2 Samuel 8:2 - Maung A Balita Biblia

² Insan to tinalo ray Moabita; pinarokul tod dalin iray priso, sinukat to ra na lobir, insan to pinatey ed sikara so duara ed kapag talora. Kanyan saray Moabita nagmaliw iran walad silong na pakaoley to, tan nambabayar iray buis ed sikato.

Maung a Balita Biblia

² Insan to tinalo ray Moabita; pinarokul tod dalin iray priso, sinukat to ra na lobir, insan to pinatey ed sikara so duara ed kapag talora. Kanyan saray Moabita nagmaliw iran walad silong na pakaoley to, tan nambabayar iray buis ed sikato.

2 Samuel 8:2 Iomraidhean Croise

2 Samuel 12:31

tan impankikimey to ray totood man diad panamegley na saray ligari, buka, balatyang, tan wasay a balatyang. Pinapasoot to ran impanggagaway ankakabaleg a laryo. Onya met so ginagawa tod saray totood arum a baley na Ammon. Insan pinmawil ed Jerusalem a kaiba to ray totoo to.

2 Samuel 8:6

Insan nankampod Damasco iray sondalo to; saray tagad man nagmaliw iran walad silong na pakaoley to, kanyan nambabayar iray buis ed sikato. Impanalo na Dios si David ed anggan iner a pasen.

1 Saray Arari 4:21

Sakop na nanarian nen Solomon iray amin a bansa a manlapud bokig na Ilog na Eufrates ya anggad sagur na Filistia, tan anggad ketegay Egipto. Nambabayar iray buis ed sikato tan wala rad silong na pakaoley to legan ton nambilay.

2 Saray Arari 1:1

Kayariy impatey nen Ari Acab na Israel, linmaban ed Israel so bansa na Moab.

2 Saray Arari 17:3

Akibakal ed sikatoy Impirador Salmaneser na Asiria; sinmukoy Oseas ed kinen Salmaneser, kanyan tinaon a nambabayar na buis ed sikato.

1 Saray Awaran 18:2

Tinalo to met iray Moabita, kanyan nagmaliw iran walad silong na pakaoley to tan nambabayar iray buis ed sikato.

2 Saray Awaran 26:8

Angiter na saray rigalo iray Ammonita ed kinen Uzias. Nagmaliw a mapalaloy pakayari to kanyan kinmayat ya anggan diad Egipto so inkabantug to.

Saray Salmo 108:9

Say Moab so panorasan kon palanggana, tan say Edom so pangibantakan koy sandalyak. Oneyag ak lapud impanalok ed saray Filisteo.”

Saray Salmo 18:45

Onkakapoy so linawa ra tan manggiwgiw iran onsisingger a manlapud saray tirinsira ra.

Saray Salmo 60:10

Peteg ya impolisay mo kami la? Ag ka la miolup ed saray sondalo mi?

Saray Salmo 60:8

Balet say Moab so panorasan kon palanggana, tan say Edom so pangibantakan koy sandalyak, a sakey a tanda a kayaryan ko. Abaloan na saray Filisteo ya oneyag ira lapud panalo rad siak?”

Saray Salmo 83:6

saray totood Edom tan saray Ismaelita; saray taga Moab tan saray Agareno;

Isaias 36:16

Ag yo dedengeley Ezekias. Igaganggan na impirador na Asiria a paway kayod siudad tan suko ki la. Naabuloyan kayon mangan na ubas ed dilin kaubasan yo, mangan na igos ed dilin kaigosan yo, tan oninom na danum ed dilin bobun yo—

Saray Bilang 24:17

Sankanengneng ko so arapen a panaon, Et na nengneng ko so bansa na Israel. Walay sakey ya arin singa maliwawan bitewen ya onletaw ed sayan bansa. Singa sakey a komita a manlapud Israel. Kabilen to ray pangulo na Moab Tan tumbaen to ray amin a totoo na Set.

1 Samuel 10:27

Balet wala ray pigaran andi-kakanaan a totoo ya inkuanda, “Panon to itayon niyagel yan too?” Binalaw day Saul tan ag da initdan na antokaman.

1 Samuel 14:47

Nen ari lad Israel si Saul, nilabanan to ray kalaban tod inerman a pasen: saray totood Moab, Ammon, tan Edom, saray ararid Zoba, tan saray Filisteo. Analo ed inerman ya akibakalan to.

1 Samuel 22:3

Linmay David ed Mizpa, tan kuantod ari na Moab, “Ipangasim a manayam ni ra dia di amak tan inak anggad naamtaan ko no antoy gawaen na Dios para siak.”

1 Samuel 22:4

Kanyan intilak nen David iray atateng to ed ari na Moab, tan nanayam irad man legan a nanamut si David ed dalem na ongib.