2 Samuel 24:17 - Maung A Balita Biblia

¹⁷ Anengneng nen David imay anghil a mamapatey na saray totoo, tan kuantod Katawan, “Siak so nankasalanan. Siak so nanggaway kaogsan. Antoy ginawa na sarayan totoo? Nepeg a siak tan say pamilyak so dusaen mo.”

Maung a Balita Biblia

¹⁷ Anengneng nen David imay anghil a mamapatey na saray totoo, tan kuantod Katawan, Siak so nankasalanan. Siak so nanggaway kaogsan. Antoy ginawa na sarayan totoo? Nepeg a siak tan say pamilyak so dusaen mo.

2 Samuel 24:17 Iomraidhean Croise

Genesis 18:23

Sinmingger si Abraham ed Katawan tan inkuanto, “Talaga sirin a deralen mo ray matonung a totoo, pati saray maoges?

Genesis 44:33

Natan sirin, siak lay ontilak ya aripen mo; papawil mo a kaiba to ray agagi to.

2 Samuel 12:13

“Nankasalanan ak ed Katawan,” kuanen David ed kinen Natan. Inmebat si Natan, “Pinirdona ka na Katawan; ag ka ompatey.

2 Samuel 24:10

Balet kayariy impakabilang nen David ed saray totood Israel, ag pareenen na konsinsia to, kanyan kuantod Katawan, “Ambelat so kasalanan ko lapud sayan ginawak! Pirdona mo ak pa. Inaambagel so ginawak.”

2 Samuel 7:8

“Kanyan ibagam ed aripen kon David a siak, say Katawan a Makapanyarin-amin, kuankod sikato, ‘Inekal ta kad panagpastol moy karniro ed kaalogan, insan ta ka ginawan manoley ed saray totook ya Israel.

1 Saray Arari 22:17

Inmebat si Micaya “Anengneng kon ataytayak ed saray pokdul iray totood Israel, a singa ra karniron anggapoy pumapastol da. Insan inkuan na Katawan, ‘Anggapoy pangulo da ra yan totoo; pasempet mo la ran walay kareenan.’”

Say Libro nen Job 42:6

Kanyan nababaingan ak lapud amin ya imbagak tan magbababawi diad dabuk tan dapul.

Say Libro nen Job 7:20

Akin et nasakitan ka no mankasalanan ak, sikan managbantay ed saray totoo? Akin et impagmaliw mo ak a kekenaen mo? Makabelbelat ak ta ed sika?

Saray Salmo 32:5

Insan impatwak iray kasalanan kod sika; ag ko inyamut iray maoges a ginagawak. Ginetmak ya ipatwak irad sika, et pinirdonam ya amin iray kasalanan ko.

Saray Salmo 44:11

Inabuloyan mon pinatas da kamin singa karniro; imbuybuyak mo kamid saray arum a bansa.

Saray Salmo 74:1

O Dios, akin et onyay impangikaindan mod sikami? Ag manganggay pasnuk mod saray dilin totoom?

Saray Salmo 78:71

a dimay pangaasikasoan tod saray ayep to; ginawa ton ari na Israel, say pumapastol na saray totooy Dios.

Exodo 10:16

Insan say ari impaawit ton tampol ira di Moises tan Aaron tan kuanto, “Nankasalanan ak ed Katawan a Dios yo tan diad sikayo.

Isaias 6:5

Inkuanko, “Pakaskasi ak la! Anggapo lay ilalok! Maoges ya amin so sasalitaen na dilak, tan manaayam ak ed kawalaan da ray totoon maoges so sasalitaen da. Naamtaan ko ya, lapud say Ari a Katawan a Makapanyarin-amin so anengneng na saray dilin matak.”

Jonas 1:12

Inmebat si Jonas, “Ibantak yo ak ed dayat, et ontonday bagyo. Amtak a siak so makasengeg na sayan impakabetan yo diay mabiskeg a bagyo.”

Zacarias 13:7

Say Katawan a Makapanyarin-amin kuanto, “Bangon ka, ispada, ta dogpaan moy pumapastol a mankikimey na para siak! Patey mo, pian nikaykayat iray karniro! Dogpaan ko ray totook

Saray Bilang 16:22

Balet di Moises tan Aaron dinmakmomo ra ya anggad dalin tan kuanda, “O Dios, sika so nanlapwan na amin a bilay. No mankasalanan so sakey a too, mampasnuk ka kasi ed amin a totoo?”