2 Saray Arari 11:18 - Maung A Balita Biblia

¹⁸ Linmad timplo nen Baal iray totoo, insan da inggeba; minekmek da ray altar tan saray wadman a talintaoy diriyos, tan pinatey dad arap na saray altar si Matan a pari nen Baal. Wala ray impanbantay nen Joiada ed Timplo,

Maung a Balita Biblia

¹⁸ Linmad timplo nen Baal iray totoo, insan da inggeba; minekmek da ray altar tan saray wadman a talintaoy diriyos, tan pinatey dad arap na saray altar si Matan a pari nen Baal. Wala ray impanbantay nen Joiada ed Timplo,

2 Saray Arari 11:18 Iomraidhean Croise

1 Saray Arari 18:40

Ingganggan nen Elias, “Erel yo ray propita nen Baal; ag kayo mamapabatik na anggan sakey ed sikara!” Inerel da ra, insan inyakar nen Elias iran amin ed Kolus na Kison tan diman to ra pinapatey.

2 Saray Arari 10:21

insan to ya impaibawag ed intiron dalin na Israel. Dinmagon amin iray manangigalang ed Baal; anggapoy anggan sakey ya ag dinmago. Linma ran amin ed dalem na timplo nen Baal; napnon manlapud bandad arap ya anggad beneg.

2 Saray Arari 10:25

Kayariy impangibagat nen Jehu, inkuantod saramay guardia tan saramay opisyal, “Loob ki la, ta patey yo ran amin; ag kayo mamapabatik na anggan sakey!” Linmoob iran sankabembenan day ispada, pinatey da ran amin, insan da inggagayugoy ed paway iray bangkay. Linma rad sankadaleman na timplo,

2 Saray Arari 10:26

inala ran impaway so masanton lusek a wadman, insan da pinoolan.

2 Saray Arari 10:27

Dineral da sirin so masanton lusek tan say timplo, insan da ginawan kasilyas—a wadman ni ya anggad natan.

2 Saray Arari 18:4

Dineral to ray paganon pasen a panangigalangan, inggeba to ray lusek a bato tan saray talintao nen diosan Asera. Minekmek to met imay ginawa nen Moises a gansan oleg ya atawag na Nehustan, ta anggad saman a panaon nampopool ni ray Israelita na insinso a pamagalang dad samay gansan oleg.

2 Saray Arari 23:10

Ginawa met nen Ari Josias ya andi-kabaliksan so Tofet, say pasen na panangigalangan na saray pagano diad Patar na Hinom, pian anggapo lay makapangisaklang ed dios a Molec na anak ton laki o bii.

2 Saray Arari 23:14

Minekmek nen Ari Josias iray baton lusek, binatang tod sengeg so masanton tiken a nisaklang ed diosan Asera, insan to tinabunan na pokel da ray inaatey so dalin a niletnegan da.

2 Saray Arari 23:20

Pinatey ton amin iray paganon papari diad tapew na saray altar a nanlilingkuran da, tan pinoolan tod tapew na balang altar iray pokel na inaatey. Insan pinmawil ed Jerusalem.

2 Saray Awaran 21:17

Nilooban day Juda, inaala da ray kayamanan ed palasio, tan inaawit dan priso iray amin ya asawa na ari tan saray anak ton lalaki, likud labat ed kinen Ahazia a sankayogtanan ya anak ton laki.

2 Saray Awaran 34:4

Diad panangiwanwan to dinederal na saray totoo to iray altar a panangigalangan ed kinen Baal, inggegeba da ray kaabay dan altar a panagpoolan na insinso. Minemekmek da ya anggad dinmabuk iray talintao nen Asera tan saray arum a talintaoy diriyos, insan intatayak day dabuk ed saray lobuk da ray totoon nambabagat ed sarayan diriyos.

2 Saray Awaran 34:7

Diad intiron Nanarian ed Baybay, dinederal to ray altar tan saray tanda na Asera, minemekmek to ya anggad dinmabuk iray talintaoy diriyos, tan tinetemek ton amin iray altar a panagpoolan na insinso. Insan pinmawil ed Jerusalem.

Exodo 32:20

Inala to may bakan ginawa ra, tinonaw to, tinemek ton singa pulbo, inlauk tod danum, insan to impainom ed saray Israelita.

Deuteronomio 12:2

Diad dalin a kayaryanen yo, deral yo ray amin a pasen a pangigagalangan na saray totoo ed saray diriyos da diad saray atagey a palandey, diad saray pokdul, tan diad silong na saray malambut a kiew.

Deuteronomio 12:3

Igeba yo ray altar da tan mekmek yo ray masanton lusek da. Poolan yo ray tanda na diosan Asera tan batang yo ray talintaoy diriyos da, pian ag la ran balut nigalang ed saraman a pasen.

Deuteronomio 13:10

Tupak yo ya anggad ompatey! Sinali to kayon iyarawi ed Katawan a Dios yo ya angipaway ed sikayod Egipto ya akaaripenan yo.

Deuteronomio 13:5

Balet nepeg a pateyen so siopaman a managpatalus na kogip odino siopaman a propitan mangibagad sikayo a sumlangen yoy Katawan ya angipaway ed sikayod Egipto ya akaaripenan yo. Maoges itan a too ta labay to kayon iyarawi ed panagbilay ya ingganggan na Dios a tombuken yo. Nepeg a pateyen pian naandid pegley yo yan kaogsan.

Deuteronomio 13:6

“Nayarin anggan say agi yon laki, odino say anak yon laki, odino say anak yon bii odino say asawa yon bii ya inararo yo, odino say kaaro yon malmalet et maamut to kayon tanggoyuren a mangigalang ed arum a diriyos ya ag yo ni ran balut inggalang, sikayo tan saray lalaki yo.

Deuteronomio 13:9

Patey yo! Sikayo so ononan manupak ed sikato, insan tupaken na arum a totoo.