2 Saray Arari 12:5 - Maung A Balita Biblia

⁵ Makaoley so balang pari ed kuartan iiter na saray panlilingkuran to, tan onung na pankaukolan nikana so kuarta ed pampaapiger na Timplo.

Maung a Balita Biblia

⁵ Makaoley so balang pari ed kuartan iiter na saray panlilingkuran to, tan onung na pankaukolan nikana so kuarta ed pampaapiger na Timplo.

2 Saray Arari 12:5 Iomraidhean Croise

1 Saray Arari 11:27

Onyay makasengeg na insumpa tod kinen Solomon. Mampapatabun na dalin nen saman si Solomon diad bokig na Jerusalem tan itutuloy ton pagaway padir na siudad.

2 Saray Arari 12:12

saray kantiro, tan saray managtabas na bato, manaliw iray tabla tan saray baton ikana ed pampaapiger, tan bayaran da ray amin nin nakaukolan a panggastosan.

2 Saray Arari 12:4

Tinawag nen Joas iray papari, insan to ra ingganggan ya isinup da ray kuartan nibabayar nipaakar ed saray bagat diad Timplo—saray inagew-agew a napapasegep nipaakar ed saray bagat, tan saray kuartan mabolus a niiter.

2 Saray Arari 12:6

Balet diad loob na duamplo tan taloy taon na panooley nen Joas, ag ni nampaapiger na Timplo iray papari.

2 Saray Arari 22:4

“Lakad kinen Pangulon Pari a si Helcias, ta nengneng mo no pigara lay kuartan nanlapud saray totoo ya atipon na saray paparin nipasen ed lolooban na Timplo.

1 Saray Awaran 29:6

Insan saray pangulo da ray boleg, saray opisyal da ray tribu, saray kapitan da ray sondalo, tan saray makaoley ed saray kayaryan na ari et mabolus so linawa ran angiter

1 Saray Awaran 29:9

Mabolbolus ya angiiter ed Katawan iray totoo, tan maliket ira lapud dakerakel so niiter da. Malikeliket met si Ari David.

2 Saray Awaran 24:5

Ingganggan to ray papari tan saray Levita ya onla rad saray siudad na Juda, ta mankolikta rad saray totoo na kuarta a para samay tinaon a pamaapiger ed Timplo. Imbaga tod sikaran ganatan da yan gawaen, balet nantayam-tayam ira may Levita.

2 Saray Awaran 24:7

Saray mananombuk nen Atalia, samay maoges a bii, et dineral day Timplo tan inkakana rad panangigalang ed Baal iray amayamay a masanton kagawaan.)

Exodo 30:13

Balang sakey ed saray totoon bilangen et nepeg a mangiter na nakaukolan a bayar onung ed panagsimbang ed santuario. Balang sakey nepeg a bayaran to ya, tan sakey yan bagat ed siak.

Isaias 58:12

Pasimbaloen ya ipaalagey na saray totoo yo iray abayag lan aderal-deral ya ayaman yo, ipaalagey da ra lamet ed saray daan a pundasion. Natawag kayo a totoon angipaalagey lamet ed saray ageba tan saray aderal-deral ya abung.”

Levitico 27:2

iray onggendan a totontonen a tombuken na saray totood Israel. No say sakey a too et niiter ed Katawan diad panumpal ed sakey a nidoma-doman sipan, satan a too nayarin narondon diad pambayar na saray onggendan a karakel na kuarta,

Saray Bilang 18:15

“Amin a pangulowan ya anak odino besag na ayep ya isaklang ed siak na saray Israelita et kayaryan yo ra. Balet nepeg mon awaten so kuartan panondon dad balang pangulowan ya anak tan nepeg mo met ya awaten so panondon dad balang besag ya ayep ya aliwan malinis onung ed ganggan.