2 Samuel 5:19 - Maung A Balita Biblia

¹⁹ Tinepet nen David ed Katawan, “Dogpaan ko ray Filisteo? Panaloen mo ak kasi?” Inmebat so Katawan, “On, dogpaan mo ra! Panaloen ta ka!”

Maung a Balita Biblia

¹⁹ Tinepet nen David ed Katawan, Dogpaan ko ray Filisteo? Panaloen mo ak kasi? Inmebat so Katawan, On, dogpaan mo ra! Panaloen ta ka!

2 Samuel 5:19 Iomraidhean Croise

2 Samuel 2:1

Kayari to ya, tinepet nen David ed Katawan, “Onla ak a manakop ed sakey ed saray baley na Juda?” “On,” ebat na Katawan. “Dinan ey?” tepet nen David. “Say Hebron,” kuay Katawan.

2 Samuel 5:23

Impanon lamet nen David ed Katawan, et say Katawan inmebat, “Ag ka dia manlalapu no dogpaan mo ra. Saliberber ka tan dogpa kan manlapud biek a dapag, diad abay na saray kiew a balsamo.

1 Saray Arari 22:6

Impantitipon sirin nen Acab iray propita a sakey ya apat a lasus ira tan tinepet tod sikara, “Laen kon dogpaan so Ramot-galaad odino andi?” “Dogpaan mo,” ebat da. “Panaloen ka na Katawan.”

Probirbio 3:6

Diad amin a gawaen mo nunot mo lawas so Katawan, et iwanwan to kad maptek a dalan.

Santiago 4:15

Ingen nepeg yon ikuan, “No iyabuloy na Katawan, mambilay kami tan gawaen mi ya o saman.”

1 Samuel 22:15

On, impanonan kod Dios, tan amimpiga la yan ginawak. No nipaakar ed pankokomplut ya ibabagam, ag mo ak aakusaen tan say siopaman ed pamilyak. Anggapoy pakapikabat kod sayan pamaakaran!”

1 Samuel 23:2

Kanyan tinepet tod Katawan, “Laen kon dogpaan iray Filisteo?” “On,” ebat na Katawan. “Dogpaan mo ra tan iyagel moy Keila.”

1 Samuel 23:4

Kanyan impanon lamet nen David ed Katawan, tan imbagay Katawan ed sikato, “Lakad Keila tan dogpaan mo ray Filisteo ta panaloen ta kad sikara.”

1 Samuel 28:6

kanyan tinepet tod Katawan no antoy gawaen to. Balet ag balut inebatan na Katawan, diad panamegley na kogip, odino diad panamegley na Urim tan Tummim, odino diad panamegley na saray propita.