2 Saray Arari 11:12 - Maung A Balita Biblia

¹² Insan impaway nen Joiada si Joas, kinoronaan to tan inter tod sikato ray ganggan a nipaakar ed panari. Alanaan tan nibawag a manari si Joas. Nantitipak iray totoo tan ineeyag da, “Andokey komun so bilay na ari!”

Maung a Balita Biblia

¹² Insan impaway nen Joiada si Joas, kinoronaan to tan inter tod sikato ray ganggan a nipaakar ed panari. Alanaan tan nibawag a manari si Joas. Nantitipak iray totoo tan ineeyag da, Andokey komun so bilay na ari!

2 Saray Arari 11:12 Iomraidhean Croise

2 Samuel 1:10

Kanyan dinagok tan pinatey ko, ta amtak ya ompatey met lamlamang diad katumba to. Insan ko inalay koronad olo to tan say pulsira ed taklay to tan inawit ko diad sika, katawan ko.”

2 Samuel 12:30

Say talintaoy dios na saray Ammonita a si Milcom et walay balituk a korona to a mambelat na sakey a talomplo tan apat a kilo, walay mablin bato ed samay korona. Inala nen David imay bato, insan to inyan ed korona to. Amayamay met ni ray nala ton bengatla ed siudad,

2 Samuel 16:16

Nen si Cusai ya Arkita tan kaaro nen David et nabet toy Absalom, ineyag to, “Andokey komun so bilay na ari! Andokey komun so bilay na ari!”

2 Samuel 2:4

Insan saray lalakid Juda linma rad Hebron tan nilanaan day David a manarid Juda. Nen nadngelan nen David a si Saul et impompon na saray totood Jabes, diad Galaad,

2 Samuel 2:7

Mampabiskeg tan mampasebeg kayo! Inatey lay ari yon Saul, tan saray totood Juda et nilanaan da ak a manari ed sikara.”

2 Samuel 5:3

Kanyan amin a panguloy Israel linma rad kinen Ari David diad Hebron. Diad arap na Katawan akisipanan ed sikara, nilanaan da et nagmaliw ya ari na Israel.

1 Saray Arari 1:25

Diad sayan agew, linman angibagat si Adonias na amayamay a baka, karniro, tan pinataban kilaw na baka, tan binagaan to ray lalakin anak mo, si Joab a pangulo na saray sondalom tan si Abiatar a pari. Diad sayan bekta, kaiba ran manaakan tan maniinom tan iyeeyag na saray kakaiba to, ‘Andokey komun so bilay nen Ari Adonias!’

1 Saray Arari 1:34

Sikayon dua, Sadoc tan Natan, so manlana ed kinen Solomon a manari ed Israel. Insan yo paknulen so trumpita tan iyeyag yo, ‘Andokey komun so bilay nen Ari Solomon!’

1 Saray Arari 1:39

Inala nen Sadoc so pananginan na larak na oliban inala tod Tuldan Ayamay Katawan, insan to nilanaay Solomon. Pinaknul day trumpita, tan ineyag na amin a totoo, “Andokey komun so bilay nen Ari Solomon!”

1 Saray Arari 2:44

Insan to inyarum ya inkuan, “Kabkabat mo ray maoges a ginagawam ed kinen amak a David, anto? Dusaen kay Katawan, lapud saraman a maoges a ginagawam.

2 Saray Arari 11:11

Impasen to rad kaliber-liber na arap na Timplo, ta iyagel day ari; akaoyus so ispada ray nangguardia.

2 Saray Arari 11:2

Bukbukor nen Joas a lakin anak nen Ahazia so akabatik. Kaiba la lawari na saray arum a napatey, balet inyagel na panginaen ton si Josaba ya anak nen Ari Jehoram tan agi nen Ahazia ed ama. Inyakar tod kuarton ogipan ed dalem na Timplo si Joas tan say kumokomis ed sikato, ta inyamut tod kinen Atalia, kanyan ag apatey.

2 Saray Arari 11:4

Balet nen kumapiton taon, si Joiada a pari impatawag tod Timplo iray opisyal a makaoley ed saray umaantabay na ari tan saray bantay na palasio. Diad dalem na Timplo impansamba to ran onabubon ed gawaen to. Impanengneng tod sikaray Joas a lakin anak nen Ari Ahazia,

2 Saray Arari 9:13

Saramay kapara nen Jehu ya opisyal inyaplag dan tampol ed tagey na saray balitang iray kolibemben da, ta toonan nen Jehu, pinaknul da ray trumpita insan da ineyag, “Ari si Jehu!”

2 Saray Arari 9:3

kalboan mod man so olo to na larak, tan kuanmo, ‘Ibabawag na Katawan a lalanaan to kan manari ed Israel.’ Insan ganatan moy ontaynan ed saman a lugar.”

2 Saray Awaran 23:11

Insan impaway nen Joiada si Joas, kinoronaan to tan inter tod sikato so kupia na ganggan na nipaakar ed panari. Kanyan nagmaliw ya ari si Joas. Si Joiada a pari tan saray lalakin anak to nilanaan day Joas, insan inmeyag so balang sakey, “Andokey komuy pambilay na ari!”

Ester 2:17

Labalabay na ari si Ester nen saramay arum a bibii; si Ester so akalay sankabalgan ya abig-linawa tan panangaro na ari. Kinoronaan to sirin si Ester tan ginawa ton riyna a kasalat nen Vasti.

Saray Salmo 132:18

Tabunan ko na kababaingan iray kalaban to, balet onaligwas so nanarian to.”

Saray Salmo 21:3

Dinagom ya awit moy nidomadoma ran bindision tan kinoronaan mo na puron balituk.

Saray Salmo 21:4

Kinmerew na bilay et initdan mo, andokey tan andi-anggaan a bilay.

Saray Salmo 47:1

Mantipak kayod liket, amin yon katoowan! Idayew yoy Dios diad panamegley na maksil iran kanta!

Saray Salmo 78:5

Angiter na saray ganggan ed saray totood Israel, tan diad saray kabyangay boleg nen Jacob. Binilin to ray lalaki tayo ya ibangat dad saray anak da iray ganggan to,

Saray Salmo 89:39

Ag mo tinoor so impisipanan mod aripen mo, tan imbantak mod dabuk so korona.

Saray Salmo 98:8

Mantipak kayo, sikayo ran ilog; mantetekep kayon mankanta a maliket diad arap na Katawan, sikayo ran kapokdulan,

Exodo 25:16

Insan mo ikargad dalem na Kaban iray duaran baton tapyak ya akaitatakan na saray ganggan.

Exodo 31:18

Nen asumpal na Dios so akisalita ed kinen Moises diad tagey na Palandey na Sinai, inter tod kinen Moises so duaran tapyak a bato ya angitatakan na dilin Dios na saray ganggan.

Isaias 55:12

“Maliket kayon ontaynan ed Babilonia; mareen kayon nipaway ed siudad. Mankanta ray kapalandeyan tan saray kapokdulan, tan mantipak ed liket iray kakiewan.

Isaias 8:16

Sikayo ran disipulok, nepeg a bantayan tan pansiansiaen yo ray salitan inter na Dios ed siak.

Isaias 8:20

Onya so iyebat mod sikara, “Dengel yoy ibabangat ed sikayo na Katawan! Ag yo dedengelen iray managpanon ed saray ispiritu na inaatey—ag da napaandi so gunigon.”

Saray Tagleey 4:20

Narel day sobul na bilay mi, say arin pinili na Katawan; sikatoy manoley a nanmatalekan min mangyagel ed sikami ed anggan siopan ondogpad sikami.

Daniel 3:9

Inkuandad Ari Nabucodonosor, “Mambilay komun ed anggad angga so Kagalang ya Ari!

Daniel 6:21

Inmebat si Daniel, “Mambilay komun ya anggad angga so Kagalang ya Ari!

Mateo 21:9

Ineeyag na saray totoon walad onaan tan saray walad onur nen Jesus, “Hosanna ed Anak nen David! Bindisionan komuy Dios so onla dia ed ngaray Katawan! Nagalang komuy Dios a Sankatageyan!”

Mateo 27:29

Nanliken iray sanga-sangan masabit tan ginawa ran singa korona, insan da inyan ed olo to. Impabemben dad kawanan a lima toy sakey a bislak. Nantatalimukor irad arap to tan niludlurey da. Inkuanda, “Andokey komun so bilay na Ari da ray Judio!”

Saray Gawgawa 4:27

Ta nankasakey ed sayan siudad si Herodes, si Poncio Pilato, saray Hintil, tan saray amin a totood Israel a milaban ed masanton Aripen mon si Jesus, say pinilim a Cristo.

2 CORINTO 1:21

Ta say Dios so mamapaelet na pikakasakey mi tan sikayo ed Cristo. Say Dios met so amilid sikami.

Saray Hebreo 1:9

Inarom so kaptekan, balet kabosul moy kaogsan; kanyan say Dios a Dios mo pinili to ka, tan initdan to kay liket na kagalangan, a lalon baleg nen say inter tod saray kakaibam.”

Saray Hebreo 2:9

Balet nanenengneng tayoy Jesus! Diad aganon panaon apaabeba nen saray anghil, pian diad panamegley na baleg a panangaroy Dios, nepeg ya ompatey para amin a katoowan. Nanenengneng tayo ya akoronaan natan na kagalangan tan dayew lapud asagmak ton kairapan ed impatey to.

Puyan 19:12

Singa manliub ya apoy iray mata to, tan amayamay iray koronad olo to. Akasulat ed laman to so ngaran to, balet sikato labat so makaamta na kabaliksan to.

1 Samuel 10:1

Insan angalay Samuel na sakey a botilyan larak na oliba tan inkalbo tod olo nen Saul, inanguban to, tan kuanto, “Say Katawan lalanaan to kan manoley ed saray totoo ton Israelita. Oleyan mo ray totoo to tan iyagel mo rad saray kalaban da. Saya so pakapatnagan mo a pinili say Katawan a manoley ed saray totoo to.

1 Samuel 10:24

Inkuanen Samuel ed saray totoo, “Nia so toon pinili na Katawan! Anggapoy mipara ed sikato.” Inmeyag iray amin a totoo, “Andokey komuy bilay na ari!”

1 Samuel 16:13

Inala nen Samuel so larak na oliba tan nilanaan toy David diad arap da ray agagi to. Linmoob a tampol ed kinen David so ispiritu na Katawan tan walad sikato manlapud saman ya agew. Insan amawil lad Rama si Samuel.