2 Samuel 6:16 - Maung A Balita Biblia

¹⁶ Legan a niyaakar ed siudad so Kaban na Sipanan, tinmandag si Micol a biin anak nen Saul et anengneng toy Ari David a mansasayaw-sayaw tan manlukso-lukso ed arap na Katawan. Lapud saya binalaw tod puso to si David.

Maung a Balita Biblia

¹⁶ Legan a niyaakar ed siudad so Kaban na Sipanan, tinmandag si Micol a biin anak nen Saul et anengneng toy Ari David a mansasayaw-sayaw tan manlukso-lukso ed arap na Katawan. Lapud saya binalaw tod puso to si David.

2 Samuel 6:16 Iomraidhean Croise

2 Samuel 3:14

Angibaki met na pigaran totoo ed kinen Isboset tan impaikuanto, “Ipawil mod siak si asawak a Micol. Nambayar ak na sanlasus a ngoroy baog na kayaryan na saray Filisteo, pian naasawak.”

2 Samuel 5:7

Balet dinakep nen David so tirinsira na Sion, kanyan nagmaliw ya atawag na “Siudad nen David.”)

2 Samuel 6:15

Kanyan sikato tan amin da ray Israelita inyakar dad Jerusalem imay Kaban na Sipanan a kataruk day eyag na liket tan tanul na saray trumpita.

2 Samuel 6:20

Ag abayag sinmempet met lay David a mangilugay ed pamilya to. Pinmaway ya onabet ed sikato si Micol tan inkuanto, “Sayan agew ontan lay impangitanduro na arid Israel ed sikaton dili! Singa ambagel a lakseb ed arap da ray bibiin managlingkur na saray opisyal to!”

1 Saray Awaran 15:29

Legan a niyaakar ed siudad so Kaban na Sipanan, tinmandag si Micol a biin anak nen Saul, et anengneng toy Ari David a mansasayaw-sayaw tan manlulukso-lukso ed liket. Lapud saya naingungotan ed kinen David.

Saray Salmo 123:3

Kasian mo kami pa, Katawan, kasian mo kami; ontan lay impakababalaw mi!

Saray Salmo 69:7

Lapud sika alemlemew ak tan mapalaloy inkabaingan ko.

Isaias 53:3

Binabalaw tan impopolisay na totoo; intepel toy kairapan tan sulit. Anggapoy anggan onnengneng ed sikato— ag inasasikaso na totoo a singa anggapoy kabaliksan ton too.

Saray Gawgawa 2:13

Balet wala ray totoon nanludlurey ed saray mananisia tan inkuanda, “Abuek ira tan!”

1 CORINTO 2:14

Ta say toon anggapod sikatoy Ispiritu ag to awaten iray bengatlan iter na Ispiritu na Dios. Diad tuay tua, ag to ra natalusan; anggapoy kabaliksan da ra yad sikato, ta saray maispiritun bengatla natalusan ira labat diad panamegley na maispiritun panagnunot.

1 Samuel 18:17

Insan inkuanen Saul ed kinen David, “Niay Merab, say anak kon sankapangulowanan a bii. Iter kod sikan asawaen mo, dapot no masebeg tan matoor kan sondalo a manlingkur ed siak, tan milaban kad saray bakal na Katawan.” (Ginawa ya nen Saul, ta abaloan ton diad onya napatey na saray Filisteo si David, et aliwa lan sikaton dili so mamatey.)

1 Samuel 18:20

Balet si Micol ya anak nen Saul inmibeg ed kinen David, tan akaliket si Saul nen akabatan to.