2 Saray Arari 18:16 - Maung A Balita Biblia

¹⁶ inekal to met iray balituk a walad saray puirtay timplo, tan saray balituk ya impaipeket ton dili ed saray lusek na puirta, insan to ra inter ed kinen Senakerib.

Maung a Balita Biblia

¹⁶ inekal to met iray balituk a walad saray puirtay timplo, tan saray balituk ya impaipeket ton dili ed saray lusek na puirta, insan to ra inter ed kinen Senakerib.

2 Saray Arari 18:16 Iomraidhean Croise

2 Saray Arari 12:18

Inala nen Ari Joas na Juda iray amin a bagat ya insaklang ed Katawan na saray akaonan nanoley nen say sikato a di Ari Josafat, Jehoram, tan Ahazia. Inyarum to ra ed saray dilin bagat to, tan saray amin a balituk a walad saray pananginay kayamanan ed Timplo tan palasio, insan to ra inter a rigalo ed kinen Ari Hazael. Kanyan tinaynan nen Hazael tan saray sondalo to so Jerusalem.

2 Saray Arari 12:19

Nisulat ed libron Say Awaran da ray Ararid Juda iray arum nin ginagawa nen Ari Joas.

2 Saray Arari 18:15

Inter sirin nen Ezekias ya amin iray pilak a walad dalem na Timplo tan saray pilak a walad pananginay kayamanan ed palasio;

2 Saray Arari 18:17

Angibaki so impirador na Asiria na amayamay a sondalon nanlapud Lakis, ta dogpaan day Ezekias ed Jerusalem; saray taloran sankatageyan ya opisyal so angipangulod saray sondalo. Kasabi rad Jerusalem, nanayam irad dalan a pankikimeyan da ray managgaway abel, diad abay na banawang ya aagosay danum a manlalapud dipositoway danum a walad tagey.

2 Saray Awaran 29:3

Diad ononan bulan na taon ya inggapo nen Ezekias a nanari, nilokasan to ray puirta na Timplo tan impaapiger to ra.

Isaias 39:2

Maliket si Ezekias ya angawat ed saramay imbaki tan impanengneng ton amin iray kayamanan to—saray pilak tan saray balituk to, saray rikado tan saray pabalingit to, tan amin a kagawaan na saray sondalo. Anggapoy ag to impanengneng ed sikara a bengatlan walad saray kuarton panagsinupan odino walad anggan iner a pasen na nanarian.