2 Saray Arari 11:16 - Maung A Balita Biblia

¹⁶ Siningkat da, inyakar dad palasio, insan da pinatey ed Puirtay Kabayo.

Maung a Balita Biblia

¹⁶ Siningkat da, inyakar dad palasio, insan da pinatey ed Puirtay Kabayo.

2 Saray Arari 11:16 Iomraidhean Croise

Genesis 9:6

Siopamay mamatey na too pateyen met na kapara ton too, ta apalsan kaolibay na Dios so too.

2 Saray Arari 11:15

Ag labay nen Joiada a napatey ed solar na Timplo si Atalia, kanyan ingganggan tod saray opisyal na sondalo: “Ipaway yon idalan ed leet na saray dasig da ray sondalo, tan patey yoy siopaman a mangyagel ed sikato.”

2 Saray Awaran 23:15

Siningkat da, inyakar dad palasio insan da pinatey ed Puirtay Kabayo.

Nehemias 3:28

Impaalagey na sakey a grupoy papari so onsoblay a soldung na padir a mampaarap ed baybay manlapud Puirta na Kabayo; impaalagey na balang sakey ed sikara so padir a walad arap na abung ton dili.

Jeremias 31:40

Say intiron patar na pomponan ed saray bangkay tan bantakan na dotak, tan amin a kaalogan ed pandel na Kolus na Cedron ya anggad Puirta na Kabayo et magmaliw iran masanton pasen ed siak. Ag lan balut nigeba odino naderal yan siudad.”

Levitico 24:17

“Siopamay mamatey na kapara ton too, nepeg a pateyen,

Mateo 7:2

Ta no panoy panisintinsia yod arum a too, ontan met so panisintinsia na Dios ed sikayo; tan no panoy panusukat yod arum a too, ontan met so panusukat na Dios ed sikayo.

Santiago 2:13

Ta diad panagsintinsiay Dios, ag to kasiay toon ag to amtay mangasi; balet say panangasi taloen toy sintinsia.

Saray Huis 1:7

Inkuanen Adoni-bezec, “Nandodokdok nen saman na ibung ed silong na lamisaan ko iray arari ya apotut-potut so tangan na lima tan sali ra. Gagawaen ed siak natan na Dios imay ginagawak ed sikara.” Niakar ed Jerusalem si Adoni-bezec, tan diman la inatey.