2 Samuel 7:13 - Maung A Balita Biblia

¹³ Sikatoy mamaalagey na sakey a timplon para siak, tan pansiansiaen ko ya anggad angga so nanarian to.

Maung a Balita Biblia

¹³ Sikatoy mamaalagey na sakey a timplon para siak, tan pansiansiaen ko ya anggad angga so nanarian to.

2 Samuel 7:13 Iomraidhean Croise

Genesis 49:10

Bembenan toy baston na ari. Manoley lawas iray kabyangay boleg to. Maniter ed sikato iray bansa na buis da Tan ondakmomo ran ontoluk ed sikato.

2 Samuel 22:51

Say Dios mangiiter na pananalo ed arin impasen to; ag mangoomay panangaro tod toon pinili to, diad kinen David tan saray kabyangay boleg to, diad ando lan ando.

2 Samuel 7:16

Nawalaan ka lawas na saray kabyangay boleg mo, tan pansiansiaen ko ya anggad angga so nanarian mo.’”

2 Samuel 7:27

O Katawan a Makapanyarin-amin a Dios na Israel! Matalek kon ipikasi yad sika, ta impuyan mo yan amin ed siak ya aripen mo, tan imbagam ed siak a gawaen mon arari iray kabyangay boleg ko.

1 Saray Arari 2:24

Pinaletan na Katawan a pairungen ak ed trono nen amak a David; tinoor toy sipan to tan inter toy nanarian ed siak tan saray kabyangay pamilyak. Isambak ed ngaran na mabilay a Katawan ya ompatey si Adonias natad sayan agew!”

1 Saray Arari 2:4

No onuren mo ray ganggan to, sumpalen met na Katawan so sipan tod siak a manoley ed Israel iray kabyangay boleg ko, legan a mabolbolus tan matoor iran mangonur ed saray ganggan to.

1 Saray Arari 2:45

Balet bindisionan to ak tan paletan toy inkiletneg na nanarian nen David ed ando lan ando.”

1 Saray Arari 5:5

Insipan na Katawan ed kinen amak a David, ‘Say anak mon laki ya isalat kod sikan manari so mangipaalagey na timplo a para siak.’ Peteg a ginetmak la natan sirin so mangipaalagey na Timplon pangigalangan ed Katawan a Dios ko.

1 Saray Arari 6:12

“No onuren mo ray ganggan tan saray bilin ko, sumpalen kod sikay insipan kod kinen amam a David.

1 Saray Arari 8:13

Amaalagey ak na marakerakep a Timplon para sika, sakey a pasen a panayaman mo diad ando lan ando.”

1 Saray Arari 8:15

Inkuanto, “Nagalang komun so Katawan a Dios na Israel! Sinumpal toy sipan tod amak a David, nen inkuantod sikato,

1 Saray Arari 8:19

balet aliwan sikay mangipaalagey. Say dilin lakin anak mo so mangipaalagey na timplok.’

2 Saray Arari 21:4

Nanggawad dalem na Timplo na saray altar a panangigalangan na saray pagano, anta say Timplo so pasen ya imbaga na Katawan a pangigalangan ed sikato.

2 Saray Arari 21:7

Inyan tod dalem na Timplo so talintao nen diosan Asera. Onya so inkuan na Katawan ed kinen David tan si Solomon a lakin anak to nipaakar ed sayan Timplo: “Diad Jerusalem ed sayan Timplo so pasen a pinilik ed amin da ray lugar na labinduan tribu na Israel a pangigalangan ed siak.

2 Saray Arari 8:19

balet ag labay na Katawan a deralen so Juda, tan insipan tod aripen ton David a saray kabyangay boleg nen David so manoley ya anggad angga.

1 Saray Awaran 28:10

Nepeg mon nunoten a say Katawan pinili to kan mangipaalagey na masanton Timplo to. Pabiskeg moy linawam—ipaalagey mo.”

2 Saray Awaran 33:4

Nanggawad Timplo na saray altar a panangigalang na saray pagano, anta say Timplo so pasen ya imbaga na Katawan a pangigalangan ed sikato.

2 Saray Awaran 6:16

Et natan, Katawan a Dios na Israel, pikasik ed sika a sumpal mo pa ni may sakey ya insipan mod amak sanen inkuanmod sikaton wala lawas so kabyangay boleg ton manari ed Israel, no saray kabyangay boleg to et pampelengan dan onuren so Ganggan mo a singa impangonur tod sika.

Say Libro nen Job 36:7

Iyaagel to ray matonung; panoleyen to ran singa saray arari, tan aabuloyan to ran napagalangan ed ando lan ando.

Saray Salmo 72:17

Ag komun nalingwanan so ngaran na ari; mansiansia komun a singa agew so inkabantug to. Amin a bansa kerewen da komun ed Dios a bindisionan to ra a singa impamindision tod ari.

Saray Salmo 89:21

Niwala lawas ed sikatoy biskeg ko, tan pabiskegan na pakayarik.

Saray Salmo 89:29

Sakey a kabyangay boleg to so lawas manari; say panarian to ag manganggan singa say tawen.

Saray Salmo 89:4

‘Sakey a kabyangay boleg mo so manari lawas, tan pansiansiaen kon anggad angga so panarian mo.’”

Isaias 49:8

Say Katawan kuantod saray totoo to, “No onsabiy panaon na pangilaban kod sikayo, ipatnag kod siyayoy maung a linawak tan ebatan koy ikekerew yoy tulong. Bantayan tan iyagel ta kayo tan diad panamegley yo misipanan ak ed amin a katoowan. Panayamen ta kayo lamet ed dalin yo a natan et anggapoy kabaliksan to.

Isaias 9:6

Dadi sikatayo nianak so sakey ya ogaw! Niiter ed sikatayo so sakey ya anak a laki! Sikatoy magmaliw a manoley tayo. Natawag a “Makapakelaw a Mananimbawa,” “Makapanyarin Dios,” “Andi-anggaan ya Ama,” “Prinsipi na Kareenan.”

Isaias 9:7

Onlaknab lan onlaknab so pakaoley ton ari, mansiansian mareen so panarian to, Manoley a kasalat nen Ari David, tan iletneg tod kaptekan tan katonungan so pakayari to, manlapud natan ya anggad angga. Andi-saew a sumpalen ya amin na Makapanyarin-amin a Katawan.

Jeremias 33:17

Siak, say Katawan, isisipan ko a wala lawas so manarid Israel a kabyangay boleg nen David,

Ezekiel 37:25

Manayam irad dalin ya inter kod aripen kon Jacob, diad dalin a nanayaman na saray lalaki ra. Manayam irad man ya anggad angga, pati saray anak da tan amin a kabyangay boleg da. Anggad anggan manoley ed sikara so sakey ya arin singa si aripen kon David.

Daniel 2:44

Diad panaon da ra man a manoley say Dios na tawen mangiletneg na panarian ya ag balut mangangga. Ag balut nadakep yan panarian, no ag ingen sigput ton deralen ya amin ira man ya impirio, insan mansiansia ya anggad angga.

Zacarias 6:12

Ibagam ed sikato a say Katawan a Makapanyarin-amin kuanto, ‘Say toon tatawagen na Say Sanga et onaligwas ed kawalaan to tan pasimbaloen ton ipaalagey so Timplo na Katawan.

Zacarias 6:13

Sikato so mangipaalagey ed Timplo tan awaten to so kagalangan na sakey ya ari tan oleyan to ray totoo to. Manalagey ed abay na trono to so sakey a pari tan mankimey iran dua a mareen tan maliket.’

Mateo 16:18

Kanyan kuankod sika: sakey kan baton-dampay, Pedro, tan diad tapew na sayan baton-dampay a pundasion, ipaalagey koy iglisiak ya ag taloen na anggan say pakayari na patey.

Saray Hebreo 3:3

Baleg so kagalangay toon angipaalagey na abung nen say dilin abung. Ontan met a baleg niy kagalangan nen Jesus nen say kagalangan nen Moises.

1 Pedro 2:5

Singger kayon singa mabilay iran bato, tan paikana kayo ed panggaway maispiritun timplo. Magmaliw kayon masanto a papari ed sayan timplo tan mangyapay kayoy maispiritu tan makapaliket iran bagat ed Dios diad panamegley nen Jesu-Cristo.