2 Samuel 5:7 - Maung A Balita Biblia

⁷ Balet dinakep nen David so tirinsira na Sion, kanyan nagmaliw ya atawag na “Siudad nen David.”)

Maung a Balita Biblia

⁷ Balet dinakep nen David so tirinsira na Sion, kanyan nagmaliw ya atawag na Siudad nen David.)

2 Samuel 5:7 Iomraidhean Croise

2 Samuel 5:8

Diad saman ya agew inkuanen David ed saray totoo to, “Wala rad sikayoy mamobosul ed saray Jebusita a singa pamobusul kod sikara? Nayarian yo ra kasin pateyen? Lakayo sirin tan dalan kayod dalan na danum. Dogpaan yo ra man a pangaskasiyan a bulag tan lopuy.” (Sikayo yay makasengeg no akin et nikuan, “Ag makaloob ed abung na Katawan iray bulag tan saray lopuy.”)

2 Samuel 5:9

Kayarin adakep so tirinsira, nanayaman nen David tan inngaran to na “Siudad nen David.” Impaalagey toy siudad ed kaliber-liber na tirinsira; inggapo tod pasen a tinabonan diad bokig na pokdul.

2 Samuel 6:10

Kanyan ag to la labay ya awiten ed Jerusalem; ingen, inmiwas ed dalan tan intilak to lad abung nen Obed-edom a taga siudad na Gat.

2 Samuel 6:12

Nadngelan nen Ari David a lapud Kaban na Sipanan, binindisionan na Katawan so pamilya nen Obed-edom tan amin a kayaryan to. Kanyan inala toy Kaban na Sipanan ed abung nen Obed-edom, ta iyakar ton malikeliket ed Jerusalem.

2 Samuel 6:16

Legan a niyaakar ed siudad so Kaban na Sipanan, tinmandag si Micol a biin anak nen Saul et anengneng toy Ari David a mansasayaw-sayaw tan manlukso-lukso ed arap na Katawan. Lapud saya binalaw tod puso to si David.

1 Saray Arari 2:10

Inatey si David tan nipompon ed Jerusalem.

1 Saray Arari 3:1

Akigampiy Solomon ed ari na Egipto, lapud impangasawa nen Solomon ed anak na ari. Inyakar to yan asawa to ed Siudad nen David, tan impanayam tod man ya anggad asumpal ton impaalagey so palasio to, say Timplo, tan say padir ed kaliber-liber na Jerusalem.

1 Saray Arari 8:1

Insan impaawit nen Ari Solomon a mankakasakey ed Jerusalem iray amin a pangulo na saray tribu tan saray boleg na Israel, ta iyakar dad Timplo so Kaban na Sipanan na Katawan manlapud Sion, say siudad nen David.

1 Saray Arari 9:24

Nen say biin anak na ari na Egipto ya asawa nen Solomon et akaalis lan manlapud Siudad nen David tan manaayam lad palasion impagawa nen Solomon para sikato, impatabunan nen Solomon so dalin a walad bokig na siudad.

1 Saray Awaran 11:7

Atawag na “Siudad nen David” so tirinsira, ta diman nanayam si David.

2 Saray Awaran 24:16

Impompon da ed saray pantion da ray arari diad Siudad nen David, lapud impamirbir da ed impanlilingkur tod saray totood Israel, diad Dios, tan diad Timplo.

2 Saray Awaran 5:2

Insan impaawit nen Ari Solomon iray amin a pangulo na saray tribu tan saray boleg na Israel a mankakasakey irad Jerusalem, ta iyakar dad Timplo so Kaban na Sipanan na Katawan manlapud Sion, say Siudad nen David.

Nehemias 3:15

Pinasimbalon impaalagey nen Sallum a lakin anak nen Col-hoza tan manoley na distritoy Mizpa so Puirta na Sobul. Tinarungan to, inlira to ray puirta, insan to inyan iray balewet. Diad Dipositoway Danum na Seloe impaalagey toy padir ya akiketeg ed tanamanan na ari, ya anggad saray balitang a mampaleksab manlapud Siudad nen David.

Saray Salmo 132:13

Pinili na Katawan so Sion; labay ton dimay panayaman to:

Saray Salmo 2:6

“Pinayorung kon manoley so arik diad tapew na masanton palandey ko a Sion,” kuanto.

Saray Salmo 48:12

Totoo na Dios, liber yoy Palandey na Sion tan bilang yo ray tori to;

Saray Salmo 48:3

Impanengneng na Dios ya anggapoy nagawan maoges ed loob na saray tirinsira na siudad lapud kiwawala tod man.

Saray Salmo 51:18

O Dios, kasian mo pay Sion tan tulongan mo; ipaalagey mo pa lamet iray padir na Jerusalem.

Saray Salmo 87:2

inaro to niy siudad na Jerusalem nen say dinan man a pasen ed Israel.

Saray Salmo 9:11

Kantaan yoy pangidayew so Katawan a manaayam ed Sion! Ibawag yod saray bansa iray gawgawa to!

Isaias 12:6

Maneyag tan mankanta kayod liket, sikayon manaayam ed Sion! Matalonggaring so masanton Dios na Israel, tan manaayam ed kawalaan da ray totoo to.”

Isaias 59:20

Say Katawan kuantod saray totoo to, “Onla ak ed Jerusalem a mangyagel tan mangilaban ed amin yon angibeneg ed saray kasalanan yo.

Jeremias 21:13

Sika, Jerusalem, manyodyorung kad pasen ya atagey nen saray patar, a singa baton-dampay ya atagey nen say palanas a dalin. Balet, siak, say Katawan, labanan ta ka. Ibabagam ya anggapoy makadogpa ed sika odino makaloob ed kawalaan mo.

Mikias 4:2

et ikuan na saray katoowan da, “Onkalab tayod palandey na Katawan, diad Timplo na Dios na Israel. Ta ibangat tod sikatayo so labay ton pagawad sikatayo; manakar itayod saray dalan a pinili to. Ta manlalapud Jerusalem so bangat na Katawan; manlapud Sion say Katawan mansasalitad saray totoo to.”

Saray Taga Roma 9:33

onung na ibabagay Masanton Sulat, “Nengneng yo, mangyan ak ed Sion na baton pakapateran, sakey a baleg a baton pakapatakbaan. Balet siopamay manisiad sikato ag nabaingan.”

Saray Hebreo 12:22

Balet say sininggeran yo say Palandey na Sion tan say siudad na Dios a mabilay, say mangatatawen a Jerusalem, a kawalaay libo-libo ran anghil.

Puyan 14:1

Ninmengneng ak, tan wadman imay Kordiro ya akaalagey ed Palandey na Sion a kaiba to ra may sanlasus tan apataplo tan apat a libon totoo. Nisulat ed muling da so ngaran na Kordiro tan say ngaran na Ama to.