2 Samuel 3:14 - Maung A Balita Biblia

¹⁴ Angibaki met na pigaran totoo ed kinen Isboset tan impaikuanto, “Ipawil mod siak si asawak a Micol. Nambayar ak na sanlasus a ngoroy baog na kayaryan na saray Filisteo, pian naasawak.”

Maung a Balita Biblia

¹⁴ Angibaki met na pigaran totoo ed kinen Isboset tan impaikuanto, Ipawil mod siak si asawak a Micol. Nambayar ak na sanlasus a ngoroy baog na kayaryan na saray Filisteo, pian naasawak.

2 Samuel 3:14 Iomraidhean Croise

2 Samuel 2:10

Apataploy taon to nen agawan ari ed Israel, tan nanoley na duay taon. Balet say tribu nen Juda matoor ed kinen David,

2 Samuel 3:15

Kanyan angibakiy Isboset na angala ed kinen Micol ed kinen asawa to a si Paltiel ya anak nen Lais.

2 Samuel 6:16

Legan a niyaakar ed siudad so Kaban na Sipanan, tinmandag si Micol a biin anak nen Saul et anengneng toy Ari David a mansasayaw-sayaw tan manlukso-lukso ed arap na Katawan. Lapud saya binalaw tod puso to si David.

Mateo 1:18

Onyay impakaiyanak nen Jesu-Cristo: Si Maria ya ina nen Jesus akisipanan a mikasal ed kinen Jose. Balet kasakbayan na impanamung dan dua, nalmuan a malokun si Maria lapud pakayari na Ispiritu Santo.

1 Samuel 18:25

et si Saul ingganggan to ran mangibaga ed kinen David: “Say labay labat na ari ya ibayar mod sikato pian naasawam so marikit to et say baog na ngoroy kayaryan na sanlasus ya inatey a lalakin Filisteo, pian makabawid saray kalaban to.” (Onyay inisip nen Saul a pagawa; pian napatey na saray Filisteo si David.)

1 Samuel 18:27

si David tan saray totoo to linma ran amatey na duan lasus a Filisteo. Inawit toy baog na kayaryan na balang sakey tan imbilang tod ari, pian magmaliw a manugang to. Kanyan apasootan si Saul ya impaasawa tod kinen David si anak ton Micol.

1 Samuel 25:44

Legan to ya impaasawa nen Saul so anak to a si Micol ed kinen Palti ya anak nen Lain a taga baley na Gallim. Si Micol asawa nen David nen saman.