2 Samuel 7:15 - Maung A Balita Biblia

¹⁵ Balet ag ko ekalen so ag mangoman a panangarok ed sikato, aliwan singa ginawak ed kinen Saul.

Maung a Balita Biblia

¹⁵ Balet ag ko ekalen so ag mangoman a panangarok ed sikato, aliwan singa ginawak ed kinen Saul.

2 Samuel 7:15 Iomraidhean Croise

2 Samuel 7:14

Siak so ama to tan sikatoy magmaliw ya anak ko. No manggaway maoges, dusaen kon singa panusay ama ed anak to.

2 Samuel 7:16

Nawalaan ka lawas na saray kabyangay boleg mo, tan pansiansiaen ko ya anggad angga so nanarian mo.’”

1 Saray Arari 11:13

Ag ko ekalen ed sikatoy intiron nanarian; ingen mangikera ak na sakey a tribu, lapud kinen aripen kon David tan lapud Jerusalem a pinilik a siudad ko.”

Saray Salmo 89:28

Sumpalen ko lawas so sipan kod sikato, tan mansiansiad anggad angga so impisipanan kod sikato.

Saray Salmo 89:31

no ag da italtalek iray bilin ko tan ag da sumpalen iray ganggan ko,

Saray Salmo 89:33

Balet ag ak ontondan mangarod kinen David, tan ag ko lingwanan a toorey sipan kod sikato.

Saray Salmo 89:34

Ag ko deraley impisipanan kod sikato, tan ag ko bawien so anggan sakey ya insipan kod sikato.

Saray Salmo 89:49

Katawan, kawalaan da ray pakapatnagay panangarom nen saman? Kawalaan da la ra may insipan mod kinen David, lapud inkatoor mo?

Isaias 37:35

Iyagel ko yan siudad lapud sikatoy pakagalangan ko tan lapud samay sipan kod kinen David ya aripen ko.’”

Isaias 55:3

“Dengel kayo natan, sikayon totook, tan dago kayod siak; dago kayod siak et nawalaan kayoy bilay! Ando lan andoy pisipanan kod sikayo tan iter kod sikayoy bindision ya insipan kod kinen David.

Isaias 9:7

Onlaknab lan onlaknab so pakaoley ton ari, mansiansian mareen so panarian to, Manoley a kasalat nen Ari David, tan iletneg tod kaptekan tan katonungan so pakayari to, manlapud natan ya anggad angga. Andi-saew a sumpalen ya amin na Makapanyarin-amin a Katawan.

1 Samuel 15:23

Say isumpa ed sikato et singa kinaoges na panangipanon ed saray maoges ya ispiritu tan say panagpaatagey et singa kinaoges na panangigalang ed saray diriyos. Lapud impolisay moy ganggan na Katawan, impolisay to ka met ya ari.”

1 Samuel 15:26

“Ag ak milad sika,” ebat nen Samuel. “Impolisay moy ganggan na Katawan, kanyan impolisay to ka ya ari na Israel.”

1 Samuel 15:28

Inkuanen Samuel ed sikato, “Say Katawan inekal to natan ed sika so nanarian na Israel tan inter tod sakey a toon maung nen say sika.

1 Samuel 16:14

Tinaynan na ispiritu na Katawan si Saul, tan pinairap na sakey a ispiritun maoges ya imbakiy Katawan.

1 Samuel 19:24

Inekal toy kawes to tan nansasayaw-sayaw tan naneeyag-eyag ed arap nen Samuel, tan labus-lakseb a nandokul a sanagew tan sanlabi. (Sikato yay inggapo na balikas, “Nagmaliw ta met lan sakey a propita si Saul?”)