.

Saray Huis 6:25

Diad saman a labi say Katawan inkuantod kinen Gedeon, “Alam so bakan kalakyan nen amam tan say sakey a bakan kalakyan a pitoy taon to, igebam so altar a ginawa nen amam a para Baal, tan itumbam so tanda nen diosan Asera a kaabay na samay altar.

Saray Huis 6:28

Kabangon na saray totoo ed ontombuk a kabwasan, anengneng dan ageba so altar a para Baal tan tanda nen diosan Asera. Naimano da met a samay kumadwan bakan kalakyan et nisaklang ed altar a nipaalagey diman.