2 Samuel 4:11 - Maung A Balita Biblia

¹¹ Ag kasi lalon ambelat a dusa so iter ed saray totoon maoges lapud pamatey da ed toon anggapoy kasalanan a naogip ed dilin abung to? Ombawi ak natan ed sikayo lapud impamatey yod sikato, tan paandien ta kayo ed tapew na dalin!”

Maung a Balita Biblia

¹¹ Ag kasi lalon ambelat a dusa so iter ed saray totoon maoges lapud pamatey da ed toon anggapoy kasalanan a naogip ed dilin abung to? Ombawi ak natan ed sikayo lapud impamatey yod sikato, tan paandien ta kayo ed tapew na dalin!

2 Samuel 4:11 Iomraidhean Croise

Genesis 4:11

Nisamba ka; ag mo la nadalusan so dalin a singa inlokas toy sangi to nen inesep toy dala na agim a pinatey mo.

Genesis 6:13

Inkuan na Dios ed kinen Noe, “Tinibokel ko lad kanunotan ko a panganggaen koy bilay na amin a katoowan. Sigput ko ran deralen, ta napnoy mundo na maoges a gawgawa ra.

Genesis 7:23

Dineral na Katawan ya amin iray mabilay ed tapew na dalin—saray totoo, saray ayayep, tan saray manok. Si Noe tan saray kaiba tod dalem na biong so mabilay labat.

2 Samuel 16:8

Inalam so nanarian nen Saul, et natan dudusaen kay Katawan lapud impamatey mod amayamay a kabyangay pamilya nen Saul. Inter na Katawan so nanarian ed anak mon si Absalom, tan aderal ka la, sikan managpatey na too!”

2 Samuel 3:27

Kasabi nen Abner ed Hebron, impaliis nen Joab ed puirta tan konwarin pitongtongan to, balet ta sinaksak tod eges. Kanyan apatey si Abner lapud pinatey toy Asael ya agi nen Joab.

2 Samuel 3:39

Anggan sakey ak ya arin pinili na Dios, makapkapoy ak ed sayan agew. Ag ko nayariay inkaruksa da ra yan lalakin anak nen Sarvia! Dusaen komun na Katawan ira yan kriminal onung ed kanepegan da!”

1 Saray Arari 2:32

Dusaen na Katawan si Joab lapud saraman ya impamatey to ya anggapoy pikakabat nen amak a David. Pinatey nen Joab si Abner a pangulo na saray sondalo na Israel, tan si Amasa a pangulo na saray sondalo na Juda. Pinatey to ran anggapoy kasalanan, anta maung tan matonung ni ra nen say sikato.

Saray Salmo 109:15

Say Katawan nanunotan ton naynay komun iray kasalanan da, balet sikaran dili et sigput komun a nalingwanan ira diad tapew na dalin.

Saray Salmo 9:12

Nununoten na Dios iray maniirap; ag to lilingwanan so ey-ey da, tan dudusaen to ray mamapasegsegang ed sikara.

Exodo 21:12

“Siopamay mangabil na kapara ton too tan apatey to, nepeg a pateyen.

Exodo 9:15

Anggapo kayo la komun ya amin natan, no pinadalan koy salot ed sika tan saray totoom.

Probirbio 2:22

Balet say Dios paandipaten tod dalin iray totoon maoges, tan baguten to ray makasalanan a singa pamagut na tanaman ed dalin.

Probirbio 25:26

Say maung a too ya ontotombuk ed labay na toon maoges et aliling toy akilotan a sobul odino adotakan a bobun.

Jeremias 10:11

Sikayo ran totoo nepeg yon ibagad sikara a saray diriyos ya ag da ginawa so tawen tan dalin, et naderal ira. Naandi ra ed anggan iner a pasen diad tapew na dalin.)

Habacuc 1:12

Katawan, manlapud gapoy gapo Dios ka la. Sika so Dios ko, masanto tan andi-anggaan. Katawan a Dios ko tan manangyagel ko, pinilim iray taga Babilonia tan pinabiskeg mo ra, pian nadusa da kami.

Habacuc 1:4

Maletey tan anggapoy kana so ganggan, tan ag balut natotombuk so katonungan. Lalamesen na saray totoon maoges iray matonung, kanyan napipikewet so inkatonung.

1 Juan 3:12

Ag tayo nepeg ya aligey Cain a mananombuk na Diablo, tan pinatey toy agi to. Akin et pinatey nen Cain so agi to? On a, ta maoges iray gawgawa to, balet maung iray gawgawa na agi to.