2 Samuel 24:16 - Maung A Balita Biblia

¹⁶ Nen ngalngali deralen na anghil na Katawan so Jerusalem, angoman na kanunotan so Katawan nipaakar ed panudusa tod saray totoo, kanyan kuantod samay anghil a mamapatey ed sikara, “Tondaan mo la! Duga la tan!” Samay anghil et walad abay na panagilikan nen Arauna a Jebuseo.

Maung a Balita Biblia

¹⁶ Nen ngalngali deralen na anghil na Katawan so Jerusalem, angoman na kanunotan so Katawan nipaakar ed panudusa tod saray totoo, kanyan kuantod samay anghil a mamapatey ed sikara, Tondaan mo la! Duga la tan! Samay anghil et walad abay na panagilikan nen Arauna a Jebuseo.

2 Samuel 24:16 Iomraidhean Croise

Genesis 10:16

Si Canaan et sengeg met na saray Jebuseo, Amorreo, Gergeseo,

Genesis 6:6

naermenan ed impamalsa tod totoo tan diad impangipasen tod sikara ed tapew na dalin. Diad ontan lan pagbabawi to,

2 Samuel 24:18

Diad saman met lamlamang ya agew linmay Gad ed kinen David tan kuantod sikato, “Lakad panagilikan nen Arauna ta manggawa kad may altar a para Katawan.”

2 Samuel 5:8

Diad saman ya agew inkuanen David ed saray totoo to, “Wala rad sikayoy mamobosul ed saray Jebusita a singa pamobusul kod sikara? Nayarian yo ra kasin pateyen? Lakayo sirin tan dalan kayod dalan na danum. Dogpaan yo ra man a pangaskasiyan a bulag tan lopuy.” (Sikayo yay makasengeg no akin et nikuan, “Ag makaloob ed abung na Katawan iray bulag tan saray lopuy.”)

1 Saray Arari 19:4

tan nanakar a sanagew ed kalawakan. Tinmonda tan inmirung ed silong na sakey a kiew tan labay to la komun so ompatey. Nampikasi, “Alablabas la ya, Katawan. Babawim lay bilay ko, ta singa ak met la lamlamang inatey!”

2 Saray Arari 19:35

Diad saman a labi linmad kampo na saray taga Asiria so sakey ya anghil na Katawan tan pinatey toy sanlasus, walomplo tan liman libon sondalo. Diad palbangon ed ontombuk ya agew kibalatar irad man ya inaatey!

1 Saray Awaran 1:14

Si Canaan so sengeg na saray Jebuseo, Amorreo, Gergeseo,

2 Saray Awaran 3:1

Inggapo nen Ari Solomon ya impaalagey so Timplo na Katawan ed Jerusalem diad tapew na Palandey na Moria, a diay pinayawaran na Katawan ed kinen Ari David ya ama nen Solomon. Imparaan la ya nen David a pasen, a sikato ya may kawalaan na panagilikan nen Arauna a Jebuseo.

2 Saray Awaran 32:21

Say Katawan angibaki na sakey ya anghil ya amatey ed saray masesebeg a sondalo tan saray opisyal na saray sondalo na Asiria. Naplag ed kababaingan a pinmawil ed Asiria so impirador. Aminsan ya agew nen sikatoy walad timplo na dios to, pinatey na pigaran anak ton lalaki diad panamegley na ispada.

Saray Salmo 135:14

Iyagel na Katawan iray totoo to; kasian to ray aripen to.

Saray Salmo 35:6

Ambilonget tan andanglel komuy dalan da, no kakabilen iray anghil na Katawan!

Saray Salmo 78:38

Balet say Dios mapangasid saray totoo to. Pinirdona to ray kasalanan da tan ag to ra pinatey. Naynay a pinokpokan toy pasnuk to, tan pinabetel toy petang na olo to.

Saray Salmo 90:13

Katawan, kapigan so itonday pasnuk mo? Kasian mo kami pan aripen mo!

Exodo 12:13

Say dala ed saray lusek ya akapeketan na puirta et tanda a pakaamtaan ed saray abung a panaayaman yo. No nanengneng koy dala, labsanan ta kayo tan ag ta kayo pasakitan no dusaen ko ray Egipsio.

Exodo 12:23

Ta onliber ed Egipto so Katawan a mamatey ed saray Egipsio, et no nanengneng toy dala ed saray panuksolan tan diad saray lusek ya akapeketan na saray puirta, ag to la palooben ed kaabungan yo so Anghil na Patey tan ag to kayo pateyen.

Exodo 32:14

Lapud saya say Katawan angoman na kanunotan tan ag to la impadalan ed saray totoo to so deral a ginetma to lan gawaen.

Exodo 9:28

Mampikasi kayod Katawan! Ag mi la natepelan so kairapan ya iiter na sarayan karul tan kristal! Abuloyan ta kayo lan ontaynan; ag kayo la dia manaayam.”

Isaias 27:8

Dinusa na Katawan iray totoo to diad panamegley na impangibantak tod sikara ed arum a bansa. Impaibantak to ra ed mabiskeg tan maruksan dagem a nanlapud bokig.

Isaias 57:16

Initdan ko na bilay iray totook, tan ag ko ituloy so pangakusak ed sikara odino pamasnuk kod sikara ed ando lan ando.

Jeremias 26:19

Ag pinatey nen Ari Ezekias tan saray totoo to si Mikias. Ingen tinakotan nen Ezekias so Katawan tan nala to so maung a linawa to. Diad onman angoman so Katawan ed kanununotan ton manderal ed sikara. Balet sikatayo, ngalngali ti la iyakar so baleg a deral ed sikatayon dili.” (

Jeremias 42:10

‘No labay yoy mansiansian manayam ed sayan dalin, iletneg ta kayo; ag ta kayo deralen; itanem ta kayo ya aliwan baguten. Akapaermen na mapalalo ed siak so deral ya inyakar kod sikayo.

Amos 7:3

Inoman na Katawan so kanunotan to kanyan inkuanto, “Ag nagawa so anengneng mo.”

Amos 7:6

Inoman lamet na Katawan so kanunotan to, kanyan kuanto, “Ag met ya nagawa!”

Habacuc 3:2

O Katawan, nadngelan ko so ginagawam, et mapalaloy pankelaw ko. Diad sayan panaon mi gawam pa natan ira may makapakelaw a ginagawam nen saman. Mangasi ka pa, anggan mamapasnuk ka.

Zacarias 9:7

Ag la mangan na karnin kadadala, odino say kakanen a sebel onung ed ganggan. Amin da ray makapaliis ed patey et magmaliw iran kabyangan na totook tan singa ra sakey a boleg ed tribu na Juda. Magmaliw a kabyangan na saray totook iray taga Ekron a singa impagmaliw met na saray Jebuseo.

Marcos 14:41

Diad pitlon impawil to inkuantod sikara, “Akaogip tan mamapainawa kayo nin anggad natan? Duga la tan! Sinmabi lay oras a niawat so Anak na Too ed lima da ray makasalanan.

Saray Gawgawa 12:23

Diad saman a bekta, kinabil na sakey ya anghil na Dios si Herodes lapud ag to pinagalangan so Dios. Binigis day laman to, insan inatey.

1 CORINTO 10:10

Ag itayo nepeg a manriklamo, a singa ginagaway arum ed sikara, kanyan pinapatey iray Anghil na Patey.

2 CORINTO 2:6

Balet duga la tay impanusa na karaklan ed sikayo ed satan a too.

Josue 15:63

Balet saray totood Juda ag da ayarian a pinataynan iray Jebuseo a manaayam ed Jerusalem. Manaayam ni rad man a kaiba da ray totood Juda.

Saray Huis 1:21

Balet ag pinataynan na saray totood tribu nen Benjamin iray Jebuseo a manaayam ed Jerusalem, tan nanlapud saman saray Jebuseo kaiba dan nanayam diman iray totoo nen Benjamin.

1 Samuel 15:11

“Magbabawi ak a ginawak ya ari si Saul; imbeneg to ak tan ag to inonur iray ganggan ko.” Apasnukay Samuel, tan sanlabin akikasi ed Katawan.