2 Saray Arari 13:3 - Maung A Balita Biblia

³ Lapud saya, akapasnuk ed Israel so Katawan, kanyan inabuloyan toy Hazael na Siria tan si anak ton laki a si Ben-hadad a tinalo ran amimpiga so Israel.

Maung a Balita Biblia

³ Lapud saya, akapasnuk ed Israel so Katawan, kanyan inabuloyan toy Hazael na Siria tan si anak ton laki a si Ben-hadad a tinalo ran amimpiga so Israel.

2 Saray Arari 13:3 Iomraidhean Croise

1 Saray Arari 19:17

Siopamay ag napatey nen Hazael pateyen nen Jehu, tan siopamay ag napatey nen Jehu pateyen nen Eliseo.

2 Saray Arari 12:17

Diad saman a panaon, dinogpaan nen Ari Hazael na Siria so siudad na Gat tan adakep to; insan ginetma ton dogpaan so Jerusalem.

2 Saray Arari 13:22

Pinairap nen Ari Hazael iray Israelita legan na impanoley nen Joacaz,

2 Saray Arari 17:20

Impolisay na Katawan iray amin ya Israelita tan impalima to rad saray maruksan kalaban, ya anggad apataynan to ran amin ed arap to.

Jeremias 49:27

Poolan ko ray padir na Damasco tan saray palasio nen Ari Ben-hadad. Siak say Katawan a Makapanyarin-amin, so nansalita.”

Levitico 26:17

Sumlangen ta kayo pian natalo kayo; oleyan kayo na saray kalaban yo tan diad ontan lan kataktakot yo ombatik kayo anggan anggapoy mangoosil ed sikayo.

Amos 4:10

“Angyakar ak ed sikayo na salot a singa samay salot ya inyakar kod Egipto. Pinatey kod bakal iray lalakin tobun-balo yo tan inaalak iray kabayo yo. Banget na saray bangkay ed saray kampo yo so impapasingob kod sikayo. Balet siansia nin ag kayo pinmawil ed siak.

Deuteronomio 28:25

“Say Katawan ipatalo to kayod saray kalaban yo. Dogpaan yo rad sakey a dapag balet ibatikan yo rad amin a dapag, et diad ontan ontakot iray amin a katoowan ed intiron mundo no nanengneng day nagawad sikayo.

Saray Hebreo 12:29

ta say Dios tayo et manangoput ya apoy.

Saray Huis 2:14

Kanyan mapalaloy impakapasnuk na Katawan ed sikara tan inabuloyan ton dinogpaan ira na saray kalaban da tan tinakewan ira. Inabuloyan to ran nipasilong ed pakayari na saray kalaban dad kaliber-liber da, tan saray Israelita et ag da niagel so sikaran dili.

Saray Huis 3:8

Kanyan akapasnuk so Katawan ed Israel, et inabuloyan toy Ari Cusan-risataim na Mesopotamia a nadakep to ra. Waloy taon a nagmaliw iran walad silong na pakaoley to.