2 Samuel 8:3 - Maung A Balita Biblia

³ Insan to tinaloy ari na Zoba a si Hadadezer a lakin anak nen Rehob, legan ya oonlay Hadadezer a mamapawil na pakaoley tod dalin a kaabay na Ilog na Eufrates.

Maung a Balita Biblia

³ Insan to tinaloy ari na Zoba a si Hadadezer a lakin anak nen Rehob, legan ya oonlay Hadadezer a mamapawil na pakaoley tod dalin a kaabay na Ilog na Eufrates.

2 Samuel 8:3 Iomraidhean Croise

Genesis 15:18

Diad saman ya agew, akisipanan so Dios ed kinen Abram. Inkuanto, “Isipan kon iter ed saray kabyangay boleg mo yan dalin, manlapud ketegan na Egipto ya anggad Ilog na Eufrates,

2 Samuel 10:15

Abirbir na saray taga Siria a tinalo ra na saray Israelita, kanyan impantitipon da ray amin a sondalo ra.

2 Samuel 10:16

Impatawag nen Ari Hadadezer iray taga Siria a walad bokig na Ilog na Eufrates, kanyan linma rad Helam. Inwanwan ira nen Sobac a pangulo na saray sondalo nen Hadadezer na Soba.

2 Samuel 10:19

Nen naamtaan na saray ararin walad pakaoley nen Hadadezer a tinalo ra na saray Israelita, akikaaro rad saray Israelita tan nagmaliw iran walad silong na pakaoley da. Saray taga Siria antakot la ran ontulong ed saray Ammonita.

2 Samuel 10:6

Abirbir na saray Ammonita ya agawa ran kalaban si David, kanyan angupa ray duamplon libon Sirianon sondalo a taga Bet-rehob tan Soba, labinduan libon lalaki a taga Tob, tan say ari ed Maaca a kaiba to ray sanlibon totoo to.

1 Saray Arari 4:21

Sakop na nanarian nen Solomon iray amin a bansa a manlapud bokig na Ilog na Eufrates ya anggad sagur na Filistia, tan anggad ketegay Egipto. Nambabayar iray buis ed sikato tan wala rad silong na pakaoley to legan ton nambilay.

1 Saray Awaran 18:3

Insoblay nen David a dinogpaan si Ari Hadadezer na Seba, diad asingger ed lugar na Hamat, nen si Hadadezer et labay ton iletneg so pakaoley tod dalin a kaabay na Ilog na Eufrates.

2 Saray Awaran 8:3

Adakep toy dalin na Hamatsoba,

Saray Salmo 60:1

Inkaindan mo kami, O Dios, tan tinalo mo kami; nampasnukan mo kami—balet natan, pawil ka pa lad sikami!

Saray Salmo 72:8

Manlapud dayat ya anggad dayat so sakop na nanarian to, manlapud Ilog na Eufrates ya anggad saray samput na dalin.

Exodo 23:31

Ipasabik iray ketegan na dalin yo manlapud Dayat ya Akaba ya anggad Ilog na Eufrates, tan manlapud Dayat na Mediteraneo ya anggad kalawakan. Paoleyan kod sikayo ray amin a totoon manaayam ed dalin na Canaan tan pagiten yo ra legan na pankukurang yo.

Deuteronomio 11:24

Amin a dalin a nabatak yo et kayaryan yo. Say dalin yo et sakopen to so manlapud kalawakan diad abalaten ya anggad Kapalandeyan na Libano diad baybay, tan manlapud Ilog na Eufrates diad bokig ya anggad Dayat na Mediteraneo diad sagur.

1 Samuel 14:47

Nen ari lad Israel si Saul, nilabanan to ray kalaban tod inerman a pasen: saray totood Moab, Ammon, tan Edom, saray ararid Zoba, tan saray Filisteo. Analo ed inerman ya akibakalan to.