2 Samuel 3:16 - Maung A Balita Biblia

¹⁶ Mannangnangis ya inolup nen Paltiel si asawa to ya anggad baley na Bahurim. Balet nen “Pawil ka la,” kuanen Abner ed Paltiel, pinmawil la.

Maung a Balita Biblia

¹⁶ Mannangnangis ya inolup nen Paltiel si asawa to ya anggad baley na Bahurim. Balet nen Pawil ka la, kuanen Abner ed Paltiel, pinmawil la.

2 Samuel 3:16 Iomraidhean Croise

2 Samuel 16:5

Kasabi nen Ari David ed Bahurim, inabet na sakey ed saray kakanayon nen Saul, si Simei a lakin anak nen Gera. Nen onsasabi inaayew-ayew to si David.

2 Samuel 17:18

Balet aminsan nibanan anengneng ira na sakey ya ogaw a laki, insan to imbagad kinen Absalom, kanyan maganat iran linman onamut ed abung na sakey a lakin taga Bahurim. Walay bobun tod abay na abung to, tan diman ira linmasur.

2 Samuel 19:16

Diad saman met a bekta, si Simei a lakin anak nen Gera, a kabyangay tribu nen Benjamin tan taga Bahurim, nangganat a linmad Jordan ya onabet ed Ari David.

2 Samuel 19:17

Kaiba to ray sanlibon lalaki a nanlapud tribu nen Benjamin. Si Siba ya aripen na pamilya nen Saul tan saray labinliman anak ton lalaki tan duamplon aripen to et linma ra met ed Jordan kasakbayan na isabiy ari.

2 Samuel 3:15

Kanyan angibakiy Isboset na angala ed kinen Micol ed kinen asawa to a si Paltiel ya anak nen Lais.

1 Saray Arari 2:8

“Sakey met iman si Simei a lakin anak nen Gera tan taga baley na Bahurim a sakop nen Benjamin. Mapalalo so impangisamba tod siak diad samay agew a linma ak ed Mahanaim, balet nen inabet to ak ed Ilog na Jordan sinambaan kod sikato ya ag ko papatey.

Jeremias 41:6

Pinmaway ed Mizpa si Ismael tan manakakis ya inabet to ra. Kaasingger tod sikara, inkuanto, “Loob kayod siudad ta nengneng yoy Gedalias.”