2 Samuel 3:27 - Maung A Balita Biblia

²⁷ Kasabi nen Abner ed Hebron, impaliis nen Joab ed puirta tan konwarin pitongtongan to, balet ta sinaksak tod eges. Kanyan apatey si Abner lapud pinatey toy Asael ya agi nen Joab.

Maung a Balita Biblia

²⁷ Kasabi nen Abner ed Hebron, impaliis nen Joab ed puirta tan konwarin pitongtongan to, balet ta sinaksak tod eges. Kanyan apatey si Abner lapud pinatey toy Asael ya agi nen Joab.

2 Samuel 3:27 Iomraidhean Croise

2 Samuel 13:26

Balet inkuanen Absalom, “Sigi sirin, anggan si Amnon labat so abuloyan yon onla.” “Akin et sikato?” tepet na ari.

2 Samuel 19:13

Binilin met ira nen David ya ikuandad kinen Amasa, “Kanayon ta ka. Manlapud natan, salatan moy Joab a pangulo na saray sondalo. Pateyen ak komun na Dios no ag ko ya gawaen!”

2 Samuel 3:26

Kataynan tod kinen David, angibakiy pigaran totoo a mangawit ed kinen Abner. Nabot dad Bobun na Sira tan pinapawil da; balet ag amta ya nen David.

2 Samuel 3:28

Nen nadngelan nen David so agawa inkuanto, “Kabat na Katawan a saray totook tan siak et anggapoy pibabali mid sayan impamatey ed kinen Abner ya anak nen Ner.

2 Samuel 4:1

Tinmakot si Isboset ya anak nen Saul nen nadngelan ton apatey ed Hebron si Abner, tan apagaan iray amin a totood Israel.

1 Saray Arari 2:32

Dusaen na Katawan si Joab lapud saraman ya impamatey to ya anggapoy pikakabat nen amak a David. Pinatey nen Joab si Abner a pangulo na saray sondalo na Israel, tan si Amasa a pangulo na saray sondalo na Juda. Pinatey to ran anggapoy kasalanan, anta maung tan matonung ni ra nen say sikato.

1 Saray Arari 2:5

“Wala niy ibagak ed sika. Amtam iman so ginawa nen Joab ed siak nen pinatey to ray duaran pangulo na saray sondalo na Israel a di Abner a lakin anak nen Ner tan Amasa a lakin anak nen Jeter. Amtam no panoy impamatey tod sikara nen panaon na kareenan lapud imbawi tod impamatey da nen panaon na bakal. Pinatey to ray totoon anggapoy kasalanan tan natan siak so natetetel lapud saray ginawa to, tan siak so manaani na saray bungay kaogsan to.

Probirbio 26:26

Anggaman ya ag to ipapatnag so pambosul to, nanengneng balet na balang sakey a too iray maoges a gagawaen to.

Jeremias 41:2

inoyus nen Ismael so ispada to tan saramay samploran lalaki, insan da pinatey si Gedalias.

Saray Bilang 35:19

Say sankaasinggeran a kanayon na pinatey so akaoley a mamatey na samay amatey. No narumog to, nepeg a pateyen to.

Saray Bilang 35:20

“No kabosul na sakey a too so siopaman tan napatey to diad pangitulak to odino panupak tod sikato

Deuteronomio 27:24

“‘Napelag komun so samba na Dios ed siopaman a maamut a mamatey na too.’ “Insan onebat iray amin a totoo, ‘Amen!’