2 Samuel 7:7 - Maung A Balita Biblia

⁷ Diad impipilak ed saray totood Israel ag kon balut tinepet ed siopaman a pinilik a panguloy Israel no akin et ag to ak impaalageyan na timplo a sidro.’

Maung a Balita Biblia

⁷ Diad impipilak ed saray totood Israel ag kon balut tinepet ed siopaman a pinilik a panguloy Israel no akin et ag to ak impaalageyan na timplo a sidro.

2 Samuel 7:7 Iomraidhean Croise

2 Samuel 5:2

Nen saman, anggan nen ari mi ni si Saul, impangulom ed bakal iray totood Israel, tan insipan ed sika na Katawan ya iwanwan mo ray totoo to tan oleyan mo ra.”

1 Saray Awaran 11:2

Nen saman, anggan nen ari mi ni si Saul, impangulom ed bakal iray totood Israel, tan insipan ed sikayo na Katawan a Dios mo ya iwanwan mo ray totoo to tan oleyan mo ra.”

1 Saray Awaran 17:6

Diad impipilak ed saray totood Israel ag kon balut tinepet ed siopaman a pinilik a panguloy Israel no akin et ag to ak impaalageyan na timplo a sidro.’

Isaias 40:11

Asikasoen to ray karniro to a singa panagkomponi na pumapastol; tiponen to ray kordiro tan ampopoen to rad taklay to; anosan ton iwanwan iray kainaan da.

Isaias 66:1

Say Katawan kuanto, “Say tawen so tronok tan say dalin so toonan na salik. Anton klasiy abung sirin so ipaalagey yon para siak, anton klasiy pasen so panayaman ko?

Jeremias 23:4

Manoro ak na saray manoley a manasikasod sikara. Ag la rad satan ontakot odino nataktakot, tan anggapod sikaray nabalang. Siak, say Katawan, so nansalita.”

Jeremias 3:15

Itdan ta kayo na saray manoley ya ontombuk ed siak. Tekep na kakabatan tan pakatalus so panoley dad sikayo.

Ezekiel 34:15

Siak a dili so mampastol ed saray karnirok, tan iyanapan ko ray pasen a pampainawaan da. Siak a Katawan a Dios so nansalita.

Ezekiel 34:2

Inkuanto, “Sika a toon ompatey, mansalita ka na sumpa ed saray manoley ed Israel. Mampropisiya kad sikara tan ibagam ed sikara so ibabagak, siak a Katawan a Dios: Asintinsiaan kayo lan nadusa, sikayon pumapastol ed Israel! Aasikasoen yoy sikayon dili, balet ag yon balut ipapastol iray karniro.

Ezekiel 34:23

Itdan ko ray sakey ya arin singa si aripen kon David tan sikatoy saksakey a mampastol ed sikara, tan asikasoen to ra.

Mikias 5:4

No sikatoy onsabi, oleyan to ray totoo to diad panamegley na biskeg a manlalapud Katawan; walad sikato so dilin pakapanyari na Katawan a Dios. Mambilay ya arawid kaatapan iray totoo to, lapud birbiren na saray katoowan ed intiron mundo so inkatalonggaring to,

Mateo 2:6

‘Sika, O Betlehem, diad dalin na Juda, aliwan sikay sankaabebaan ed saray manonan baley na Juda; ta panlapwan kay sakey a pangulo a mangiwanwan ed saray totook ya Israel.’”

Saray Gawgawa 20:28

Asikaso yoy sikayon dili tan amin a karniro, salanti saray kabyangay iglisia a sikaray impia ed sikayo na Ispiritu Santo. Asikaso yoy iglisia na Dios a dinondon to diad panamegley na dala ton dili.

Saray Gawgawa 21:28

“Kabaleyan,” ineyag da, “tulongan yo kami! Sikato ya may toon nambabangat ed inerman a laen to na sumpad bansay Israel, sumpad Ganggan nen Moises tan sayan Timplo. Angitagar ni na saray Grigo diad dalem na Timplo, kanyan minurmura to yan masanton pasen!”

Deuteronomio 23:14

Pansiansia yon malinis onung ed ganggan so kampo yo, ta manaayam ed kampo yo so Katawan a Dios yo a mangyagel ed sikayo tan mangiter ed sikayo na pananalo ed saray kalaban yo. Ag kayo manggagawa na antokaman a mabanday a pangibenegan na Katawan ed sikayo.

1 Pedro 5:1

Siak, a sakey a matakken na iglisia, tatawagen koy imano yo, sikayon mamatakken na iglisia. Naimatunan koy impanirap nen Cristo tan minabang ak ed kagalangan a nipaamta. Pikakasik ed sikayo: