2 Samuel 5:2 - Maung A Balita Biblia

² Nen saman, anggan nen ari mi ni si Saul, impangulom ed bakal iray totood Israel, tan insipan ed sika na Katawan ya iwanwan mo ray totoo to tan oleyan mo ra.”

Maung a Balita Biblia

² Nen saman, anggan nen ari mi ni si Saul, impangulom ed bakal iray totood Israel, tan insipan ed sika na Katawan ya iwanwan mo ray totoo to tan oleyan mo ra.

2 Samuel 5:2 Iomraidhean Croise

Genesis 49:24

Balet mansiasiansian mabiskeg so pana to, Tan napapabiskeg iray taklay to Diad panamegley na pakayari na Makapanyarin Dios nen Jacob. Napapabiskeg na Managpastol, say Manangyagel ed Israel.

2 Samuel 6:21

Inmebat si David, “Sinmayaw ak a pangigalang kod Katawan ya amilid siak a mangipangulod saray totoo tod Israel; aliwan si amam tan say pamilya to so apili. Ituloy koy mansayaw a pangigalang kod Katawan,

2 Samuel 7:7

Diad impipilak ed saray totood Israel ag kon balut tinepet ed siopaman a pinilik a panguloy Israel no akin et ag to ak impaalageyan na timplo a sidro.’

2 Samuel 7:8

“Kanyan ibagam ed aripen kon David a siak, say Katawan a Makapanyarin-amin, kuankod sikato, ‘Inekal ta kad panagpastol moy karniro ed kaalogan, insan ta ka ginawan manoley ed saray totook ya Israel.

2 Saray Arari 20:5

ya ompawil ed kinen Ezekias, say manoley na totoo na Katawan, ta ikuantod sikato, “Say Katawan kuantod sika: Siak, say Katawan a Dios na lakim a David, et nadngel koy pikakasim tan anengneng koy interter na luam. Paabigen ta ka, tan diad kumatlon agew onla kad Timplo.

1 Saray Awaran 11:2

Nen saman, anggan nen ari mi ni si Saul, impangulom ed bakal iray totood Israel, tan insipan ed sikayo na Katawan a Dios mo ya iwanwan mo ray totoo to tan oleyan mo ra.”

2 Saray Awaran 1:10

Kanyan iter mo pad siak so kakabatan tan pakatalus a nakaukolan ko ed panoley kod sikara. Ta no andi, panon kon naoleyan ira yan matalonggaring a totoom?”

Isaias 40:11

Asikasoen to ray karniro to a singa panagkomponi na pumapastol; tiponen to ray kordiro tan ampopoen to rad taklay to; anosan ton iwanwan iray kainaan da.

Isaias 55:4

Ginawak a pangulo tan manoley si David ed saray bansa, tan diad panamegley to impanengneng kod sikaray pakayarik.

Ezekiel 34:23

Itdan ko ray sakey ya arin singa si aripen kon David tan sikatoy saksakey a mampastol ed sikara, tan asikasoen to ra.

Mikias 5:4

No sikatoy onsabi, oleyan to ray totoo to diad panamegley na biskeg a manlalapud Katawan; walad sikato so dilin pakapanyari na Katawan a Dios. Mambilay ya arawid kaatapan iray totoo to, lapud birbiren na saray katoowan ed intiron mundo so inkatalonggaring to,

Saray Bilang 27:17

tan nayarian ton ipangulo rad bakal, pian say olup na totoom et ag ira magmaliw a singa saray karniron anggapoy pastol da.”

Mateo 2:6

‘Sika, O Betlehem, diad dalin na Juda, aliwan sikay sankaabebaan ed saray manonan baley na Juda; ta panlapwan kay sakey a pangulo a mangiwanwan ed saray totook ya Israel.’”

Juan 10:11

“Siak so maung a pastol. Say maung a pastol isaklang toy bilay to para saray karniro.

Saray Hebreo 2:10

Manepeg ed Dios—say amalsa tan manaasikasod amin a bengatla—a ginawa toy Jesus a nagnap diad panamegley na kairapan, pian pinabangen tod kagalangan to ray amayamay ya anak. Ta si Jesus so mangipapanguloy kilalaban da.

1 Samuel 13:14

Balet natan ag la mansiansia so panoley mo. Lapud ag mo inonur so Katawan, mananap la na lakin labay to tan panoleyen tod saray totoo to.”

1 Samuel 16:1

Inkuan na Katawan ed kinen Samuel, “Kaonungay kabayag so panermen mo lapud kinen Saul? Impolisay ko lan ari na Israel. Mangala kay larak na oliba tan lakad lakin say ngaran to et Jesse, a walad Betlehem, ta pinilik ya ari so sakey ed saray anak ton lalaki.”

1 Samuel 18:13

Kanyan pinaarawi nen Saul si David tan ginawa ton pangulo na saray sanlibon sondalo. Diad bakal, sikatoy dilin angiwawanwan ed saray totoo to,

1 Samuel 18:16

Balet si David inaroy amin a totoo ed Israel tan Juda, ta maaligwas a pangulo.

1 Samuel 18:5

Si David analo ed amin a bakal ya angibakian nen Saul ed sikato, kanyan ginawa nen Saul a sakey ya opisyal na saray sondalo to. Akapaliket ya ed saray totoo nen Saul tan saray opisyal to.

1 Samuel 25:28

Pirdona mo ak pa, no wala bilang so maoges a ginawak. Say Katawan gawaen to kan ari, tan anggan saray kabyangay boleg mo, ta milalaban kad saray bakal na Katawan; ag ka manggaway kaogsan legay pambilay mo.

1 Samuel 25:30

No sinumpal la na Katawan iray maung a bengatlan insipan tod sika, tan ginawa to ka lan ari na Israel,

1 Samuel 9:16

“Nabwas, sakey ya onyan oras, ibakik ed sikay sakey a lakin kabyangay tribu nen Benjamin; lanaan mo ta sikatoy manoley ed saray totook ya Israelita, tan iyagel to rad saray Filisteo. Anengneng koy kairapan da ray totook, tan nadngel koy ikekerew dad siak na tulong.”