2 Saray Arari 10:11 - Maung A Balita Biblia

¹¹ Insan pinatey nen Jehu iray amin a manaayam ed Jezreel a kakanayon nen Acab tan saray amin ya opisyal to, saray malet a kakaaro to, tan saray papari to; anggapod sikaray atilak a mabilay.

Maung a Balita Biblia

¹¹ Insan pinatey nen Jehu iray amin a manaayam ed Jezreel a kakanayon nen Acab tan saray amin ya opisyal to, saray malet a kakaaro to, tan saray papari to; anggapod sikaray atilak a mabilay.

2 Saray Arari 10:11 Iomraidhean Croise

1 Saray Arari 14:10

Lapud saya deralen koy boleg mo tan pateyen kon amin iray lakin kabyangay boleg mo, malangwer may matakken. Paandipaten koy pamilyam; magmaliw iran singa dotak a pinoolan na sakey a too.

1 Saray Arari 15:29

Kayorung ton ari, ginapwan ton pinatey ya amin iray kabyangay pamilya nen Jeroboam. Onung na imbagay Katawan diad panamegley na aripen ton si Propita Ahias na Silo, apatey ya amin iray kabyangay pamilya nen Jeroboam; anggapoy anggan sakey ya atilak.

1 Saray Arari 16:11

Kagapoy impanari nen Zimri, pinatey ton amin iray kabyangay pamilya nen Baasa. Apatey ya amin iray lalakin kakanayon tan kakaaro to.

1 Saray Arari 18:19

Iganggan mon banaen ak na amin a totood Israel diad Palandey na Carmelo. Awit mo ray apat a lasus tan limamplon propita nen Baal tan saray apat a lasus a propita na diosan Asera a tataganoen ira nen Riyna Jezebel.”

1 Saray Arari 18:40

Ingganggan nen Elias, “Erel yo ray propita nen Baal; ag kayo mamapabatik na anggan sakey ed sikara!” Inerel da ra, insan inyakar nen Elias iran amin ed Kolus na Kison tan diman to ra pinapatey.

1 Saray Arari 21:22

Saray kabyangay pamilyam magmaliw iran singa saray kabyangay pamilya di Jeroboam a lakin anak nen Nebat tan Ari Baasa a lakin anak nen Ahias, lapud impanpasnuk mo ak diad impangilagyat mon mankasalanan iray taga Israel.’

1 Saray Arari 21:29

“Naimanom no panoy impamaabeba nen Acab ed sikaton dili diad arap ko? Lapud onyan ginawa to, ag ko iter ed sikato so dusa legan ton mambilay; legan na pambilay na anak ton laki, iter koy dusa ed saray kabyangay pamilya nen Acab.”

1 Saray Arari 22:6

Impantitipon sirin nen Acab iray propita a sakey ya apat a lasus ira tan tinepet tod sikara, “Laen kon dogpaan so Ramot-galaad odino andi?” “Dogpaan mo,” ebat da. “Panaloen ka na Katawan.”

2 Saray Arari 10:12

Tinaynan nen Jehu so Jezreel, ta onlad Samaria. Diad dalan, diad pasen a tatawagen na “Kampo da ray Pumapastol,”

2 Saray Arari 23:20

Pinatey ton amin iray paganon papari diad tapew na saray altar a nanlilingkuran da, tan pinoolan tod tapew na balang altar iray pokel na inaatey. Insan pinmawil ed Jerusalem.

2 Saray Arari 9:7

Nepeg mon pateyen so amom ya ari, say lakin anak nen Acab, pian nadusak si Jezebel lapud impanpapatey tod saray propitak tan saray arum ya aripen ko.

2 Saray Arari 9:9

Gawaen kod pamilya to so singa ginawak ed pamilya nen Ari Jeroboam na Israel tan say pamilya nen Ari Baasa na Israel.

2 Saray Awaran 22:7

Linawa na Dios a sayan imbisita tod kinen Joram et sikatoy makasengeg na inkaderal to. Legan a wadmay Ahazia, linma ran dua nen Joram a mangabet ed kinen Jehu a lakin anak nen Nimsi. Si Jehu so pinili na Katawan a mamasamput na panoley na saray kabyangay boleg nen Acab.

2 Saray Awaran 22:8

Legan a susumpalen nen Jehu so sintinsiay Dios ed saray kabyangay boleg nen Acab, nabet to ray pangulo na Juda tan saray kakaanakan nen Ahazia ya angolup ed imbisita to. Pinatey nen Jehu ran amin.

Say Libro nen Job 18:19

Anggapoy akeraan a kabyangay boleg to; inaatey la ran amin.

Saray Salmo 109:13

Ompatey komun ya amiy kabyangay boleg to, tan nalingwanan la komuy ngaran to diad ontombuk a kailalakan.

Saray Salmo 125:5

Balet dusam pa met iray mangoonur na maoges a kaliktan da, no dusaen mo ray manggagaway kaogsan. Manari komun ed Israel so kareenan!

Probirbio 13:20

Miolup kad saray makabat et magmaliw kan makabat. No mikaarod kad saray makulang-kulang naderal ka.

Oseas 1:4

say Katawan kuantod kinen Oseas, “Ingaran mo na ‘Jezreel,’ ta magano lay panusak ed Israel lapud saramay impamapatey nen laki ton Jehu diad siudad na Jezreel. Patondaen ko la so panooley nen Jehu tan saray kabyangay pamilya to.

Josue 10:30

Impanalo met na Katawan iray Israelita ed sayan siudad tan say ari to. Anggapoy inkera ra ya anggan sakey, no ag ta pinatey da ray amin a totood man. Ginawa rad ari na Libna so singa samay ginawa ra ed ari na Jerico.

Josue 11:8

Say Katawan impanalo to ray Israelita; dinogpaan da ray kalaban da tan inosilan da ra ya anggad Misrefotmaim tan Sidon diad baybay, tan anggad patar na Mizpa diad bokig. Tinmuloy so bakal ya anggad anggapoy nakdaan a mabilay ed saray kalaban.

Josue 15:56

Jezreel, Jocdeam, Zanoa,

Puyan 19:20

Narel imay ayep, pati samay tila-tilan propita a nanggagaway milagro ed arap to imay ayep. (Sarayan milagro so impamalikdo tod saray walay marka na ayep, tan saray angigagalang ed talintaoy ayep.) Samay ayep tan samay tila-tilan propita nibantak iran mabilay ed dayat a manliub ya asupri.

Puyan 20:10

Insan samay Diablo ya amalikdo ed sikara et nibantak ed dayat ya asupri tan apoy a nibantakan met lad samay ayep tan samay tila-tilan propita. Napairap irad man ed agew tan labi ya anggad angga.