2 Samuel 6:22 - Maung A Balita Biblia

²² tan iloor kon pabandayen so siak a dili. Nayarin ipasen mo ak ya andi-kana, balet atagey so pangipasen ed siak na saramay bibiin asalitam!”

Maung a Balita Biblia

²² tan iloor kon pabandayen so siak a dili. Nayarin ipasen mo ak ya andi-kana, balet atagey so pangipasen ed siak na saramay bibiin asalitam!

2 Samuel 6:22 Iomraidhean Croise

Genesis 32:10

O matoor a Katawan, ag ak manepeg a mangawat na panangarom tan panangasim ya impatnag mod siak a mapaabeban aripen mo. Binaliw koy Jordan ya anggapoy awit ko no ag say baston labat, balet natan pinmawil ak a kaibak ira yan duaran olup.

2 Samuel 6:21

Inmebat si David, “Sinmayaw ak a pangigalang kod Katawan ya amilid siak a mangipangulod saray totoo tod Israel; aliwan si amam tan say pamilya to so apili. Ituloy koy mansayaw a pangigalang kod Katawan,

2 Samuel 6:23

Ag balut akaanak si Micol a biin anak nen Saul.

Say Libro nen Job 40:4

“Katawan, nansalita ak na andi-kabaliksan. Antoy niebat ko ni? Pepetan ko lay songut ko.

Say Libro nen Job 42:6

Kanyan nababaingan ak lapud amin ya imbagak tan magbababawi diad dabuk tan dapul.

Saray Salmo 131:1

Katawan, intondak lay mampaatagey, tan inkaindan ko lay mampasirayew. Anggapoy pibabalian kod saray ankakabaleg a pamaakaran, o saray bengetlan ag ko natalusan.

Isaias 50:6

Intaryak so beneg ko ed saray nansiplat ed siak. Ag ko ra binaat nen pinabaingan da ak, nen binagut da ray balbas ko tan nilulukdaan day lupak.

Isaias 51:7

“Dengel yo ak, sikayon makaamta na inkatonung, sikayo ran mabmabli ed puso, yoy bangat ko. Ag kayo natatakot no balbalawen tan pabpabaingan kayo na saray totoo;

Marcos 14:66

Wadman niy Pedro ed solar nen sinmabi so bii a sakey ed saray katulong na Pangulon Pari.

1 Timoteo 1:15

Niay sakey a katwaan a nepeg ya awaten tan sisiaen na amin: linma diad mundo si Cristo Jesus a mangilaban ed saray makasalanan. Siak so sankaogsan ed sikara,

Saray Hebreo 12:2

Ag tayo nepeg ya alisay mata si Jesus a sikatoy nanlapwan tan pansumpalay pananisia tayo. Lapud liket a manaalagar ed sikato, ag to imbaing so ompatey ed krus, tan akayorung natan ed nikawanay trono na Dios.

1 Pedro 4:14

Manliket kayo no napabaingan kayo lapud itotombuk yod Cristo, ta mapatnag ed satan a say mapagalang tan makapanyarin Ispiritu na Dios et manaayam ed sikayo.

1 Pedro 5:6

Toluk kayo sirin ed pakayariy Dios, pian itanduro to kayo no onsabiy panaon ya inggana to.

1 Samuel 2:30

Siak, say Katawan a Dios na Israel, insipan ko nen saman a say pamilyam tan saray kabyangay boleg mo et anggad anggan manlingkur iran papari ed siak. Balet ibabagak natan ya ag ko la sumpalen! Ingen, pagalangan ko ray mamagalang ed siak, balet lemlemewen ko ray mambalaw ed siak.