2 Samuel 6:14 - Maung A Balita Biblia

¹⁴ Si David, ya akabariber labat na abel a linen ed awak to, et sinmayaw ed anggaay nayarian to a pangigalang tod Katawan.

Maung a Balita Biblia

¹⁴ Si David, ya akabariber labat na abel a linen ed awak to, et sinmayaw ed anggaay nayarian to a pangigalang tod Katawan.

2 Samuel 6:14 Iomraidhean Croise

2 Samuel 6:15

Kanyan sikato tan amin da ray Israelita inyakar dad Jerusalem imay Kaban na Sipanan a kataruk day eyag na liket tan tanul na saray trumpita.

2 Samuel 6:20

Ag abayag sinmempet met lay David a mangilugay ed pamilya to. Pinmaway ya onabet ed sikato si Micol tan inkuanto, “Sayan agew ontan lay impangitanduro na arid Israel ed sikaton dili! Singa ambagel a lakseb ed arap da ray bibiin managlingkur na saray opisyal to!”

1 Saray Awaran 15:27

Si David, saray tumutogtog tan saray kumakanta, si Kenanias a pangulo ra, tan saray Levitan manasakbat na Kaban na Sipanan et akasolung iran amin na sankaabigan a linen a tunika. Akasolung met si David na linen ya ipod.

Saray Salmo 149:3

Idayew yoy ngaran to diad panamegley na sayaw; togtog yo ray tambul tan saray arpa diad pangidayew yod sikato.

Saray Salmo 150:4

Idayew yo diad pamaknul yod saray tambul tan diad pansayaw yo. Idayew yo diad panogtog yod saray arpa tan plauta.

Saray Salmo 30:11

Sinalatan mo na magayagan sayaw so ermen ko; nilakseb mod siak so ermen ko, insan inkawes mod siak so gayaga.

Saray Salmo 87:7

Onsasayaw tan ikakanta ra, “Diad Sion so panlalapwan na amin a bindision tayo.”

Exodo 15:20

Say biin agi nen Aaron, a si propita Miriam, inala toy tamborin to, tinombuk na amin a bibii, nantotogtog iray tamborin tan nansasayaw-sayaw ira.

Exodo 15:21

Et si Miriam kinantaan to ra: “Kantaan yoy Katawan, lapud mapagalang ya impanalo to; imbabantak tod dayat iray kabayo tan saray akakabayod sikaran totoo.”

Exodo 19:6

Magmaliw kayo a totoon nisaklang ed siak labat, tan papari a manlingkur ed siak.” Sikara yay imbaga na Dios ed saray Israelita diad panamegley nen Moises.

Ecclesiastes 9:10

Antokaman a gawaen mo gawam ed anggaay nayarian mo, lapud anggapo lay kimey, kanunotan, pakatalus, tan kakabatan ed pasen a kawalaan da ray inaatey a dimay laen mo.

Ezekiel 46:10

No onloob la ray totoo, nepeg ya onloob met lay prinsipi, tan no ompaway la ra, nepeg ya ompaway met la.

Lucas 15:25

“Samay pangulowan balet, walad alog. Nen onsesempet tan asingger lad abung, nadngel toy togtog tan anengneng toy sayawan.

Deuteronomio 6:5

Aro yo so Katawan a Dios yo ed intiron puso yo, intiron kamarerwa yo, tan intiron biskeg yo.

COLOSAS 3:23

Antokaman a gawaen yo, gawa yon mabolbolus, a singa kayo manlilingkur ed Katawan, aliwa labat a diad too.

Saray Huis 11:34

Nen pinmawil si Jefte ed abung tod Mizpa, wadmay biin anak to ya ompapaway ed abung, ta onabet ed sikato. Onsasayaw tan manotogtog na tamborin. Saksakey yan anak to.

Saray Huis 21:21

tan mambantay kayo. No ompaway ya onsayaw iray bibiid Silo legan na pista, paway kayo met ed inamutan yon kaubasan. Balang sakey ed sikayo et mangalad pasootan na asawaen to ed saramay bibii tan awit yo rad man ed dalin na Benjamin.

1 Samuel 2:18

Si ogaw a Samuel intuloy toy nanlingkur ed Katawan, tan akasolung na ipod a linen.

1 Samuel 2:28

Diad saray amin a tribu na Israel, pinilik iray kabyangay pamilya to a magmaliw iran paparik, manlingkur ed altar, mamool na insinso, tan mansolung na ipod no mangipanon irad siak. Inter kod sikaray kanepegan a mangalay betang da ed saray bagat a popoolan.

1 Samuel 22:18

Kanyan inkuanen Saul ed kinen Doeg, “Patey mo ra!”—kanyan pinatey nen Doeg iran amin. Diad saman ya agew walomplo tan liman papari na Katawan so pinatey to; mansosolung na ipod ira yan papari.