2 Samuel 3:29 - Maung A Balita Biblia

²⁹ Pakadusaan ya komun nen Joab tan amin a kabyangay pamilya to. Diad kapag kailalakan, walan wala komuy lakin kabyangay pamilya to a mansakit na gonoriya, o kating, o say nayarian ton gawaen labat et say kimey na bii, o napatey ed bakal odino naerasan!”

Maung a Balita Biblia

²⁹ Pakadusaan ya komun nen Joab tan amin a kabyangay pamilya to. Diad kapag kailalakan, walan wala komuy lakin kabyangay pamilya to a mansakit na gonoriya, o kating, o say nayarian ton gawaen labat et say kimey na bii, o napatey ed bakal odino naerasan!

2 Samuel 3:29 Iomraidhean Croise

2 Samuel 1:16

Insan inkuanen David ed samay Amalecita, “Sikan diliy amasabid laman mo na sayan agawad sika. Sinintinsiaan moy dusa so sikan dili diad impangibagam a pinatey moy lakin pinili na Katawan a manari.”

2 Samuel 16:8

Inalam so nanarian nen Saul, et natan dudusaen kay Katawan lapud impamatey mod amayamay a kabyangay pamilya nen Saul. Inter na Katawan so nanarian ed anak mon si Absalom, tan aderal ka la, sikan managpatey na too!”

2 Samuel 3:28

Nen nadngelan nen David so agawa inkuanto, “Kabat na Katawan a saray totook tan siak et anggapoy pibabali mid sayan impamatey ed kinen Abner ya anak nen Ner.

2 Saray Arari 5:1

Say ari na Siria bibirbiren ton matalonggaring si Naaman a pangulo na saray sondalon Siriano, ta diad panamegley to impanalo na Katawan iray sondalo na Siria. Matalonggaring ya opisyal si Naaman, balet akating.

2 Saray Arari 5:27

Kanyan natan onalis ed sika may sakit nen Naaman, tan mansiansian sakiten na saray kabyangay boleg mo!” Kataynan nen Giezi, nagmaliw lan akating—singa kapotiy yilo so baog to.

Saray Salmo 7:17

Pisasalamatan koy Katawan lapud inkatonung to; kakantaan ko na pangidayew so Katawan a Sankatageyan.

Exodo 21:19

insan makabangon lamlamang tan makaakar ed paway ya akabaston, say angabil ed sikato et nepeg a bayaran to so panaon ya ag to pakapankimey tan asikasoen to ya anggad ag to iyabig.

Levitico 15:2

a nepeg a sumpalen na saray totood Israel. No say sakey a laki et walay ompapaway ed kayaryan to, manterterter man odino nababara,

Saray Bilang 35:33

No pambayaren yo, dotakan yoy dalin a panayaaman yo. Ta say pamatey na too et dotakan toy dalin, tan likud ed pamatey ed toon amatey anggapoy sirimonya a nayarin gawaen a makapanlinis ed dalin ya impamateyan ed sakey a too.

Saray Gawgawa 28:4

Nen anengneng na saramay tagad man imay oleg ya akabitin ed lima to, inkuandad sakey tan sakey, “Talagan managpatey yan too. Nilaban a tuad dayat, balet ag inyabuloy na Kapalaran a mambilay.”

Deuteronomio 21:6

Insan amin da ray pangulo na baley a sankaasinggeran ed samay pasen ya akalmoan ed samay bangkay na toon pinatey orasan dad tapew na samay baka so kalimaan da

Puyan 16:6

Pinaagos day dala na saray totooy Dios tan saray propita, kanyan initdan mo ray dala ya inomen da. Kanepegan a nagawad sikara ya!”

Saray Huis 9:24

Agawa ya, pian nabayaran day maoges a ginawa nen Abimelec tan saray totood Sikem ya anogsog ed sikato a mamatey ed saray pitomplon lalakin anak nen Gedeon.