2 Saray Arari 17:6 - Maung A Balita Biblia

⁶ a sikatoy kumasyam a taon na panooley nen Oseas, adakep na impirador na Asiria so Samaria; inawit tod Asiria iray Israelitan adakep to, insan impanayam to ray arum ed siudad na Hala, saray arum diad asingger ed Ilog na Habor diad distrito na Gozan, tan saray arum diad saray siudad na Media.

Maung a Balita Biblia

⁶ a sikatoy kumasyam a taon na panooley nen Oseas, adakep na impirador na Asiria so Samaria; inawit tod Asiria iray Israelitan adakep to, insan impanayam to ray arum ed siudad na Hala, saray arum diad asingger ed Ilog na Habor diad distrito na Gozan, tan saray arum diad saray siudad na Media.

2 Saray Arari 17:6 Iomraidhean Croise

Genesis 10:2

Saray lalakin anak nen Jafet sikara di Gomer, Magog, Madai, Javan, Tubal, Mesec, tan Tiras.

1 Saray Arari 8:46

“No mankasalanan ed sika iray totoom—ta anggapo lantiy anggan sakey a toon ag mankakasalanan—tan diad pasnuk mo, et ipatalom irad saray kalaban da tan ipadakep mo rad arum a dalin ya anggan anto lay kaarawi to,

2 Saray Arari 15:29

Legan na panaari nen Pekas, si Tiglat-pileser ya impirador na Asiria adakep to ray siudad na Ijon, Abel-bet-maaca, Janoa, Kedes, Hazor, Galaad, Galilea, tan Neftali; dinakep to ray totoon manaayam ed sarayan siudad, insan inawit to ran priso ed Asiria.

2 Saray Arari 17:23

ya anggad pinataynan na Katawan irad arap to onung na sinalita to diad panamegley na saray aripen ton propita. Kanyan niakar ya adakep ed Asiria iray Israelita, a dimay panaayaman da ni ya anggad natan.

2 Saray Arari 18:34

Iner la natan so kawalaan da ray diriyos na Hamat tan Arpad? Iner so kawalaan da ray diriyos na Sefarvaim, Hena, tan Iva? Wala sirin ed sikaray angyagel ed Samaria?

2 Saray Arari 19:12

Dinederal na saray lalakik iray siudad na Gozan, Haran, Rezef, tan pinapatey da ray totoon taga Eden a manaayam ed Telasar, et anggapod saray diriyos da so akapangyagel ed sikara.

2 Saray Arari 21:13

Dusaen koy Jerusalem a singa ginawak ed Samaria, a singa ginawak ed kinen Ari Acab na Israel tan saray kabyangay boleg to. Pataynanen ko ray totood Jerusalem, et magmaliw a malinis a singa platon pinonasan tan impatikleb.

1 Saray Awaran 5:22

Amayamay iray pinapatey dan kalaban da, lapud linawa na Dios imay bakal. Nanayam irad saman a dalin ya anggad inkibantak dad arum a bansa.

1 Saray Awaran 5:26

Kanyan pinaloob na Dios si Impirador Pul na Asiria (tatawagen met na Tiglat-pileser) ed bansa ra. Pinataynan to ray tribu nen Ruben, Gad, tan say kapaldua na Manases, insan to ra imbaki ed Halah, Habor, Hara, tan diad abay na Ilog na Gozan, ta diman lay panayaman da.

Esdras 6:2

Balet diad siudad na Ecbatana diad luyag na Media so akarumogan na sakey a babasaen a nilokut ya akapangisulatan na onggendan:

Nehemias 9:32

“O Dios mi, alay talonggaring mo! Makapataktakot tan makapanyarin tuloy! Matoor mon susumpalen so impisipanan mo. Nanlapu lad samay panaon a pinapairap kami na saray ararid Asiria, ontan lay paniirap mi ya anggad natan. Saray arari mi, saray pangulo mi, saray papari tan saray propita mi, saray lalaki mi, tan amin a totoo mi et maniirap ira. Nudnunot mo pa so ontan lan impanirap mi!

Isaias 10:9

Adakep ko ray siudad na Calno tan Carkemis, saray siudad na Hamat tan Arpad. Adakep koy Samaria tan Damasco.

Isaias 13:17

Say Katawan kuanto, “Sosogsogan kon ondogpad Babilonia iray taga Medes. Anggapoy walad sikara so pilak tan anggapoy liket dad balituk.

Isaias 17:4

Say Katawan inkuanto, “Onsabiy panaon a naekalay kagalangan so Israel, tan nasalatan na inkaduka so kayamanan to.

Isaias 21:2

Nipasingayew ed siak so nipaakar ed saray maruksan nagawa a nipaakar ed panagtraidor tan panagderal. Sondalo na Elam, dogpa kayo! Sondalo na Media, looban yo ray siudad! Panganggaen la na Dios so panamairap na Babilonia.

Isaias 36:17

anggad panayamen kayo na ari ed sakey a bansa, a singa met lamlamang say bansa yo, a wala ray kaubasan a mangiter na alak, tan wala ray trigo a gawaen a tinapay.

Isaias 36:19

Iner la natan so kawalaan da ray diriyos na Hamat tan Arpad? Iner so kawalaan da ray diriyos na Sefarvaim? Wala tad sikaray angyagel ed Samaria?

Isaias 37:18

Amta min amin, Katawan, a dinederal na saray impirador na Asiria so amayamay a bansa, ginagawa ran andi-kabaliksan iray dalin da,

Isaias 8:4

Kasakbayan a nayarian to lan ibagay ‘Ina’ tan ‘Ama,’ say ari na Asiria alaen ton isempet iray amin a kayamanan na Damasco tan amin ya asamsamsam na Samaria.”

Jeremias 50:17

Say Katawan kuanto, “Saray totood Israel et singa ra karniron osil-osilan tan ikaykayat na saray lion. Onona, dinogpaan ira na ari ed Asiria, insan si Ari Nabucodonosor na Babilonia nginangalngal to ray pokel da.

Daniel 5:28

say Parsin et paldua, ta apalduay nanarian mo tan niiter ed saray taga Media tan saray taga Persia.”

Oseas 1:4

say Katawan kuantod kinen Oseas, “Ingaran mo na ‘Jezreel,’ ta magano lay panusak ed Israel lapud saramay impamapatey nen laki ton Jehu diad siudad na Jezreel. Patondaen ko la so panooley nen Jehu tan saray kabyangay pamilya to.

Oseas 1:6

Nanlokun lamet si Gomer tan nananak na sakey a bii. Say Katawan kuantod kinen Oseas, “Ingaran mo so anak mo na “Ag naaro,” ta ag ko la aroen iray totood Israel odino pirdonaen ira.

Oseas 1:9

Say Katawan kuantod kinen Oseas, “Ingaran mo so anak mo na ‘Aliwan-Took,’ ta ag ko totoo iray totood Israel, tan aliwan siak so Dios da.”

Oseas 13:16

Nepeg a nadusa so Samaria lapud insumpa tod siak. Ompatey ed bakal iray totoo to, nibasig-basig ed dalin iray ogogaw ya ankekelag, tan nabutbutyakan iray malokun a bibii.”

Oseas 8:8

Nagmaliw a singa arum a bansa so Israel tan anggapoy kana ton singa nabtag a banga.

Oseas 9:3

Ag mansiansian manayam ed dalin na Katawan iray totood Israel, no ag ingen nepeg ya ompawil irad Egipto tan diad Asiria nepeg a mangan iray kakanen a marotak onung ed ganggan.

Levitico 26:38

Nibantak kayo ed arum a bansa tan diman kayo ompatey, diad pangakmon ed sikayo na dalin da ray kalaban yo.

Amos 5:27

no awiten ta kayon ibantak ed dalin a labas na Damasco,” kuay Katawan a say ngaran to et Makapanyarin-amin a Dios.

Amos 7:17

Lapud saya, Amasia, say Katawan kuantod sika. ‘Magmaliw a marotak a bii ed siudad so asawam tan napatey ed bakal iray anak mo. Naapag-apag so dalin mo tan niiter irad saray arum a totoo, tan napatey kad bansa da ray pagano. Andi-saew a saray totood Israel et naala rad dilin bansa ra tan nibantak irad arum a bansa.’”

Deuteronomio 28:36

“Say Katawan iyakar to kayo tan say ari yo ed sakey a bansa ya ag yo ni nanayaman nen saman, sikayo o saray lalaki yo; manlingkur kayod man ed saray diriyos a kiew tan saray diriyos a bato.

Deuteronomio 28:64

“Say Katawan itaytayak to kayod saray amin a bansa, manlapud sakey a samput na dalin ya anggad sananey a samput, et diman kayo manlingkur ed saray diriyos a kiew tan bato, saray diriyos a sikayo tan saray lalaki yo et ag yo ran balut ginalang nen saman.

Deuteronomio 30:18

naoput kayo—papasakbayan ta kayo la dia natan. Ag kayo mambilay na andokey ed dalin a ngalngali yo la panayaman diad nibaliw na Jordan.