2 Saray Arari 1:2 - Maung A Balita Biblia

² Aminsan ya agew si Ari Ahazias na Israel apattak a nanlapud balkon na toktok na palasio to ed Samaria tan mapalaloy inkasakitan to. Angibaki sirin na saray mangipanon ed Baalzebub a dios na siudad na Ekron ed Filistia, ta amtaen da no kasi onabig ni odino andi la.

Maung a Balita Biblia

² Aminsan ya agew si Ari Ahazias na Israel apattak a nanlapud balkon na toktok na palasio to ed Samaria tan mapalaloy inkasakitan to. Angibaki sirin na saray mangipanon ed Baalzebub a dios na siudad na Ekron ed Filistia, ta amtaen da no kasi onabig ni odino andi la.

2 Saray Arari 1:2 Iomraidhean Croise

1 Saray Arari 11:33

Gawaen ko ya, ta impolisay ak nen Solomon tan angigalang ed Astarte a diosa na Sidon, Cemos a dios na Moab, tan Milcom a dios na Ammon. Ag ak inonur nen Solomon; ag to inalig si ama ton David a nanggaway katonungan tan angonur ed saray ganggan tan saray bilin kod sikato.

1 Saray Arari 14:3

Iyawitan mo na samploran tinapay, pigaran kanen, tan sakey a garapon a dilo. Tepet mo no antoy nagawad ogaw, et ibaga tod sika.”

1 Saray Arari 22:34

Balet apalaranan ya apana na sakey a sondalon Siriano si Acab diad nanleetan na saray kawes ton para bakal. Ineyag tod kutsiroy karwahi to, “Asugatan ak! Poliktar ka, ta onarawi ta lad bakalan.”

1 Saray Arari 22:40

Kapatey nen Acab sinmalat ed sikaton nanari so lakin anak to a si Ahazias.

2 Saray Arari 1:16

Inkuantod ari, “Onya so ibabagay Katawan: ‘Lapud angibaki ka na saray mangipanon ed Baalzebub a dios na Ekron—a singa anggapo lay Dios na Israel a pangipanonan—ag ka la onabig; ompatey ka la!’”

2 Saray Arari 1:3

Balet ingganggan na sakey ya anghil na Katawan si Elias, say propitan taga Tisbe, ya onla ta abeten to ra may imbaki nen Ari Ahazias tan tepeten tod sikara, “Anggapo ta lay Dios na Israel, et onla kayon mangipanon ed Baalzebub a dios na Ekron?

2 Saray Arari 1:6

Inmebat ira, “Inabet kami na sakey a laki tan imbaga ton ompawil kamid sika, ta ibaga mid sika so ibabagay Katawan, ‘Anggapo ta lay Dios na Israel, kanyan mangibabaki kay mangipanon ed Baalzebub a dios na Ekron? Ag ka la onabig ed inkasakitan mo; ompatey ka la!’”

2 Saray Arari 17:16

Ag da inonur ya amin iray ganggan na Katawan a Dios da tan nanggawa ray galangen da a duaran mital a bakan kalakyan; nanggawa ra met na sakey a talintao nen diosan Asera, inggalang da ray bitewen, tan nanlingkur irad dios a Baal.

Say Libro nen Job 31:3

Ipapadalan toy deral tan kairapan ed saray managgaway kaogsan.

Kanta nen Solomon 2:9

Singa sakey a korso so inarok, singa sakey a kalakyan a kilaw na ulsa. Wadman lan manaalagey ed abay na padir. Ontatakiling ed bintana, onnenengneng ed leet da ray barandilyas.

Isaias 19:3

Pagmaliwen kon andi-kakanaan iray plano na Egipsio tan deralen koy kalakal da. Kerewen dan tulongan ira na saray talintaoy diriyos da tan mangipanon irad saray midyum tan mikerew irad saray inaatey na simbawa.

Isaias 2:6

O Dios, inkaindan mo ray totoom, saray kabyangay boleg nen Jacob! Ginawam so onya lapud say bansa et napno na saray managaniton salamangkiro a taga ra Bokig tan taga ra Filistia. Aaligen na saray totoo so ogali da ray taga arum a bansa.

Isaias 37:12

Dinederal na saray lalakik iray siudad na Gozan, Haran, Rezef, tan pinapatey da ray totoon taga Eden a manaayam ed Talassar, et anggapod saray diriyos da so akapangyagel ed sikara.

Isaias 37:19

tan pinopoolan da ray diriyos da—ta aliwa ran tuan diriyos; talintaon kiew odino bato ra labat a ginagawa na limay too.

Mateo 10:25

Kanyan masarag lan magmaliw so babangatan a singa say bumabangat to, tan say aripen a singa say amo to. No Beelzebul so ipangaran dad panguloy pamilya; nagkalalon aliwliway ipangaran dad saray kabyangan na pamilya to!”

Marcos 3:22

Wala ray iskriban nanlapud Jerusalem a nankuan, “Inaponan nen Beelzebul a prinsipi da ray dimonyo. Sikatoy mangiiter ed sayan too na pakayarin mamaekal ed saray dimonyo.”

Lucas 11:15

balet inkuanda ray arum, “Si Beelzebul a prinsipi da ray dimonyo so mangiiter na pakayarid sikato a mamaekal ed sikara.”

Saray Gawgawa 20:9

Walay sakey a tobun-balon manngaray Eutico, a manyodyorung ed bintana. Lapud abayag lan mansasalitay Pablo, asabiay pakakaogip si Eutico tan akaogip na malmalet. Apaktak ed dalin manlapud kumatlon grado. Nen alaen da, inatey la.

Josue 15:11

Ontuloy so ketegan ed pokdul a nibaybay na Ecron, onlikon mamaarap ed Sikeron, insan ondalan ed Palandey na Baala, tan ontuloy ed Jamnia. Say ketegan mansamput ed Dayat na Mediteraneo,

Saray Huis 11:24

Kayaryan mo labat so antokaman ya inter ed sika na dios mon Cemos. Balet kayaryanen mi met so antokaman ya inter ed sikami na Katawan min Dios.

Saray Huis 5:28

Tinmandag ed bintana si ina nen Sisara; tinmakiling ed saray barandilyas na bintana. Tinepet to, “Akin et abayag lan ag ni sinmabi so karwahi to? Akin et agaylay tantan na isabi na saray kabayo to?”

1 Samuel 5:10

Kanyan impaiyakar day Kaban na Sipanan ed siudad na Ecron. Kasabi tod man, ineyag na saray totoo, “Inyakar da diay Kaban na Sipanan na Dios na Israel a mamatey ed sikatayon amin!”