2 Saray Arari 10:5 - Maung A Balita Biblia

⁵ Angipawit na sulat a para Jehu iray opisyal a makaoley ed palasio tan saray opisyal a makaoley ed siudad, pati saray manonan ombaley tan saray managasikasod saray kabyangay boleg nen Acab. Onyay tanul na sulat da: “Aripen mo kami, tan sipaparaan kamin manggawa na antokaman a labay mo. Balet ag mi gawaen ya ari so siopaman; gawam so isisipen mon sankaabigan.”

Maung a Balita Biblia

⁵ Angipawit na sulat a para Jehu iray opisyal a makaoley ed palasio tan saray opisyal a makaoley ed siudad, pati saray manonan ombaley tan saray managasikasod saray kabyangay boleg nen Acab. Onyay tanul na sulat da: Aripen mo kami, tan sipaparaan kamin manggawa na antokaman a labay mo. Balet ag mi gawaen ya ari so siopaman; gawam so isisipen mon sankaabigan.

2 Saray Arari 10:5 Iomraidhean Croise

1 Saray Arari 20:32

Kanyan namberber iray sako ed balangbang da, nambaliber iray lobir ed beklew da, tan linma rad kinen Acab tan kuanda, “Mikakasid sikayoy aripen yon Ben-hadad ya ag mo la komun papateyen.” Inmebat si Acab, “Mabilay ni? Maung! Singa agi so pasen tod siak!”

1 Saray Arari 20:4

“Ibaga yod kagalang kon Ari Ben-hadad ya onabuloy ak; alaen to ak tan amin a kayaryan ko,” ebat nen Acab.

2 Saray Arari 10:6

Sinulat to ra lamet nen Jehu: “No migampi kayod siak, tan sipaparaan kayon mangonur ed saray ganggan ko, iyakar yod siak diad Jezreel, diad onyan oras nabwas, iray olo na saray kabyangay boleg nen Ari Acab.” Aasikasoen tan papabalegen na saray manonan ombaley na Samaria ira may pitomplon kabyangay boleg nen Ari Acab.

2 Saray Arari 18:14

Angibakiy Ezekias na pigaran totoo ed kinen Senakerib a walad Lakis tan impaikuanto: “Nanggawa ak na makapoy; tondaan mo pa lay idodogpam, ta iter kod sikay anggan anton labay mo.” Imbaga nen impirador ya itdan nen Ezekias na samploran toniladan pilak tan sakey a toniladan balituk.

Jeremias 27:17

Ag yo ra dedengelen! Paoleyan kayod ari ed Babilonia, et mambilay kayo! Akin et magmaliw a bontun na deral-deral yan siudad?

Saray Bilang 11:12

Ag ko pinalsa odino inyanak ira! Akin et pagmaliwen mo ak a sakey ya umaasikasod sikara tan ampopoen ko rad taklay kon singa ra melag ya ogogaw ya anggad dalin ya insipan mon iter ed saray lalaki ra?

Juan 12:26

Siopamay manlingkur ed siak, nepeg to ak a tombuken, ta no iner so kawalaan ko diman met so kawalaan na aripen ko. Pagalangan na Amak so siopaman a manlingkur ed siak.”

Josue 9:11

Saray pangulo mi tan amin da ray totoon manaayam ed dalin mi et imbaga rad sikami a mangala kamiy abasto a para biahi tan onla kamin onabet ed sikayo. Imbilin dad sikami a manlingkur kamid sikayo tan kerewen mi a mipaknaan kayod sikami.

Josue 9:8

Inkuandad kinen Josue, “Sikami ray aripen yo.” Tinepet ed sikara nen Josue, “Siopa kayo? Nanlapwan yo?”