2 Samuel 8:6 - Maung A Balita Biblia

⁶ Insan nankampod Damasco iray sondalo to; saray tagad man nagmaliw iran walad silong na pakaoley to, kanyan nambabayar iray buis ed sikato. Impanalo na Dios si David ed anggan iner a pasen.

Maung a Balita Biblia

⁶ Insan nankampod Damasco iray sondalo to; saray tagad man nagmaliw iran walad silong na pakaoley to, kanyan nambabayar iray buis ed sikato. Impanalo na Dios si David ed anggan iner a pasen.

2 Samuel 8:6 Iomraidhean Croise

2 Samuel 10:19

Nen naamtaan na saray ararin walad pakaoley nen Hadadezer a tinalo ra na saray Israelita, akikaaro rad saray Israelita tan nagmaliw iran walad silong na pakaoley da. Saray taga Siria antakot la ran ontulong ed saray Ammonita.

2 Samuel 23:14

Diad saman a panaon walad pokdul a tirinsira si David, tan sakey ya olup na saray Filisteo so linmoob ya anakup ed Betlehem.

2 Samuel 3:18

Niay pankanawnawa yo natan. Nanunotan yo angangko ya inkuay Katawan, ‘Ikanak so aripen kon David a mangyagel ed saray totook ya Israelita ed saray Filisteo tan saray arum a kalaban da!’”

2 Samuel 5:10

Pinmalalo lan pinmalalo so inkatalonggaring nen David, ta walad sikatoy Katawan a Dios a Makapanyarin-amin.

2 Samuel 7:9

Kaiba ta ka ed anggan iner a nilam, tan tinalok iray kalaban mo diad indogpam. Gawaen ta kan matalonggaring a singa saray sankatalonggaringan a pangulod intiron mundo.

2 Samuel 8:14

Nankampod nandoroman lugar na Edom iray sondalo to, kanyan nagmaliw a walad silong na pakaoley to ray tagad man. Impanatalo na Katawan si David ed anggan iner a pasen.

2 Samuel 8:2

Insan to tinalo ray Moabita; pinarokul tod dalin iray priso, sinukat to ra na lobir, insan to pinatey ed sikara so duara ed kapag talora. Kanyan saray Moabita nagmaliw iran walad silong na pakaoley to, tan nambabayar iray buis ed sikato.

2 Samuel 8:7

Asamsam nen David iray balituk a samper a sankaawit na saray opisyal nen Hadadezer, tan inawit to ra ed Jerusalem.

1 Saray Arari 4:21

Sakop na nanarian nen Solomon iray amin a bansa a manlapud bokig na Ilog na Eufrates ya anggad sagur na Filistia, tan anggad ketegay Egipto. Nambabayar iray buis ed sikato tan wala rad silong na pakaoley to legan ton nambilay.

2 Saray Arari 1:1

Kayariy impatey nen Ari Acab na Israel, linmaban ed Israel so bansa na Moab.

2 Saray Arari 14:28

Nisulat ed libron Say Awaran da ray Ararid Israel iray arum nin ginagawa nen Jeroboam, say inkasebeg tod saray bakal, tan no panon ton apapawil ed Israel iray baley na Damasco tan Hamat.

2 Saray Arari 18:7

Kanyan walad sikatoy Katawan, tan inmaligwas ed antokaman a ginawa to. Nilabanan toy impirador na Asiria tan ag sinmuko ed sikato.

2 Saray Arari 3:4

Amayamay so karniro nen Ari Mesa na Moab, tan tinaon a mangiiter ed ari na Israel na buis ton sanlasus libon kordiro, tan say bago na sanlasus libon karniro.

1 Saray Awaran 18:13

Nankampod nandoroman lugar na Edom iray sondalo to, kanyan nagmaliw a walad silong na pakaoley nen David iray tagad man. Impanatalo na Katawan si David ed anggan iner a pasen.

2 Saray Awaran 17:2

Angipasen na saray sondalo ed saray aliber na padir a siudad na Juda, diad saray bario na Juda, tan diad saray siudad ya adakep nen Asa ed dalin na Efraim.

Saray Salmo 140:7

Katawan a Dios ko, say mabiskeg a manangyagel ko, inyagel mo ak legay bakal.

Saray Salmo 60:10

Peteg ya impolisay mo kami la? Ag ka la miolup ed saray sondalo mi?

Probirbio 21:31

Nayarian mon iparaan ed bakal iray kabayo, balet say Katawan so mangiiter na pananalo.

1 Samuel 13:3

Pinatey nen Jonatan so pangulo na saray sondalo na Filistia a walad Geba, tan amin da ray Filisteo et nadngelan da yan agawa. Insan angibakiy Saul na saray managtrumpita tan linma ran nampapaknul na trumpita diad intiron bansa. Say kabaliksan to ya say panawag tod saray Hebreo a mibakal.

1 Samuel 14:1

Aminsan ya agew inkuanen Jonatan ed balolakin umaawit na armas to, “Talad kampo da ray Filisteo.” Balet ag ya imbaga nen Jonatan ed kinen ama ton Saul,

1 Samuel 14:15

Manggiwgiw ed takot iray amin a Filisteon walad samay pasen; saray sondalon walad kampo tan saray walad lawak na bakalan et manggiwgiw irad takot; yenmegyeg, tan walay baleg ya aligewgewan.

1 Samuel 14:6

Inkuanen Jonatan ed samay balolaki, “Onla tad kampo da ray paganon Filisteo. Tulongan ita angangko na Katawan; no tulongan to ta, anggapoy antokaman a makasbel ed sikato diad pangiter tod sikatay pananalo, anggaman a dagdaiset ita.”