2 Saray Arari 17:11 - Maung A Balita Biblia

¹¹ Nampopool met iray insinso ed saray paganon altar diad impangalig dad saray ogali na saray totoon pinataynan na Katawan ed dalin a sinakop da. Impanpasnuk day Katawan, lapud saray maoges a gawgawa ra,

Maung a Balita Biblia

¹¹ Nampopool met iray insinso ed saray paganon altar diad impangalig dad saray ogali na saray totoon pinataynan na Katawan ed dalin a sinakop da. Impanpasnuk day Katawan, lapud saray maoges a gawgawa ra,

2 Saray Arari 17:11 Iomraidhean Croise

1 Saray Arari 13:1

Lapud ganggan na Katawan, linmad Betel a nanlapud Juda so sakey a propita tan asabian ton manalalagey ed abay na altar si Jeroboam a mangibabagat.

1 Saray Arari 14:15

Dusaen na Katawan so Israel, tan magmaliw a singa kiew a payar ya iwal-iwalen na mabiskeg ya agos na danum. Pataynanen to ray totood Israel ed sayan maung a dalin ya inter tod saray lalaki ra, insan to ra ikaykayat ed nibaliw na Ilog na Eufrates, ta apampasnuk da lapud impanggawa ra na saray talintao nen diosan Asera.

2 Saray Arari 12:4

Tinawag nen Joas iray papari, insan to ra ingganggan ya isinup da ray kuartan nibabayar nipaakar ed saray bagat diad Timplo—saray inagew-agew a napapasegep nipaakar ed saray bagat, tan saray kuartan mabolus a niiter.

2 Saray Arari 17:10

Diad amin a toktok na pokdul tan diad silong na balang masalumpapak a kiew, angyan ira na saray lusek a bato tan saray talintao nen diosan Asera.

2 Saray Arari 17:12

tan ag da inonur so ganggan na Katawan ya ag ira mangigalang ed saray talintaoy diriyos.

2 Saray Arari 21:6

Insaklang ton bagat a popoolan so lakin anak to. Nambubuyon tan nampaparles tan nampapanon ed saray panagpalar tan saray manangipanon ed saray ispiritu na inaatey. Mapalaloy impankasalanan tod Katawan, kanyan impanpasnuk to.

2 Saray Awaran 28:25

Diad balang siudad tan baley na Juda, angipaalagey na saray paganon pasen a panangigalangan, a pampoolan da na insinso ed saray diriyos na arum a bansa. Lapud saya sikato lamlamang so nanlapwan na impanpasnuk ed sikato na Katawan a Dios na saray lalaki to.

Exodo 23:24

Ag kayo ondadakmomo odino mangigagalang ed saray diriyos da, tan ag yo aaligen iray kagagawa rad panangigalang da. Deral yo ray diriyos da tan igeba yo ray masanton lusek da a bato.

Jeremias 44:17

Sumpalen mi ray amin ya imbaga min gawaen. Mangibagat kamid diosa mi, say Riyna na Tawen tan mangisaklang kamid sikato na bagat ya alak, a singa samay ginagawa mid saray baley na Juda tan diad saray dalan ed Jerusalem, ta onya met so ginagawa na lalaki mi, saray arari tan saray pangulo mi. Daakan ed saman a panaon iray kakanen mi, maaligwas kami, tan anggapo ray gunigon mi.

Oseas 9:10

Say Katawan kuanto, “Nen inmonan nalmok so Israel, singa ak akalmoy sengeg na ubas ya ontutubod kalawakan. Nen inmonan anengneng ko ray lalaki yo, singa ak akanengneng na inmona ran aluton bungay igos diad panaon to. Balet nen akakar irad Palandey na Peor, ginapwan day angigalang ed Baal tan ag abayag nagmaliw iran makapaingungot a singa saray diriyos ya inararo ra.

Deuteronomio 12:2

Diad dalin a kayaryanen yo, deral yo ray amin a pasen a pangigagalangan na saray totoo ed saray diriyos da diad saray atagey a palandey, diad saray pokdul, tan diad silong na saray malambut a kiew.

Deuteronomio 18:9

“No onsabi kayod dalin ya iiter ed sikayo na Katawan a Dios yo, ag yo aaligen iray makapaingongot ya ogali na saray bansan wadman la.

Deuteronomio 32:16

Lapud impangigalang dad saray arum a diriyos angimon so Katawan; akapasnuk lapud saray ginagawa ran kaogsan.

Deuteronomio 32:21

Lapud saray talintaoy diriyos da pinapetang day olok; pinaimon da ak lapud saray ipapasen dan diriyos da, saray aliwan peteg a diriyos. Kanyan ikanak so sakey a paganon bansa a mamapetang na olo ra; paimonen ko ra lapud sakey a bansan makulang-kulang iray totoo to.