2 Samuel 24:3 - Maung A Balita Biblia

³ Balet inmebat si Joab ed ari, “Kagalang kon Ari, say Katawan a Dios mo et parakelen to komun a maminlasus so totoo to, andokey ni komuy bilay mo, pian nanengneng moy panggawa tod saya. Balet akin et pabibilang mo ray totoo?”

Maung a Balita Biblia

³ Balet inmebat si Joab ed ari, Kagalang kon Ari, say Katawan a Dios mo et parakelen to komun a maminlasus so totoo to, andokey ni komuy bilay mo, pian nanengneng moy panggawa tod saya. Balet akin et pabibilang mo ray totoo?

2 Samuel 24:3 Iomraidhean Croise

2 Samuel 10:12

Mampabiskeg kayoy linawa! Pasiaen tayoy mibakal para saray totoo tayo tan para saray siudad na Dios tayo. Say linawa na Katawan komun so nagawa!”

2 Samuel 24:4

Balet naonur lamlamang so ganggan na ari ed kinen Joab tan saray opisyal to; tinaynan da, ta linma ran mamilang ed saray totood Israel.

Saray Salmo 115:14

Itdan kayo komuy Katawan na amayamay ya anak, sikayo tan saray kabyangay boleg yo.

Probirbio 14:28

Say inkatalonggaring na sakey ya ari nileletneg ed karakel na totoon ooleyan to; no anggapo ra anggapo met la.

Isaias 60:5

Nanengneng mo yan nagawa, et nalimbos kay liket; Manlukso-lukso ka lapud liket mo. Niakar ed sika iray kayamanan na saray bansa; Onsabin manlapud biek na dayat iray kayamanan da.

Deuteronomio 1:11

Oy la komun ta say Katawan a Dios na saray lalaki yo et maminlibo to kayo nin parakelen tan paaliguasen to kayo, onung na insipan to!