2 Samuel 7:18 - Maung A Balita Biblia

¹⁸ Si Ari David linmoob ed Tuldan Ayamay Katawan, inmirung tan nampikasi, “Aliwak a manepeg, anggan say pamilyak, et antokaman a ginagawam lad siak, Katawan a Dios.

Maung a Balita Biblia

¹⁸ Si Ari David linmoob ed Tuldan Ayamay Katawan, inmirung tan nampikasi, Aliwak a manepeg, anggan say pamilyak, et antokaman a ginagawam lad siak, Katawan a Dios.

2 Samuel 7:18 Iomraidhean Croise

Genesis 32:10

O matoor a Katawan, ag ak manepeg a mangawat na panangarom tan panangasim ya impatnag mod siak a mapaabeban aripen mo. Binaliw koy Jordan ya anggapoy awit ko no ag say baston labat, balet natan pinmawil ak a kaibak ira yan duaran olup.

Genesis 32:11

Kerewen kod sika ya iyagel mo ak ed kinen Esau. Antakot ak ta ompan onla dian ondogpad sikami et pateyen to kamin amin, pati saray bibii tan saray ogogaw.

2 Samuel 23:5

Onyay pamindision na Dios ed saray kabyangay boleg ko, ta andi-angga so impisipanan tod siak, sakey a paknaan ya ag naderal, sakey a sipan ya ag naoman. Sikato ya labat so labay kon nagawa; sikato yay panananalok, et andi-duaruwan ipagamur ed siak na Dios.

2 Samuel 7:17

Imbaga nen Natan ed kinen David iray amin ya impaamtay Dios ed sikato.

1 Saray Awaran 17:16

Si Ari David linmoob ed Tuldan Ayamay Katawan, inmirung tan nampikasi, “Aliwa ak a manepeg, anggan say pamilyak, ed antokaman a ginagawam lad siak, Katawan a Dios.

1 Saray Awaran 29:14

“Diad tuay tua balet, saray totook tan siak et ag kami makapangiter ed sika na antokaman, lapud manlalapud sika iray amin a bengatla. Impawil mid sika labat iray bengatlan kayaryan mo.

Saray Salmo 8:4

siopa so too, et nununoten mo; say mogmon too, et aasikasoen mo?

Exodo 3:11

Balet si Moises inkuantod Dios, “Siopa ak ya onarap ed ari tan mangipaway ed Egipto na saray Israelita?”

Isaias 37:14

Inawat nen Ari Ezekias so sulat ed lima na saramay imbaki na impirador tan binasa to. Insan linmad Timplo, inyan tod man imay sulat diad arap na Katawan,

TAGA-EFESO 3:8

Sankaabebaan so kipapasen ko ed amin da ray totooy Dios; anggaman ontan, inter na Dios ed siak yan kimey a mangipulong ed saray Hintil na Maung a Balitan nipaakar ed ag nabilang a kayamanan nen Cristo,

Saray Huis 6:15

Inmebat si Gedeon, “Balet, Katawan, panoy pakapangiliktar kod Israel? Sankaleteyan so boleg ko ed saray boleg na tribu nen Manases, tan siak so saginonur ed amin da ray kabyangay kawalaan kon pamilya.”

Ruth 2:10

Dinmakmomon anggad dalin si Ruth. Insan tinepet to, “Akin et ontan lay panangasi tan panangimanom ed siak, anta aliwa ak a taga dia?”

1 Samuel 15:17

Inmebat si Samuel, “Anggaman ya ipapasen moy sikan dili ya abeba, sikay pangulo da ray tribu ed Israel. Say Katawan nilanaan to kan manari ed Israel,

1 Samuel 18:18

Inmebat si David, “Siopa ak, tan siopa ray pamilyak, et magmaliw ak a manugang na ari?”

1 Samuel 9:21

Inmebat si Saul, “Kabyangan ak na tribu nen Benjamin, say sankamelagan a tribu ed Israel, tan say pamilyak et sankamugmoan ed tribu. Akin, sirin, et onyay ibabagam ed siak?”