2 Samuel 3:32 - Maung A Balita Biblia

³² Nipompon ed Hebron si Abner, tan diad lobuk manorangal so ari tan saray amin a totoo.

Maung a Balita Biblia

³² Nipompon ed Hebron si Abner, tan diad lobuk manorangal so ari tan saray amin a totoo.

2 Samuel 3:32 Iomraidhean Croise

2 Samuel 1:12

Nanermen tan nanakis ira, tan nanayuno ra ya anggad labi para si Saul tan si Jonatan, tan para saray Israelita a totoo na Katawan, ta amayamay ed sikaray inatey ed bakal.

2 Samuel 18:33

Agaylay ermen na ari. Linmad kuarton walad tagey na puirta. Legan ton oonla, manakakis tan kuanto, “O anak ko! Anak kon Absalom, anak ko! Siak la komuy inatey, aliwan sika, O anak ko! Absalom, anak ko!”

2 Samuel 4:12

Ingganggan nen David iray sondalo to, et pinatey day Recab tan si Baana. Pinotut da ray lima tan saray sali ra, insan da ra ya insabit ed abay na dipositoy danum ed Hebron. Inala ra may olo nen Isboset, insan da impompon ed lobuk nen Abner diad Hebron.

Say Libro nen Job 31:28

Say nepeg a dusa na sayan kasalanan et patey; paandien ton wala so Makapanyarin-amin a Dios.

Say Libro nen Job 31:29

Nen naniirap iray kalaban ko ag ak balut nanliket, odino nanggayaga nen walay dinmalan a deral ed sikara.

Probirbio 24:17

Ag mo panliliketan so kaderal na kalaban mo, tan ag ka manggagayaga no natumba.

1 Samuel 30:4

Kanyan nanakis si David tan saray totoo to, tan ag ira tinmonda ya anggad makapkapoy la ran maung.