2 Samuel 5:6 - Maung A Balita Biblia

⁶ Aminsan, namparaan si Ari David tan saray totoo to ya ondogpa ed Jerusalem. Abaloan na saray Jebusita, a sikaray manaayam diman, ya ag to nayarian a dakepen so siudad, kanyan inkuandad sikato, “Ag ka dian balut makaloob; nayarian kan ag palooben na anggan saray bulag tan saray lopuy.” (

Maung a Balita Biblia

⁶ Aminsan, namparaan si Ari David tan saray totoo to ya ondogpa ed Jerusalem. Abaloan na saray Jebusita, a sikaray manaayam diman, ya ag to nayarian a dakepen so siudad, kanyan inkuandad sikato, Ag ka dian balut makaloob; nayarian kan ag palooben na anggan saray bulag tan saray lopuy. (

2 Samuel 5:6 Iomraidhean Croise

Genesis 14:18

Inabet met nen Melkisedek ya ari na Salem tan pari na Sankatageyan a Dios. Inawitan toy Abram na tinapay tan alak,

2 Samuel 22:30

Iitdan mo ak na biskeg ya ondogpad saray kalaban ko, tan pakayari a manakep ed saray tirinsira ra.

Probirbio 21:22

Say makabat a pangulo na saray sondalo nalooban toy siudad ya iyaagel na saray mabiskeg a totoo, tan nigeba to ray padir a panmamatalkan da.

Jeremias 21:13

Sika, Jerusalem, manyodyorung kad pasen ya atagey nen saray patar, a singa baton-dampay ya atagey nen say palanas a dalin. Balet, siak, say Katawan, labanan ta ka. Ibabagam ya anggapoy makadogpa ed sika odino makaloob ed kawalaan mo.

Jeremias 37:10

Anggaman a natalom ya amin iray sondalo na Babilonia, ta pian saray nakeraan labat ed sikara et saray sugatan a mandokdokul ed dalem na saray tulda ra, sarayan totoo et looban da ni yan siudad, insan da poolan.”

Saray Hebreo 7:1

Sayay Melkisedek ari na Salem tan pari na Sankatageyan a Dios. Nen ompapawil si Abraham, kasumpal ton akibakal a pinapatey to ray arari, inabet nen Melkisedek tan binindisionan to.

Josue 10:3

Kanyan si Adonizedek impaikuantod kindi Ari Hoham na Hebron, Ari Piram na Jarmut, Ari Jafia na Lakis, tan Ari Debir na Eglon:

Josue 15:63

Balet saray totood Juda ag da ayarian a pinataynan iray Jebuseo a manaayam ed Jerusalem. Manaayam ni rad man a kaiba da ray totood Juda.

Josue 18:28

Zela, Elef, Jebus (odino Jerusalem), Gibeat, tan Kiryat-jearim; labinapat iran amin a siudad, a pati saray baley ed kaliber-liber da. Sikato yay dalin a nipabetang ed saray pamilya na tribu nen Benjamin.

Saray Huis 1:21

Balet ag pinataynan na saray totood tribu nen Benjamin iray Jebuseo a manaayam ed Jerusalem, tan nanlapud saman saray Jebuseo kaiba dan nanayam diman iray totoo nen Benjamin.

Saray Huis 1:8

Dinogpaan na saray totoo nen Juda so Jerusalem tan adakep da. Pinapatey da ray totoo to tan pinoolan day siudad.