2 Samuel 5:9 - Maung A Balita Biblia

⁹ Kayarin adakep so tirinsira, nanayaman nen David tan inngaran to na “Siudad nen David.” Impaalagey toy siudad ed kaliber-liber na tirinsira; inggapo tod pasen a tinabonan diad bokig na pokdul.

Maung a Balita Biblia

⁹ Kayarin adakep so tirinsira, nanayaman nen David tan inngaran to na Siudad nen David. Impaalagey toy siudad ed kaliber-liber na tirinsira; inggapo tod pasen a tinabonan diad bokig na pokdul.

2 Samuel 5:9 Iomraidhean Croise

2 Samuel 5:7

Balet dinakep nen David so tirinsira na Sion, kanyan nagmaliw ya atawag na “Siudad nen David.”)

2 Samuel 5:8

Diad saman ya agew inkuanen David ed saray totoo to, “Wala rad sikayoy mamobosul ed saray Jebusita a singa pamobusul kod sikara? Nayarian yo ra kasin pateyen? Lakayo sirin tan dalan kayod dalan na danum. Dogpaan yo ra man a pangaskasiyan a bulag tan lopuy.” (Sikayo yay makasengeg no akin et nikuan, “Ag makaloob ed abung na Katawan iray bulag tan saray lopuy.”)

2 Samuel 6:10

Kanyan ag to la labay ya awiten ed Jerusalem; ingen, inmiwas ed dalan tan intilak to lad abung nen Obed-edom a taga siudad na Gat.

1 Saray Arari 11:27

Onyay makasengeg na insumpa tod kinen Solomon. Mampapatabun na dalin nen saman si Solomon diad bokig na Jerusalem tan itutuloy ton pagaway padir na siudad.

1 Saray Arari 2:10

Inatey si David tan nipompon ed Jerusalem.

1 Saray Arari 9:15

Pinasoot ya impankikimey nen Ari Solomon iray angipaalagey na Timplo tan say palasio, saray nantabun na dalin ed bokig na siudad, tan saray angipaalagey na padir na siudad. Pinasoot to met ya impankikimey iray amasimbalon angipaalagey na saray baley na Hazor, Megido, tan say Gezer. (

1 Saray Arari 9:24

Nen say biin anak na ari na Egipto ya asawa nen Solomon et akaalis lan manlapud Siudad nen David tan manaayam lad palasion impagawa nen Solomon para sikato, impatabunan nen Solomon so dalin a walad bokig na siudad.

2 Saray Arari 12:20

Si Ari Joas nankokomplutan a nilabanan na saray opisyal to; duarad sikara, si Josacar a lakin anak nen Simeat tan si Jozabad a lakin anak nen Somer, so amatey ed sikato diad abung a nipaalagey ed pasen a tinabunan diad bokig na Jerusalem tan walad dalan a mamaarap ed Sila. Nipompon si Joas ed kamposanto da ray arari diad Siudad nen David, insan sinmalat a nanari si Amasias a lakin anak to.

1 Saray Awaran 11:8

Pinasimbalo tan inletneg so siudad ed kaliber-liber na tirinsira; inggapo tod pasen a tinabonan diad bokig na pokdul. Inapiger nen Joab iray arum a pasen na siudad.

2 Saray Awaran 32:5

Pinabiskeg na ari so siudad diad impangapiger tod padir, impamaalagey tod saray tori ed tapew na padir, tan impamaalagey to na kumadwan padir ed bandad paway. Inapiger to met imay pasen a tinabonan diad nibokig na daan a parti na Jerusalem, tan nampapagawa na amayamay a pika tan samper.

Nehemias 3:15

Pinasimbalon impaalagey nen Sallum a lakin anak nen Col-hoza tan manoley na distritoy Mizpa so Puirta na Sobul. Tinarungan to, inlira to ray puirta, insan to inyan iray balewet. Diad Dipositoway Danum na Seloe impaalagey toy padir ya akiketeg ed tanamanan na ari, ya anggad saray balitang a mampaleksab manlapud Siudad nen David.

Saray Salmo 122:3

Naapiger so Jerusalem; maoksuy tan marakep la lamet.

Isaias 29:1

Say altar na Dios, say dilin Jerusalem et pangaskasiyay kipapasen to! Kaskasian so siudad a nankampoan nen David! Palabasen niy sakey o duaran taon, a pati saray pista to,

Saray Huis 9:20

Balet no andi, ompugso komun so manliub ya apoy a manlapud kinen Abimelec tan poolan to ray totood Sikem tan Bet-millo. Ompugso met komun so manliub ya apoy a manlapud Sikem tan Bet-millo tan poolan toy Abimelec.”

Saray Huis 9:6

Insan nantitipon ya amin iray totood Sikem tan Bet-millo tan linma rad masanton kiew a robli ed Sikem, tan diman da impagmaliw ya ari si Abimelec.