2 Samuel 24:2 - Maung A Balita Biblia

² Kanyan ginanggan nen David si Joab a pangulo na saray sondalo, “Itagar mo ray opisyal mo tan laka yod amin a tribu na Israel, manlapud Dan a sakey a ketegan na bansa ya anggad Beer-seba a sananey a ketegan, ta bilang yo ray totoo. Labay kon naamtaan so karakel da.”

Maung a Balita Biblia

² Kanyan ginanggan nen David si Joab a pangulo na saray sondalo, Itagar mo ray opisyal mo tan laka yod amin a tribu na Israel, manlapud Dan a sakey a ketegan na bansa ya anggad Beer-seba a sananey a ketegan, ta bilang yo ray totoo. Labay kon naamtaan so karakel da.

2 Samuel 24:2 Iomraidhean Croise

Genesis 21:14

Diad kabkabwasan ed ontombuk ya agew, initdan nen Abraham si Agar na kakanen tan supot a katat a napnoy danum. Inlira to ra ya tan samay ogaw ed beneg nen Agar, insan to la ra pinasiput. Tinmaynan si Agar, insan nanakar-akar ed kalawakan na Beer-seba.

2 Samuel 17:11

Say simbawak sirin et say panipon mod amin ya Israelita, manlapud baley na Dan ya anggad baley na Beer-seba, a singa ra karakel na buer ed dayat; insan sikan dili so mangipangulod pibakal da.

2 Samuel 2:13

Linma met diman si Joab a lakin anak nen Sarvia tan saray arum ya opisyal nen David, tan nanaabet irad samay dipositoy danum diman. Say sakey a grupo inmirung ed sakey a dapag tan say sakey a grupo diad basil.

2 Samuel 20:23

Si Joab so pangulo na saray sondalod Israel; si Benaya a lakin anak nen Joiada so pangulo da ray bantay na ari;

2 Samuel 24:15

Kanyan say Katawan angibaki na salot ed Israel a ginmapod saman a kabwasan ya anggad panaon a tinandaan to. Manlapud Dan a sakey a ketegan na bansa ya anggad Beer-seba a sananey a ketegan, pitomplon libon Israelita iray inaatey.

2 Samuel 8:16

Si Joab a sananey ya anak nen Sarvia so pangulo na saray sondalo; si Josafat a lakin anak nen Ahilud so akaoley ed pansulat na awaran;

1 Saray Awaran 21:2

Ingganggan nen David si Joab tan saray arum a pangulo na saray sondalo, “Laka yod intiron dalin na Israel, manlapud Beer-seba a sakey a ketegan na bansa ya anggad Dan a sananey a ketegan, ta bilang yo ray totoo. Labay kon naamtaan so karakel da.”

2 Saray Awaran 32:31

Kanyan anggan nen sinmabi ray taga Babilonia a nibakin manosisad nidoma-doman agawa ed bansa to, inabuloyan na Dios si Ezekias a gawaen toy labay ton dili pian nasubok so petepeteg ya inkatoo to.

Probirbio 29:23

Say panagpaatagey mangipelag ed sika, balet no mapaabeba ka, napagalangan ka.

Jeremias 17:5

Say Katawan kuanto, “Dusaen koy toon onarawid siak, tan manmatalek ed too, tan diad biskeg na saray ompatey a totoo.

2 CORINTO 12:7

Balet pian ag ak lalon mampaatagey lapud saray impuyan ed siak na Dios a makapakelaw iran bengatla, naitdan ak na sakit a liliknaey laman ko, a pinagkalewet nen Satanas a pamairap tod siak, pian ag ak magmaliw a mapaatagey.

Saray Huis 20:1

Amin da ray totood Israel, manlapud Dan diad baybay ya anggad Beer-seba diad abalaten tan manlapud Galaad diad bokig, et inmebat irad tawag a mibakal ira. Nantitipon iran singa saksakey iran laman diad arap na Katawan diad Mizpa.