2 Saray Arari 1:11 - Maung A Balita Biblia

¹¹ Angibaki lamet so ari na sananey ya opisyal tan limamplon totoo. Linma ra tan kuandad kinen Elias, “Too na Dios, ingganggan na ari ya onakseb kan tampol!”

Maung a Balita Biblia

¹¹ Angibaki lamet so ari na sananey ya opisyal tan limamplon totoo. Linma ra tan kuandad kinen Elias, Too na Dios, ingganggan na ari ya onakseb kan tampol!

2 Saray Arari 1:11 Iomraidhean Croise

2 Saray Arari 1:10

“No sakey ak a too na Dios,” ebat nen Elias, “ompelag komun a manlapud tawen so apoy a mamatey ed sika tan saray totoom!” Pinmelag a tampol a nanlapud tawen so apoy ya amatey ed samay opisyal tan saray totoo to.

2 Saray Arari 1:12

“No sakey ak a too na Dios,” ebat nen Elias, “ompelag komun a manlapud tawen so apoy a mamatey ed sika tan saray totoom!” Pinmelag a tampol a nanlapud tawen so apoy ya amatey ed samay opisyal tan saray totoo to.

Probirbio 29:12

No dengelen na manoley so tilan balita, magmaliw a matila ya amin iray opisyal to.

Isaias 26:11

Ag amta na saray kalaban mo a dusaen mo ra. Katawan, ipelag mo pa rad kababaingan tan panliknam pa ray kairapan; ipaliknam ed sikaray dusan imparaan mo. Ipanengneng mo pad sikara so ontan lan panangarom ed saray totoom.

Isaias 32:7

Maoges so toon makulang-kulang tan kaogsan iray gagawaen to; nununoten toy paneral tod saray mairap-bilay diad panamegley na saray tila tan diad panebel tod sikaran makagamur na katonungan da.

Jeremias 5:3

Andi-duaruwan aanapen na Katawan so katooran. Binakbak to kayo, balet ag yo inkabilangan; kinabil to kayo, balet ag kayo nampasimbalo. Anawet so puso yo tan ag yo ikaindan iray kasalanan yo.

Saray Bilang 16:41

Diad ontombuk ya agew amin ya Israelita nanriklamo ra sumpad kindi Moises tan Aaron tan kuanda, “Pinatey yo ray arum a totoo na Katawan.”

Mateo 2:16

Nen akabatan nen Herodes a niluko na saramay makakabat a totoo, agaylay pasnuk to. Lapud petang na olo to, ingganggan to a pateyen iray ogogaw a lalaki ed Betlehem tan diad saray kaliber-liber a pasen. Impapatey to ray amin ya ogogaw a lalaki, manlapud duay taon a mampaleksab, onung ed panaon na inletaw na bitewen a naamtaan tod saramay makakabat a totoo.

1 Samuel 6:9

insan yo ra bantayan; no mamaarap irad baley na Bet-semes, say dilin pasen na Kaban na Sipanan, labay ton ibaga a say dios na saray Israelita so amairap a maung ed sikatayo. No ag ira mamaarap ed Bet-semes, naamtaan tayod satan ya aliwan sikatoy amairap; nibambana labat.”