2 Saray Arari 18:11 - Maung A Balita Biblia

¹¹ Say impirador na Asiria inawit tod Asiria iray Israelitan adakep, insan impanayam to ray arum ed siudad na Hala, saray arum diad Ilog na Habor ed distrito na Gozan, tan saray arum diad saray siudad na Media.

Maung a Balita Biblia

¹¹ Say impirador na Asiria inawit tod Asiria iray Israelitan adakep, insan impanayam to ray arum ed siudad na Hala, saray arum diad Ilog na Habor ed distrito na Gozan, tan saray arum diad saray siudad na Media.

2 Saray Arari 18:11 Iomraidhean Croise

2 Saray Arari 15:29

Legan na panaari nen Pekas, si Tiglat-pileser ya impirador na Asiria adakep to ray siudad na Ijon, Abel-bet-maaca, Janoa, Kedes, Hazor, Galaad, Galilea, tan Neftali; dinakep to ray totoon manaayam ed sarayan siudad, insan inawit to ran priso ed Asiria.

2 Saray Arari 17:6

a sikatoy kumasyam a taon na panooley nen Oseas, adakep na impirador na Asiria so Samaria; inawit tod Asiria iray Israelitan adakep to, insan impanayam to ray arum ed siudad na Hala, saray arum diad asingger ed Ilog na Habor diad distrito na Gozan, tan saray arum diad saray siudad na Media.

2 Saray Arari 19:11

Nadngelan mo lay ginawa na saray impirador na Asiria ed anggan anton bansan ginetma ton deralen. Abaloan mon makapaliis ka?

2 Saray Arari 21:8

No onuren na saray totood Israel iray amin a bilibilin ko tan sumpalen day intiron Ganggan ya inter ed sikara nen Moises ya aripen ko, ag ko ra abuloyan a napataynan ed dalin ya inter kod saray lalaki ra.”

2 Saray Arari 23:27

Inkuan na Katawan, “Gawaen kod Juda so singa ginawak ed Israel: pataynanen ko ray totood Juda, tan ipolisay koy Jerusalem, say siudad a pinilik. Ipolisay ko met so Timplo, say pasen ya imbagak a pangigalangan ed siak.”

1 Saray Awaran 5:26

Kanyan pinaloob na Dios si Impirador Pul na Asiria (tatawagen met na Tiglat-pileser) ed bansa ra. Pinataynan to ray tribu nen Ruben, Gad, tan say kapaldua na Manases, insan to ra imbaki ed Halah, Habor, Hara, tan diad abay na Ilog na Gozan, ta diman lay panayaman da.

Nehemias 9:30

Piga-pigay taon ya inanosan mo ran pinapasakbayan. Impansasalitam iray propitam, balet nantelek-telekan iray totoom, kanyan inyabuloy mon nadakep na saray arum a bansa.

Isaias 10:11

Dineral koy Samaria tan amin da ray talintao na saray diriyos to, tan onya met so gawaen ko ed Jerusalem tan saray talintaoy diriyos ya igagalang diman.”

Isaias 10:5

Inkuan na Katawan, “Asiria! Ikanak so Asiria a singa pekpek a panusak ed saray totoon pamapasnukan ko.

Isaias 36:2

Nen walad Lakis so ari, imbaki tod Jerusalem so manonan opisyal to tan saray amayamay a sondalo to, ta ibaga rad kinen Ari Ezekias ya onsuko la. Kasabi rad Jerusalem, nanayam irad dalan a pankikimeyan da ray managgaway abel, diad abay na banawang ya aagosay danum a manlalapud dipositoway danum a walad nipokdul.

Isaias 37:12

Dinederal na saray lalakik iray siudad na Gozan, Haran, Rezef, tan pinapatey da ray totoon taga Eden a manaayam ed Talassar, et anggapod saray diriyos da so akapangyagel ed sikara.

Isaias 7:8

Akin? Lapud aliwan mabiskeg so Siria nen say Damasco a manonan baley to, tan say Damasco et aliwan mabiskeg nen si Ari Rezin. No nipaakar ed Israel, naderal-deral ed loob na anemaplo tan limay taon kanyan ag natogyup a sakey a bansa.

Isaias 8:4

Kasakbayan a nayarian to lan ibagay ‘Ina’ tan ‘Ama,’ say ari na Asiria alaen ton isempet iray amin a kayamanan na Damasco tan amin ya asamsamsam na Samaria.”

Oseas 9:3

Ag mansiansian manayam ed dalin na Katawan iray totood Israel, no ag ingen nepeg ya ompawil irad Egipto tan diad Asiria nepeg a mangan iray kakanen a marotak onung ed ganggan.

Amos 2:6

Say Katawan kuanto, “Nankakasalanan iray totood Israel, kanyan andi-saew a dusaen ko ra. Ilalako ran aripen iray lalakin matonung ya ag da nabayaray utang da, saray mairap-bilay ya ag da nayarian a bayaran so anggan bili na sankatopag a sandalya.

Amos 5:6

Singger kayod Katawan, et mambilay kayo. No ag kayo onsingger ed Katawan, sikatoy mamalanit a singa apoy ed saray totood Israel. Poolan na apoy iray totood Betel, tan anggapoy makaerep ed pool.

Saray Gawgawa 7:43

Say tulda nen dios a Moloc so sankaawit yo, tan say bitewen nen Refan a dios yo: ginawa yo ra yan diriyos yo a pangigalangan yo. Kanyan ibantak ta kayod labas na Babilonia.’