2 Samuel 3:8 - Maung A Balita Biblia

⁸ Lapud saya, pinmetang a maung so olo nen Abner. Inkuanto, “Nababaluan mon manlilingkur ak ed Juda. Traidor ak sirin? Nanlapu lad gapo matoor ak ed Saul ya amam, saray agagi ton lalaki, tan saray kakaaro to, tan iyaagel ta kad kinen David; natan balet aakusaen mo ak a nankasalanan lapud sakey a bii!

Maung a Balita Biblia

⁸ Lapud saya, pinmetang a maung so olo nen Abner. Inkuanto, Nababaluan mon manlilingkur ak ed Juda. Traidor ak sirin? Nanlapu lad gapo matoor ak ed Saul ya amam, saray agagi ton lalaki, tan saray kakaaro to, tan iyaagel ta kad kinen David; natan balet aakusaen mo ak a nankasalanan lapud sakey a bii!

2 Samuel 3:8 Iomraidhean Croise

2 Samuel 16:9

Si Abisai a lakin anak nen Sarvia kuantod kinen Ari, “Akin et palpaolyan mon ayewen ka na satan ya aso? Abuloyan mo ak pan onla, ta potuten koy olo to!”

2 Samuel 2:8

Say pangulo da ray sondalo nen Saul a si Abner ya anak nen Ner et akabatik a kaiba toy Isboset a lakin anak nen Saul. Batik irad Mahanaim a nibaliw na Jordan.

2 Samuel 3:18

Niay pankanawnawa yo natan. Nanunotan yo angangko ya inkuay Katawan, ‘Ikanak so aripen kon David a mangyagel ed saray totook ya Israelita ed saray Filisteo tan saray arum a kalaban da!’”

2 Samuel 3:9

Insipan na Katawan ed kinen David ya ekalen toy nanarian ed kinen Saul tan saray kabyangay boleg to, insan to gawaen ya ari si David ed Israel tan Juda, manlapud baley na Dan ya anggad baley na Beer-seba. Pateyen ak komun na Dios no ag ko gawaey polaing ya ontua ya!”

2 Samuel 5:2

Nen saman, anggan nen ari mi ni si Saul, impangulom ed bakal iray totood Israel, tan insipan ed sika na Katawan ya iwanwan mo ray totoo to tan oleyan mo ra.”

2 Samuel 9:8

Dinmakmomo lamet si Mefiboset tan kuanto, “Singa ak la inatey ya aso, katawan! Akin et ontan lay abig na linawam ed siak?”

2 Saray Arari 8:13

“Panon kon nagawaan ira tan a makapasinagem a bengatla, anta sakey ak labat a mugmon too?” tepet nen Hazael. “Impaamtad siak na Katawan a magmaliw kan ari na Siria,” ebat nen Eliseo.

Saray Salmo 76:10

Say pasnuk na totoo mansusumpal lamlamang ed lalon pangidayew dad sika; saray ag inatey ed bakal, ituloy dan silibraan iray pistam.

Isaias 37:23

Siopay abaloan mon papabaingan tan luludlureyen mo? Ag mo ak papagalangan, say masanton Dios na Israel.

Deuteronomio 23:18

Ontan met, say kuartan nalmoan ed onyan marotak a kagagawa et ag nayarin iyakar ya ibagat ed Timplo na Katawan a Dios yo diad panumpal na sakey a sinambaan a sipan. Sebel so onya, lapud kabosul na Katawan iray marotak a babayaran a totoo ed Timplo.

1 Samuel 15:28

Inkuanen Samuel ed sikato, “Say Katawan inekal to natan ed sika so nanarian na Israel tan inter tod sakey a toon maung nen say sika.

1 Samuel 17:43

Inkuantod kinen David, “Antoy gawaen mod satay baston? Abaloan mo sirin ya aso ak?” Kinerew to ya isamba na saray dios to si David.