2 Samuel 24:6 - Maung A Balita Biblia

⁶ insan dia ed Galaad, tan tinmuloy irad Kades, say lugar da ray Heteo. Insan linma rad Dan, tan manlapud Dan, linma rad sagur na Sidon.

Maung a Balita Biblia

⁶ insan dia ed Galaad, tan tinmuloy irad Kades, say lugar da ray Heteo. Insan linma rad Dan, tan manlapud Dan, linma rad sagur na Sidon.

2 Samuel 24:6 Iomraidhean Croise

Genesis 10:15

Say pangulowan ya anak nen Canaan et si Sidon, tan say kumadwa si Het.

Genesis 31:21

Inawit ton amin iray kayaryan to tan ginanatan toy tinmaynan. Binaliw toy Ilog na Eufrates tan amaarap ed Palandey na Galaad.

Saray Bilang 32:1

Saray tribu di Ruben tan Gad et dakerakel so baka ra. Nen anengneng dan balibalin pampastolan na baka so dalin na Jazer tan Galaad,

Saray Bilang 32:39

Saray kabyangay boleg nen Makir a lakin anak nen Manases et nilooban day dalin na Galaad tan nanayaman da, kayari ran pinataynan iray Amorreon wadman.

Josue 11:8

Say Katawan impanalo to ray Israelita; dinogpaan da ray kalaban da tan inosilan da ra ya anggad Misrefotmaim tan Sidon diad baybay, tan anggad patar na Mizpa diad bokig. Tinmuloy so bakal ya anggad anggapoy nakdaan a mabilay ed saray kalaban.

Josue 19:28

Hebron, Rehob, Hamon, Cana, ya anggad Sidon.

Josue 19:47

Nen abalang na saray totoo na Dan so dalin da, linma rad Lesem tan dinogpaan da. Adakep da, pinapatey da ray totoo to, tan kinayaryan da. Nanayam irad man tan impagmaliw da a Dan so ngaran to may siudad; impara ra ed ngaran na laki ran si Dan.

Saray Huis 1:31

Ag pinataynan na tribu nen Aser iray totoon manaayam ed saray siudad na Acco, Sidon, Ahlab, Aczib, Helba, Afec, tan Rehob.