2 Saray Arari 13:6 - Maung A Balita Biblia

⁶ Balet ag da inkaindan iray kasalanan ya angilagyatan nen Ari Jeroboam ed Israel, no ag ta intuloy day nankakasalanan; nansiansiad Samaria so talintao nen diosan Asera.

Maung a Balita Biblia

⁶ Balet ag da inkaindan iray kasalanan ya angilagyatan nen Ari Jeroboam ed Israel, no ag ta intuloy day nankakasalanan; nansiansiad Samaria so talintao nen diosan Asera.

2 Saray Arari 13:6 Iomraidhean Croise

1 Saray Arari 14:16

Ikaindan na Katawan so Israel, lapud nankasalanan si Jeroboam tan inlagyat ton nankasalanan iray totood Israel.”

1 Saray Arari 15:3

Ginawa to ray kasalanan a ginagawa nen ama to tan aliwan sigput a matoor ed Katawan a Dios to; ag to naaligan si laki tod dapan a si David.

1 Saray Arari 16:26

Singa si Jeroboam, apampasnuk toy Katawan a Dios na Israel, lapud saray kasalanan to tan lapud nilagyat ton nankasalanan tan angigalang ed saray talintaoy diriyos iray totoo.

1 Saray Arari 16:33

Nanggawa met na talintao nen diosan Asera. Pinalumbasan ton nankasalanan iray amin ya ararid Israel ya akaonan nanoley nen say sikato, lapud saray ginagawa ton maoges ya amasnukay Katawan a Dios na Israel.

2 Saray Arari 10:29

Balet inalig toy kasalanan nen Ari Jeroboam ya angilagyat ed saray Israelita a nankasalanan diad impangigalang dad saray balituk a bakan kalakyan ya impasen to rad Betel tan diad Dan.

2 Saray Arari 13:11

Nanggagawa met na kaogsan sumpad Katawan tan inalig to ray kasalanan ya angilagyatan nen Ari Jeroboam ed Israel.

2 Saray Arari 13:2

Inalig toy Ari Jeroboam ya akaonan nanoley nen say sikato, nankasalanan ed Katawan tan inlagyat ton nankasalanan so Israel; ag to tinondaan a ginagawa so kaogsan to.

2 Saray Arari 17:16

Ag da inonur ya amin iray ganggan na Katawan a Dios da tan nanggawa ray galangen da a duaran mital a bakan kalakyan; nanggawa ra met na sakey a talintao nen diosan Asera, inggalang da ray bitewen, tan nanlingkur irad dios a Baal.

2 Saray Arari 18:4

Dineral to ray paganon pasen a panangigalangan, inggeba to ray lusek a bato tan saray talintao nen diosan Asera. Minekmek to met imay ginawa nen Moises a gansan oleg ya atawag na Nehustan, ta anggad saman a panaon nampopool ni ray Israelita na insinso a pamagalang dad samay gansan oleg.

2 Saray Arari 21:3

Pinasimbalo ton impaalagey iray paganon pasen a panangigalangan a dinederal nen Ezekias ya ama to; nanggagawa na saray altar a panangigalangan ed Baal, tan nanggawa na talintao nen Asera, a singa samay ginawa nen Ari Acab na Israel. Inggalang met nen Manases iray bitewen.

2 Saray Arari 23:4

Insan ingganggan nen Josias so Pangulon Pari a si Helcias, saray mananulong ton papari, tan saray nipasen a guardia ed lolooban na Timplo ya ipaway dad Timplo iray amin a kagawaan ya ikakanad pangigalang ed Baal, diosan Asera, tan saray bitewen. Pinoolan na ari ira yan amin diad paway na siudad diad asingger ed Patar na Cedron, insan to impaiyakar ed Betel so dapul da.

Isaias 26:10

Anggaman a mapangasi kad saray totoon maoges, ag dan balut naaralan so manggaway kaptekan. Anggan diad dalin na saray totoon matonung manggagawa ran siansiay kaogsan; ag da labay a birbiren so inkatalonggaring mo.

Deuteronomio 7:5

Kanyan sirin, igeba yo ray altar da, deral yo ray masanton baton lusek da, batang yo ray tanda na diosa ran Asera, tan poolan yo ray talintaoy diriyos da.